Epesusi 2
2
Kome ei minyapalaoma endoaya ei rapu aema
1Ambalande nimimi Gode para koae aunu pisimiyanda pange Godena angele na-pangame eimiri nimina remonuri kome wenaalinu aisimiya. 2Go naarena nimimi go suna koae koae aunu raluma puaisimiya. So yaa pange go su lau nipuna rupara ao-aeme ririna remonuna kalu remome Godena angele na-pangoaeme wenaalinuna pu ma-rekao-aya pange go remore go wenaalinuna kalu ali aya. Ambalande nimimi pange ande kalu remona angele pangisimiya.
3Ambalande naa raayosi go Godena angele na-pangoaeme ruru rapu arimande wenaali mandana aisima. Naana kone para epa leenu pange naana donumi rana pa lenu raayosi pa me eiri pange pa pu eiri pamuarima. Naana amanumi mandisimiya rupa pa alapamayalore naa pange mo wenaali raayosi repara pula pea rupa Godena wili pangala ei naa repara pange epolo pa.
4-5Go aunu puluamona naana remonuri naana Godena angele na-pangama einuna reena komameyapare Godeme nipuna yarame komala ei pange nipuna naa repara pu gea ei ora andaaiyala arare naa wala Keriso rapu ma-endaya. Gode nipuna pumi pakama yarame kome eimi nimi rambameae. 6Gode nipumi naa Yesu Keriso rapu ralapale Gode nipuna Aya Lena Keriso rapu mendaa para andere-amonoya ma-rekaisaya.
7Godeme go au pisaya eiri nipumi naa repara pu gea ei ora andaaipe loma wadoameya Yesu Keriso rupara naa para walea. Go eiri nipuna naa repara ora andaa rupa nipuna pumi pakama yarame komea ei ora werepenu pange andala pumonoya naa para walisaya. 8-9Akepeare nimi rambamea eiri Gode nipuna pumi naa repara pakama yarame komea eimi pisaya. Go auri kone rulademe eimi Godeme nimi rambamisaya. Go eiri nimina pisimiya einumi na-memepare Godeme nimi rambamea ei pakama gea puluyalo arare nimimi naana purina pima lala ara ako na-lambi diapape. 10Naare Gode nipuna kamburalosi kembowape puma warisaya wenaalinu aema. Gode nipumi naa warisaya eiri naame Yesu Keriso rapu rambuluma ara epe aunu nipuna ambala wamupao wisaya rupa pumonoya pisaya.
Yanda runguli ruru laapo Kerisome komea ma-maisaya ei
11Neme nimi Isaraelimi na-mandu rangala pae wenaalinu para angele lalo. Mo Isaraelimi mandu rangala pae wenaalinumi nimuri yongale runguli au pi wenaalinu aema loaemepare nimi Isaraelimi na-mandu rangala pae wenaalinuri yongale runguli au na-pi wenaalinu aeme loaeme. Yongale runguli auri alinumi nimuna do para pimi ei. Nimimi nimina ambala ririna ao-paliame ei niminyalepape. 12Go naarena nimi Keriso rapu na-ae papare mo lena aisimiya. Nimiri pa anda ruru wenaali aisimiya eimi Godeme nipuna yarepe mi wenaalinu rapu na-arimiya. Gupuma nimiri ande Gode nipuna angele lo korawi wenaali rapu mendaa para bi na-wisaya pange nimuna angele lo korawi ruparare nimi na-konda pambala pame. Go angele lo korawi einuri gore Gode nipuna wenaali repara ada pea alenu wili mandaa misaya einu. Go naarenare nimi Gode kone na-wi pange nimiri pu kole wenaalinu arimiya. 13Ambalande nimiri Gode repara na-aisimiya. Go peapare ambiare nimiri Yesu Keriso rupara ara Keriso nipuna komisaya eimiri Gode nipumi nimi nipu reesi para karu muma ma-ipisaya. 14Keriso nipumi gole Isaraelimi mandu rangala pae wenaalinu pange Isaraelimi na-mandu rangala pae repaa wenaali laapo para yanda ma-rambulaisayandare go ruru laapore mendaa repaa mandana aeme. Keriso nipuna dome gole monde repaa repaa loma rombo sulolo pameya rombo epama rumboma komea wenaali ma-aya.
15Keriso nipumi mo anda ruru laapo komea para Yesu nipu rupara ma-raminyekepaoma nimu pena ruru ma-ainyaya Isaraelimi mandu rangala pae wenaalinuna Rudule Angele pape au pange na-pape aunu raayosi Keriso nipumi pereyaisaya. Go au pisaya eimi Yesu nipumi yanda ma-paliaisaya. 16Keriso nipuna ekeraisa wape pi repanana komisaya eimi nipumi mo ruru laapo koae kone su lapao apeya einu raayosi ma-perearipaya. Keriso nipuna ekeraisa wape pi repaname nipumi go anda ruru laapo ora komea repaasi ma-aoma nimu Gode para wala karu ma-ipisaya. 17Go einare Keriso nipumi ipuma nimi raayo para pu ma-siainyape epe angele laripaya. Nimi Gode repara na-ae papare aisimiya Isaraelimi na-mandu rangala pae wenaalinu para pange mo Gode repara aisimiya Isaraelimi mandu rangala pae wenaalinu para pange epe angele laripaya.
18Kerisome Isaraelimi mandu rangala pae wenaalinu pange Isaraelimi na-mandu rangala pae wenaalinu pange naa raayosi go Yaakopi Sipiridi komeame Apana lee rona mandana epapeya.
19Go einare nimi Isaraelimi na-mandu rangala pae wenaalinuri ambiare lee para na-ande wenaalinu pange pa anda repaa wenaalinu na-aeme. Go peapare ambiare Godena wenaali rapu mendaa anda ruru repaa ma-aya pange Godena repaa wenaali aeme.
20Nimi pange monde Godeme angele la alo pange pora waloae alinumi pange Godena angele ma-pamuao-aeme alinumi anda keraa nongope wisimiya lena Kerisome pisaya. Gupumare Yesu Keriso nipuri go andana pingi mandana aya. 21Nipumi go anda komea para siambaoma pula ara yaakopi anda ayandare Reali repara alo monelea. 22Nipu rapu runaomare Kerisome nimi pange mo Keriso wenaali rapu komea para Godena Sipiridi aya anda warea.
Currently Selected:
Epesusi 2: POLENT23
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Epesusi 2
2
Kome ei minyapalaoma endoaya ei rapu aema
1Ambalande nimimi Gode para koae aunu pisimiyanda pange Godena angele na-pangame eimiri nimina remonuri kome wenaalinu aisimiya. 2Go naarena nimimi go suna koae koae aunu raluma puaisimiya. So yaa pange go su lau nipuna rupara ao-aeme ririna remonuna kalu remome Godena angele na-pangoaeme wenaalinuna pu ma-rekao-aya pange go remore go wenaalinuna kalu ali aya. Ambalande nimimi pange ande kalu remona angele pangisimiya.
3Ambalande naa raayosi go Godena angele na-pangoaeme ruru rapu arimande wenaali mandana aisima. Naana kone para epa leenu pange naana donumi rana pa lenu raayosi pa me eiri pange pa pu eiri pamuarima. Naana amanumi mandisimiya rupa pa alapamayalore naa pange mo wenaali raayosi repara pula pea rupa Godena wili pangala ei naa repara pange epolo pa.
4-5Go aunu puluamona naana remonuri naana Godena angele na-pangama einuna reena komameyapare Godeme nipuna yarame komala ei pange nipuna naa repara pu gea ei ora andaaiyala arare naa wala Keriso rapu ma-endaya. Gode nipuna pumi pakama yarame kome eimi nimi rambameae. 6Gode nipumi naa Yesu Keriso rapu ralapale Gode nipuna Aya Lena Keriso rapu mendaa para andere-amonoya ma-rekaisaya.
7Godeme go au pisaya eiri nipumi naa repara pu gea ei ora andaaipe loma wadoameya Yesu Keriso rupara naa para walea. Go eiri nipuna naa repara ora andaa rupa nipuna pumi pakama yarame komea ei ora werepenu pange andala pumonoya naa para walisaya. 8-9Akepeare nimi rambamea eiri Gode nipuna pumi naa repara pakama yarame komea eimi pisaya. Go auri kone rulademe eimi Godeme nimi rambamisaya. Go eiri nimina pisimiya einumi na-memepare Godeme nimi rambamea ei pakama gea puluyalo arare nimimi naana purina pima lala ara ako na-lambi diapape. 10Naare Gode nipuna kamburalosi kembowape puma warisaya wenaalinu aema. Gode nipumi naa warisaya eiri naame Yesu Keriso rapu rambuluma ara epe aunu nipuna ambala wamupao wisaya rupa pumonoya pisaya.
Yanda runguli ruru laapo Kerisome komea ma-maisaya ei
11Neme nimi Isaraelimi na-mandu rangala pae wenaalinu para angele lalo. Mo Isaraelimi mandu rangala pae wenaalinumi nimuri yongale runguli au pi wenaalinu aema loaemepare nimi Isaraelimi na-mandu rangala pae wenaalinuri yongale runguli au na-pi wenaalinu aeme loaeme. Yongale runguli auri alinumi nimuna do para pimi ei. Nimimi nimina ambala ririna ao-paliame ei niminyalepape. 12Go naarena nimi Keriso rapu na-ae papare mo lena aisimiya. Nimiri pa anda ruru wenaali aisimiya eimi Godeme nipuna yarepe mi wenaalinu rapu na-arimiya. Gupuma nimiri ande Gode nipuna angele lo korawi wenaali rapu mendaa para bi na-wisaya pange nimuna angele lo korawi ruparare nimi na-konda pambala pame. Go angele lo korawi einuri gore Gode nipuna wenaali repara ada pea alenu wili mandaa misaya einu. Go naarenare nimi Gode kone na-wi pange nimiri pu kole wenaalinu arimiya. 13Ambalande nimiri Gode repara na-aisimiya. Go peapare ambiare nimiri Yesu Keriso rupara ara Keriso nipuna komisaya eimiri Gode nipumi nimi nipu reesi para karu muma ma-ipisaya. 14Keriso nipumi gole Isaraelimi mandu rangala pae wenaalinu pange Isaraelimi na-mandu rangala pae repaa wenaali laapo para yanda ma-rambulaisayandare go ruru laapore mendaa repaa mandana aeme. Keriso nipuna dome gole monde repaa repaa loma rombo sulolo pameya rombo epama rumboma komea wenaali ma-aya.
15Keriso nipumi mo anda ruru laapo komea para Yesu nipu rupara ma-raminyekepaoma nimu pena ruru ma-ainyaya Isaraelimi mandu rangala pae wenaalinuna Rudule Angele pape au pange na-pape aunu raayosi Keriso nipumi pereyaisaya. Go au pisaya eimi Yesu nipumi yanda ma-paliaisaya. 16Keriso nipuna ekeraisa wape pi repanana komisaya eimi nipumi mo ruru laapo koae kone su lapao apeya einu raayosi ma-perearipaya. Keriso nipuna ekeraisa wape pi repaname nipumi go anda ruru laapo ora komea repaasi ma-aoma nimu Gode para wala karu ma-ipisaya. 17Go einare Keriso nipumi ipuma nimi raayo para pu ma-siainyape epe angele laripaya. Nimi Gode repara na-ae papare aisimiya Isaraelimi na-mandu rangala pae wenaalinu para pange mo Gode repara aisimiya Isaraelimi mandu rangala pae wenaalinu para pange epe angele laripaya.
18Kerisome Isaraelimi mandu rangala pae wenaalinu pange Isaraelimi na-mandu rangala pae wenaalinu pange naa raayosi go Yaakopi Sipiridi komeame Apana lee rona mandana epapeya.
19Go einare nimi Isaraelimi na-mandu rangala pae wenaalinuri ambiare lee para na-ande wenaalinu pange pa anda repaa wenaalinu na-aeme. Go peapare ambiare Godena wenaali rapu mendaa anda ruru repaa ma-aya pange Godena repaa wenaali aeme.
20Nimi pange monde Godeme angele la alo pange pora waloae alinumi pange Godena angele ma-pamuao-aeme alinumi anda keraa nongope wisimiya lena Kerisome pisaya. Gupumare Yesu Keriso nipuri go andana pingi mandana aya. 21Nipumi go anda komea para siambaoma pula ara yaakopi anda ayandare Reali repara alo monelea. 22Nipu rapu runaomare Kerisome nimi pange mo Keriso wenaali rapu komea para Godena Sipiridi aya anda warea.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.