Epesusi 3
3
Polome mo Isaraelimi na-mandu rangala pae repaa para pisaya ei
1Go pea einare ni Polome Gode para yainya pado. Nimi Isaraelimi na-mandu rangala pae repaa wenaaliyalo ni Yesu Kerisona pupudengi nado aliyalo dipula pi. 2Ni nimi ma-epeape eina go pupudengi ni repara gea eiri Gode nipuna pumi pakama yara komisaya eimi pisaya eiri pangalo pisimira. 3Gode nipuna pula loma kundiripu wisaya konere nipumi go kundiri kone ni para kone ma-siaisaya. Neme go auri nimi repara mundu aunu komea wape pi. 4Gupuma nimimi go ei yarepedemendare gore nimimi pange neme ake au puma Godena kundiri au Kerisome ma-epada ei kone wi palo nimimi pange go au andawilimi. 5Ambala naana aya kasuanuna naarenare Godeme wenaalinu para go kundiri pe eiri na-walala pisayapare Gode nipumi ambia go Yaakopi Sipiridimi nipuna angele ma-puao-aeme epe yaakopi alinu para pange Godeme angele la alo pange pora waloae epe yaakopi alinu para go kundiri pe ei walisaya. 6Ande kundiri pe eiri go ei. Go Godena epe angelemere mo Isaraelimi na-mandu rangala pae wenaalinu pange mo Isaraelimi mandu rangala pae wenaalinu rapu mendaa para Godeme yakili liada ara ada leenu midame. Mendaa angelemere go repaa laapo raida komea do rupara ma-epea pange Yesu Kerisomere Godeme pula lisaya aunu raayosi ma-payanda nimumi mendaa para muaeme.
7Gode nipumi nipuna pumi ni repara pakama yara komea ei ni para gisaya eimi pange ni rupara puri pale kongapu gisaya eimi nipumi ni pupudengi gea eiri nipuna epe angele walanoya ni ma-ma-aisaya. 8Niri bi na-wi ali Godena wenaali rapu manda mealuandare ni nimuna rolea para apeya. Go peapare Godeme ni mea eiri ni yakili ada eimi Isaraelimi na-mandu rangala pae wenaali repara Keriso nipuna na-pereyape yakili aununa Epe Angele ni para ma-pamua lea. 9Gupuma pange wenaali raayo repara Gode nipuna kundiri pula pea aunumi kili eda ei wenaalimi kone winyaya pisaya. Godemere su yaa pange olemole raayosi kimalipuma warumare nipuna kundiri aunu ali kini pisana dina go kini pao panga si eiri ipisana. 10Go einayandare ambia naarenare Keriso wenaali ruparare Godena Aya Lena andere-ae eindiolonumi pange Godena Aya Lena aeme kalu alinu pange Godena rando rando kone waru su rekele pea ei kone waru winyayanda kone ma-siaya. 11Godeme go au pisaya eiri nipuna ambala riripena para go rupa pula loma la wisaya rupa nipumi naana Reali Yesu Keriso muma go au ma ma-paisaya.
12Naame Keriso rapu runaoma aema eimi pange nipu repara naana kone rulao-aema eimiri Gode nipu repara naame paala paalame na-kome alepala pelema. Akepeare nipumi naa mandana andelea kone siapale pelema.
13Nimimi neme rendaa noayo eiri nimi repara epe aunu ma-epape eina pili.
Kerisome pumi kome ei
14Go eina reenare neme Apa repara nimina yainya pado. 15Suna aeme repaa pange Godena Aya Lena aeme repaa nimu raayosi nimuna ora biri Apame alea.
16Nipuna Aya Lena wia yakili aunu rupara wia puri nipuna Sipiridimi nimi rupara puri ma-siainyayanda Gode repara yainya pao-ayo. 17-18Gupuma Gode repara kone rulao-aeme eimiri Keriso nipumi nimina pu romba rupara ao-palinyaya yainya pao-ayo. Neme yainya pao-ayo eiri nimina pilimi aunu raayosina reere ora pu ada ei komea loma pao-ayo. Go eiri gore nimi pange Keriso repaa raayo rapu Kerisome nimi pu gea eiri ora andaaiya eimiri mendame angele lape-nae-yapare nimimi kone sialiminyaya nipumi puri ginyaya yainya pao-ayo. 19Neme nimi Keriso nipuna epe pu andaai gea ei nimi repara kone sialiminyaya yainya pao-ayopare nimi ora ree rongonare mandana na-andeleme. Go einare nipuna pu gea einu kone sumare Gode nipuna aunu naa para piru rumbima ana ma-pao-ainyaya pao-ayo.
20Gode nipumiri naame konge dama leenu ora angulapao anana palia pange naame naana rupara kone sunyalima leenu anana nipuna puri kongapu naana rupara wi eimi nipumi ora mandana papeya. 21Go einare nipu repara naa Keriso wenaali Yesu Keriso rapu runaoma ara naare raayosi go Godena bi ma-minyasia eiri pu eiri puaminya. Go ei ora pinya. Ranae.
Currently Selected:
Epesusi 3: POLENT23
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Epesusi 3
3
Polome mo Isaraelimi na-mandu rangala pae repaa para pisaya ei
1Go pea einare ni Polome Gode para yainya pado. Nimi Isaraelimi na-mandu rangala pae repaa wenaaliyalo ni Yesu Kerisona pupudengi nado aliyalo dipula pi. 2Ni nimi ma-epeape eina go pupudengi ni repara gea eiri Gode nipuna pumi pakama yara komisaya eimi pisaya eiri pangalo pisimira. 3Gode nipuna pula loma kundiripu wisaya konere nipumi go kundiri kone ni para kone ma-siaisaya. Neme go auri nimi repara mundu aunu komea wape pi. 4Gupuma nimimi go ei yarepedemendare gore nimimi pange neme ake au puma Godena kundiri au Kerisome ma-epada ei kone wi palo nimimi pange go au andawilimi. 5Ambala naana aya kasuanuna naarenare Godeme wenaalinu para go kundiri pe eiri na-walala pisayapare Gode nipumi ambia go Yaakopi Sipiridimi nipuna angele ma-puao-aeme epe yaakopi alinu para pange Godeme angele la alo pange pora waloae epe yaakopi alinu para go kundiri pe ei walisaya. 6Ande kundiri pe eiri go ei. Go Godena epe angelemere mo Isaraelimi na-mandu rangala pae wenaalinu pange mo Isaraelimi mandu rangala pae wenaalinu rapu mendaa para Godeme yakili liada ara ada leenu midame. Mendaa angelemere go repaa laapo raida komea do rupara ma-epea pange Yesu Kerisomere Godeme pula lisaya aunu raayosi ma-payanda nimumi mendaa para muaeme.
7Gode nipumi nipuna pumi ni repara pakama yara komea ei ni para gisaya eimi pange ni rupara puri pale kongapu gisaya eimi nipumi ni pupudengi gea eiri nipuna epe angele walanoya ni ma-ma-aisaya. 8Niri bi na-wi ali Godena wenaali rapu manda mealuandare ni nimuna rolea para apeya. Go peapare Godeme ni mea eiri ni yakili ada eimi Isaraelimi na-mandu rangala pae wenaali repara Keriso nipuna na-pereyape yakili aununa Epe Angele ni para ma-pamua lea. 9Gupuma pange wenaali raayo repara Gode nipuna kundiri pula pea aunumi kili eda ei wenaalimi kone winyaya pisaya. Godemere su yaa pange olemole raayosi kimalipuma warumare nipuna kundiri aunu ali kini pisana dina go kini pao panga si eiri ipisana. 10Go einayandare ambia naarenare Keriso wenaali ruparare Godena Aya Lena andere-ae eindiolonumi pange Godena Aya Lena aeme kalu alinu pange Godena rando rando kone waru su rekele pea ei kone waru winyayanda kone ma-siaya. 11Godeme go au pisaya eiri nipuna ambala riripena para go rupa pula loma la wisaya rupa nipumi naana Reali Yesu Keriso muma go au ma ma-paisaya.
12Naame Keriso rapu runaoma aema eimi pange nipu repara naana kone rulao-aema eimiri Gode nipu repara naame paala paalame na-kome alepala pelema. Akepeare nipumi naa mandana andelea kone siapale pelema.
13Nimimi neme rendaa noayo eiri nimi repara epe aunu ma-epape eina pili.
Kerisome pumi kome ei
14Go eina reenare neme Apa repara nimina yainya pado. 15Suna aeme repaa pange Godena Aya Lena aeme repaa nimu raayosi nimuna ora biri Apame alea.
16Nipuna Aya Lena wia yakili aunu rupara wia puri nipuna Sipiridimi nimi rupara puri ma-siainyayanda Gode repara yainya pao-ayo. 17-18Gupuma Gode repara kone rulao-aeme eimiri Keriso nipumi nimina pu romba rupara ao-palinyaya yainya pao-ayo. Neme yainya pao-ayo eiri nimina pilimi aunu raayosina reere ora pu ada ei komea loma pao-ayo. Go eiri gore nimi pange Keriso repaa raayo rapu Kerisome nimi pu gea eiri ora andaaiya eimiri mendame angele lape-nae-yapare nimimi kone sialiminyaya nipumi puri ginyaya yainya pao-ayo. 19Neme nimi Keriso nipuna epe pu andaai gea ei nimi repara kone sialiminyaya yainya pao-ayopare nimi ora ree rongonare mandana na-andeleme. Go einare nipuna pu gea einu kone sumare Gode nipuna aunu naa para piru rumbima ana ma-pao-ainyaya pao-ayo.
20Gode nipumiri naame konge dama leenu ora angulapao anana palia pange naame naana rupara kone sunyalima leenu anana nipuna puri kongapu naana rupara wi eimi nipumi ora mandana papeya. 21Go einare nipu repara naa Keriso wenaali Yesu Keriso rapu runaoma ara naare raayosi go Godena bi ma-minyasia eiri pu eiri puaminya. Go ei ora pinya. Ranae.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.