Romo 6
6
Naare Keriso rapu raminyeke puma endoma aema
1Go pema eina naame ake paminyapae. Godena pakama yarame komea ei andayoria penayanda naame koae aunu pa pu eiri bainyayapae.
2Go au puria bainyayapae. Diae. Koae au pi ei para naare ambala perelema. Akepea pa puria bainyayapae.
3Go pea eiri kone na-sialemepae. Yesu Keriso lapo raminyeke puma ara baparaisi au pama eiri nipu komisaya ei pange raminyeke puma pamae. 4Go ipa isame eiri nipu rapu kome nono puma nipu dapa para mendaa dina wi nono pemae. Go au pema eiri pena au pu aluame ipa isama ae. Naana Apa Gode nipuna epe puri andaaimi Keriso wala ma-rekaisaya rupa pimae.
5Naare nipu rapu mendaa dina raminyeke puma kome nono pemandare go rupa gole Godeme nipu ma-endaisaya eimi naa pange nipu rapu mendaa dina raminyeke puma endoaya eina amonoya ma-endaya.
6Go ei pange kone sialemae. Naana ambalana siama konenu pange nama endanu pamuama poranu raayo Yesu nipu ekeraisa wape pi repanana komisaya dina perelea. Go pea auri Godeme naana koae aunu puluame wee pambadema aunu ma-pereyainyaya pea. Go pi auri naa koae aunu pi einumi naa andisiamba pirapa-na-ya pea. 7Akepeare ali menda komea dinare koae einumi nipu wala na-rambualia. 8Naare Keriso rapu mendaa komemandare naana kone wima eiri nipu rapu endoma alima kone wima. 9Go eina naame kone wima eiri go Kerisore Godeme komala ei minyapalaoma wala ma-rekaya. Go einare nipu wala na-komelea. Komala eimi nipu na-rambualia. 10Go eina nipu komisayandare koae aunu pi eimi nipu na-andere pia. Gupuma ambiare nipu endoma Gode rapu aya. 11Go pea rupa nimina gole kone go rupa sialepape. Koae einu pape einare nimi pange kome nano puma Yesu Keriso rapu raminyeke pumare nimi pange Gode rapu endoma aeme.
12Nimina do rianu koae aunu pi eimi na-andere pirina dapape. Go donuri komape ei. Koae einumi nimi andere pidimindare nimina do rianu nimuna rana pi ei raidimi. 13Gupuma pange nimina donu menda koae aunu repara nipuna rana pi aunu pinaya na-alamone dapape. Nimina do ria pange konenu raayo Gode repara rendepona aunu pinya adapape. Kome ei minyapalaoma endoma aya ali manda alepape. 14Koae eimiri nimi andere pirina lape-na-yae. Akepeandare nimiri Rudule aunu rupara na-aemepare Godena yarame komea eina oro para aeme ae.
Rendepona au pape eina dipula aminya
15Go eina ake au paminyayapae. Ande Rudule Angele rupara na-ae Godena yarame komea ei rupara aemendare koae aunu pa paminyayapae. Diae. 16Go eiri nimi kone wimi. Nimi ali mendana pakama pupudengi naluame pilimindare gore nimiri go angele pangaleme alina dipula ali gonda. Koae au pi eina pupudengi nalimindare gore komala ei andeleme. Godena angelenda pangoma pilimindare gore nimi rendepona Gode rapu alimi. 17Gode para ranae laminya. Go einaya laloe. Nimiri naare mendanare koae aunu pi eimi dipula mea. Go peapare ande nimimi meamenda angele rupara wia ree angelenu waru pangame. 18Koae aunu pi einuna dipula pidimiyare nimi kepe rapaoma wala rendepona aunu pi eina dipula piramende. 19Nimina kone wimi eiri puri na-paleandare neme naare raayo puaema eina angele manda meano. Nimiri ambalandere kodo pi aunu pange ora koae aununa nimina do rianu alo moneame. Go peme rupa ambia pange nimina do rianu raayo rendepona aunu pia eina dipula pirina adepape. Go au pilimindare gore nimiri ora Godena wenaali alimi.
20Nimiri koae einumi dipula meame dinare rendepona aunu pi eimiri nimi dipula na-mea. 21Ambia go papeya yalame komale einu ambalande pala pae naarenare epe ale menda ale anda siaepae. Go aunu pala pa eina yangiri komala ei. 22Gupuma ambia nimi koae einuna dipula na-pimipare Godena dipula pimi. Gupuma nimiri ambia nimina peme aunu raayosiri Godena rana pea aunu raayo pimi. Gupuma pa ari pope endoaya ei milimi. 23Koae au pimi eina yangi ada eiri komala ei. Go peapare Godeme naana Reali Yesu Keriso rupara pakama gida alere na-kome pa ari pula endoaya ei gida.
Currently Selected:
Romo 6: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Romo 6
6
Naare Keriso rapu raminyeke puma endoma aema
1Go pema eina naame ake paminyapae. Godena pakama yarame komea ei andayoria penayanda naame koae aunu pa pu eiri bainyayapae.
2Go au puria bainyayapae. Diae. Koae au pi ei para naare ambala perelema. Akepea pa puria bainyayapae.
3Go pea eiri kone na-sialemepae. Yesu Keriso lapo raminyeke puma ara baparaisi au pama eiri nipu komisaya ei pange raminyeke puma pamae. 4Go ipa isame eiri nipu rapu kome nono puma nipu dapa para mendaa dina wi nono pemae. Go au pema eiri pena au pu aluame ipa isama ae. Naana Apa Gode nipuna epe puri andaaimi Keriso wala ma-rekaisaya rupa pimae.
5Naare nipu rapu mendaa dina raminyeke puma kome nono pemandare go rupa gole Godeme nipu ma-endaisaya eimi naa pange nipu rapu mendaa dina raminyeke puma endoaya eina amonoya ma-endaya.
6Go ei pange kone sialemae. Naana ambalana siama konenu pange nama endanu pamuama poranu raayo Yesu nipu ekeraisa wape pi repanana komisaya dina perelea. Go pea auri Godeme naana koae aunu puluame wee pambadema aunu ma-pereyainyaya pea. Go pi auri naa koae aunu pi einumi naa andisiamba pirapa-na-ya pea. 7Akepeare ali menda komea dinare koae einumi nipu wala na-rambualia. 8Naare Keriso rapu mendaa komemandare naana kone wima eiri nipu rapu endoma alima kone wima. 9Go eina naame kone wima eiri go Kerisore Godeme komala ei minyapalaoma wala ma-rekaya. Go einare nipu wala na-komelea. Komala eimi nipu na-rambualia. 10Go eina nipu komisayandare koae aunu pi eimi nipu na-andere pia. Gupuma ambiare nipu endoma Gode rapu aya. 11Go pea rupa nimina gole kone go rupa sialepape. Koae einu pape einare nimi pange kome nano puma Yesu Keriso rapu raminyeke pumare nimi pange Gode rapu endoma aeme.
12Nimina do rianu koae aunu pi eimi na-andere pirina dapape. Go donuri komape ei. Koae einumi nimi andere pidimindare nimina do rianu nimuna rana pi ei raidimi. 13Gupuma pange nimina donu menda koae aunu repara nipuna rana pi aunu pinaya na-alamone dapape. Nimina do ria pange konenu raayo Gode repara rendepona aunu pinya adapape. Kome ei minyapalaoma endoma aya ali manda alepape. 14Koae eimiri nimi andere pirina lape-na-yae. Akepeandare nimiri Rudule aunu rupara na-aemepare Godena yarame komea eina oro para aeme ae.
Rendepona au pape eina dipula aminya
15Go eina ake au paminyayapae. Ande Rudule Angele rupara na-ae Godena yarame komea ei rupara aemendare koae aunu pa paminyayapae. Diae. 16Go eiri nimi kone wimi. Nimi ali mendana pakama pupudengi naluame pilimindare gore nimiri go angele pangaleme alina dipula ali gonda. Koae au pi eina pupudengi nalimindare gore komala ei andeleme. Godena angelenda pangoma pilimindare gore nimi rendepona Gode rapu alimi. 17Gode para ranae laminya. Go einaya laloe. Nimiri naare mendanare koae aunu pi eimi dipula mea. Go peapare ande nimimi meamenda angele rupara wia ree angelenu waru pangame. 18Koae aunu pi einuna dipula pidimiyare nimi kepe rapaoma wala rendepona aunu pi eina dipula piramende. 19Nimina kone wimi eiri puri na-paleandare neme naare raayo puaema eina angele manda meano. Nimiri ambalandere kodo pi aunu pange ora koae aununa nimina do rianu alo moneame. Go peme rupa ambia pange nimina do rianu raayo rendepona aunu pia eina dipula pirina adepape. Go au pilimindare gore nimiri ora Godena wenaali alimi.
20Nimiri koae einumi dipula meame dinare rendepona aunu pi eimiri nimi dipula na-mea. 21Ambia go papeya yalame komale einu ambalande pala pae naarenare epe ale menda ale anda siaepae. Go aunu pala pa eina yangiri komala ei. 22Gupuma ambia nimi koae einuna dipula na-pimipare Godena dipula pimi. Gupuma nimiri ambia nimina peme aunu raayosiri Godena rana pea aunu raayo pimi. Gupuma pa ari pope endoaya ei milimi. 23Koae au pimi eina yangi ada eiri komala ei. Go peapare Godeme naana Reali Yesu Keriso rupara pakama gida alere na-kome pa ari pula endoaya ei gida.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.