Romo 4
4
Godeme Eparame para rendepona ao-ae ali lisaya ei
1Eparamere Isaraelimi mandu rangala pae wenaalina ririna alie. Nipu reparare go au pisaya.
2Godemere Eparameme pisaya einu andoma nipu rendepona aya ali da pisayalore gore Eparame nipumi mandana ako diia pisaya. Go peapare nipumi Godena lee rona ako liiape-na-ya. 3Ande Godena angele wia bukanare gupi lea.
Eparameme Gode para kone rulao-aisaya.
Godemere Eparame nipuna kone rulaisaya eina
nipuri rendepona aya ali lisaya.
4Ali mendame pupudengi neleandare nipuna yango milia. Go yangiri pakama mida ei dia. Go eiri nipuna pu rendaa pi eina yangi mida ei. 5Go peapare ali mendame nipuna pia einu repara kone na-wi pa Gode para kone rulao-aliandare gore Godeme go alimi nipu para kone rulaya ei andomare Godeme go pa au pea ali gole ambiare ale menda na-pi ali aya dea. Go au pia eimi Godeme go aliri nipu rapu rendepona aya ali deae. 6Gupuma Deipidi nipumi pange ande ali mendame nipuna pia aunu repara kone na-wi Godeme nipuri rendepona aya ali lea einare go ali nipumi raname komenae lea. Deipidimi go eina gupi lea.
7Godeme nimuna pa aunu peme einu repara
kone na-wi einuna pange nimuna koae einu
kea pea einare nimumi raname komena.
8Ali mendare nipuna koae au pea einu Godeme
na-yarepedeandare gore go alimi
raname komapeyae.
9Gonde raname komape eina Deipidimi lea eiri yongale runguda au puma aeme alinu para komea leapae. Diae. Mo yongale runguda au na-pi aeme alinu para pange leae. Ande Godena angele wia buka wia eimi gupi lea lamande. Eparameme Gode para kone rulao-aisaya. Godemere Eparame nipuna kone rulaisaya eina nipuri rendepona aya ali lisaya. 10Go auri andepele pisayapae. Eparame yongale rungili au puma ainya pisayapae o na-pi ainya pisayapae. Na-pi ainyaloma pisaya. 11Yongale rungili auri werepe nane pisaya. Gupuma nipuna yongale rungili au na-pi ara gole Gode para kone rulao-aisaya eina Godeme nipu rendepona aya ali lisaya eiri rombo walala ara pisaya. Go pea eina alinu raayome yongale runguda au na-pi arale Gode para kone rulao-aeme eina Godeme nimuri rendepona aeme lea alinunare Eparamere nimuna ara mandana aya. 12Eparame nipuri yongale runguda au puma aeme alinuna ara pange ayae. Go eiri yongale runguli au puma pange ande naana apa Eparame nipuna yongale ambe na-runguli ainyaloma ara kone rulaisaya rupa kone rulaeme repaana apa pange aya.
Godeme Eparame repara gula lisaya ale
13Godemere Eparame para lalore Go su raayore nee para pange nena kou nane ala peme wenaali para pange gulae loma wili mandaa mealo, lisaya. Godeme go angele la wisaya eiri Eparameme ande Rudule Angele ralisaya eina na-lisaya. Eparame kone rulaoma aisaya eina Godeme nipuri rendepona aya ali lisaya. 14Ande Rudule Angelenu pangoma puaeme wenaalimi komea Godena wili mandaa mea alenu milimindare gore Gode para kone rulada wenaaliri pakama kone rulademe. Gupuma Godeme pulua loma wili mandaa misaya alenuri na-pi pa wandualia. 15Ande Godena Rudule Angele pangoma oro para aeme wenaali reparare werepere Godeme rono pangala ara nimi rapu angele yokanali piliae. Gupula peapare rudule angele na-wia lenare mendame rudule angele na-rungudia.
16Eparame Gode para kone rulao-aisaya eina Godeme ande angele la wisaya. Godemere Eparame nipuna kou nane ala peme wenaali raayo para ande la wisaya angelere nimi para pakama ginyayanda lawae. Ande Rudule Angele raluaeme wenaali para komea diayapare ande Eparameme pisaya rupa Gode para kone rulao-aeme wenaali para pange dae. Eparamere naa raayona apa manda ayae. 17Ande Godena angele wia bukame gupi lea.
Neme nee wenaali ambunana apa ma-aulayo ae, lea.
Go wili mandaami angelere ora milia. Akepeare Godeme go angele lea. Eparame nipuri Gode repara kone rulaisaya. Go Godere kome wenaali wala ma-endoaya Gode pange ande ale menda na-ainya o na-winya gole angele danda epa wi da Gode.
18Eparameme ande la wisaya angele pape eina pora dia lisayapare gole nipuna kone rulao-aisaya eina su rando rando para aya wenaalina ara aisaya. Ande Godena angele wia bukana wape pisaya rupa:
Nena kou nane alapeme wenaali waru andapu
alimie, lisaya.
19Nipuri nipuna kuni gipanuri repara 100 lisayapare Gode repara kone rulaisaya ei ora puri palisaya. Nipuna kone sialo ara lalore Nipuna do puri na-palea pange nipuna were Serame naki manda na-maidia kone wisayapare go au pa pisaya. 20Eparame nipumi Godeme ora pilia kone wisaya. Nipumi Godena wili mandaa misaya ei repara kone laapo na-wisaya. Gupuma nipuna kone rulaisaya eimiri nipu puri ma-palaisaya. Go eina nipumi Godena bi lala puaisaya. 21Eparame nipumi kone sialo arare Godeme ande wili mandaa meande au ora pilia kone wisaya. 22Go einare Eparame Godena lee rona rendepona aya auri nipuna kone rulaisaya eimi pisaya.
23Ande Godena lee rona rendepona ale lea angelere Eparame nipu repara komea na-lea. 24Naa para pange lea. Naame ande Yesu naana Reali komisayapare Godeme ma-rekaisaya eina kone rulao-aema repaa pange rendepona aeme wenaali lea. 25Naana koae koae auna Godeme Yesu komola epenaya rapaisaya. Gupuma naare nipu rapu rendepona amonoya Yesu wala ma-endaisaya.
Currently Selected:
Romo 4: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Romo 4
4
Godeme Eparame para rendepona ao-ae ali lisaya ei
1Eparamere Isaraelimi mandu rangala pae wenaalina ririna alie. Nipu reparare go au pisaya.
2Godemere Eparameme pisaya einu andoma nipu rendepona aya ali da pisayalore gore Eparame nipumi mandana ako diia pisaya. Go peapare nipumi Godena lee rona ako liiape-na-ya. 3Ande Godena angele wia bukanare gupi lea.
Eparameme Gode para kone rulao-aisaya.
Godemere Eparame nipuna kone rulaisaya eina
nipuri rendepona aya ali lisaya.
4Ali mendame pupudengi neleandare nipuna yango milia. Go yangiri pakama mida ei dia. Go eiri nipuna pu rendaa pi eina yangi mida ei. 5Go peapare ali mendame nipuna pia einu repara kone na-wi pa Gode para kone rulao-aliandare gore Godeme go alimi nipu para kone rulaya ei andomare Godeme go pa au pea ali gole ambiare ale menda na-pi ali aya dea. Go au pia eimi Godeme go aliri nipu rapu rendepona aya ali deae. 6Gupuma Deipidi nipumi pange ande ali mendame nipuna pia aunu repara kone na-wi Godeme nipuri rendepona aya ali lea einare go ali nipumi raname komenae lea. Deipidimi go eina gupi lea.
7Godeme nimuna pa aunu peme einu repara
kone na-wi einuna pange nimuna koae einu
kea pea einare nimumi raname komena.
8Ali mendare nipuna koae au pea einu Godeme
na-yarepedeandare gore go alimi
raname komapeyae.
9Gonde raname komape eina Deipidimi lea eiri yongale runguda au puma aeme alinu para komea leapae. Diae. Mo yongale runguda au na-pi aeme alinu para pange leae. Ande Godena angele wia buka wia eimi gupi lea lamande. Eparameme Gode para kone rulao-aisaya. Godemere Eparame nipuna kone rulaisaya eina nipuri rendepona aya ali lisaya. 10Go auri andepele pisayapae. Eparame yongale rungili au puma ainya pisayapae o na-pi ainya pisayapae. Na-pi ainyaloma pisaya. 11Yongale rungili auri werepe nane pisaya. Gupuma nipuna yongale rungili au na-pi ara gole Gode para kone rulao-aisaya eina Godeme nipu rendepona aya ali lisaya eiri rombo walala ara pisaya. Go pea eina alinu raayome yongale runguda au na-pi arale Gode para kone rulao-aeme eina Godeme nimuri rendepona aeme lea alinunare Eparamere nimuna ara mandana aya. 12Eparame nipuri yongale runguda au puma aeme alinuna ara pange ayae. Go eiri yongale runguli au puma pange ande naana apa Eparame nipuna yongale ambe na-runguli ainyaloma ara kone rulaisaya rupa kone rulaeme repaana apa pange aya.
Godeme Eparame repara gula lisaya ale
13Godemere Eparame para lalore Go su raayore nee para pange nena kou nane ala peme wenaali para pange gulae loma wili mandaa mealo, lisaya. Godeme go angele la wisaya eiri Eparameme ande Rudule Angele ralisaya eina na-lisaya. Eparame kone rulaoma aisaya eina Godeme nipuri rendepona aya ali lisaya. 14Ande Rudule Angelenu pangoma puaeme wenaalimi komea Godena wili mandaa mea alenu milimindare gore Gode para kone rulada wenaaliri pakama kone rulademe. Gupuma Godeme pulua loma wili mandaa misaya alenuri na-pi pa wandualia. 15Ande Godena Rudule Angele pangoma oro para aeme wenaali reparare werepere Godeme rono pangala ara nimi rapu angele yokanali piliae. Gupula peapare rudule angele na-wia lenare mendame rudule angele na-rungudia.
16Eparame Gode para kone rulao-aisaya eina Godeme ande angele la wisaya. Godemere Eparame nipuna kou nane ala peme wenaali raayo para ande la wisaya angelere nimi para pakama ginyayanda lawae. Ande Rudule Angele raluaeme wenaali para komea diayapare ande Eparameme pisaya rupa Gode para kone rulao-aeme wenaali para pange dae. Eparamere naa raayona apa manda ayae. 17Ande Godena angele wia bukame gupi lea.
Neme nee wenaali ambunana apa ma-aulayo ae, lea.
Go wili mandaami angelere ora milia. Akepeare Godeme go angele lea. Eparame nipuri Gode repara kone rulaisaya. Go Godere kome wenaali wala ma-endoaya Gode pange ande ale menda na-ainya o na-winya gole angele danda epa wi da Gode.
18Eparameme ande la wisaya angele pape eina pora dia lisayapare gole nipuna kone rulao-aisaya eina su rando rando para aya wenaalina ara aisaya. Ande Godena angele wia bukana wape pisaya rupa:
Nena kou nane alapeme wenaali waru andapu
alimie, lisaya.
19Nipuri nipuna kuni gipanuri repara 100 lisayapare Gode repara kone rulaisaya ei ora puri palisaya. Nipuna kone sialo ara lalore Nipuna do puri na-palea pange nipuna were Serame naki manda na-maidia kone wisayapare go au pa pisaya. 20Eparame nipumi Godeme ora pilia kone wisaya. Nipumi Godena wili mandaa misaya ei repara kone laapo na-wisaya. Gupuma nipuna kone rulaisaya eimiri nipu puri ma-palaisaya. Go eina nipumi Godena bi lala puaisaya. 21Eparame nipumi kone sialo arare Godeme ande wili mandaa meande au ora pilia kone wisaya. 22Go einare Eparame Godena lee rona rendepona aya auri nipuna kone rulaisaya eimi pisaya.
23Ande Godena lee rona rendepona ale lea angelere Eparame nipu repara komea na-lea. 24Naa para pange lea. Naame ande Yesu naana Reali komisayapare Godeme ma-rekaisaya eina kone rulao-aema repaa pange rendepona aeme wenaali lea. 25Naana koae koae auna Godeme Yesu komola epenaya rapaisaya. Gupuma naare nipu rapu rendepona amonoya Yesu wala ma-endaisaya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.