Epesusi 4
4
Keriso wenaali naare Yesuna do ria aema ei
1Niri Reali yalo nipuna pupudengi nado eina dipula pili neme nimi para go lalo ei waru pangalepape. Godeme nimi mea eiri nipuna rombo wi ei rupara nipuna rana pea rupa ao-paidaminyaya pea ale go rupa ao-paidapape. 2Nimimiri nina komea kone na-wi ali ao-alepape pange kuma puma pawasi ao-alepape pange pu yoko ria na-pamualepape. Nimumi rendaa rendaa pinyayapare gole nimimi nimu repara au menda na-pi pa menda menda repara pu ada ei komea walalolo pipape. 3Mo Yaakopi Sipiridimiri kuma pea ei gea eimiri nimi komea para ma-rambulayale go ma-rambulaya ei ma-rumalolo papana waru ando-alepape.
4Nimi raayo Yaakopi Sipiridi komea piandare nimimi mendaa do aeme. Godeme naa mea eiri naa raayosi mendaa ale milima lo maisambo amonoya wi lea.
5Reali komea aya pange kone rulae ei komea pange baparaisi pimi ei pange komea. 6Gode komea aya eiri wenaali ambunana Apa aya. Gupuma nipuri ambunana Reali pange wenaalinu nipuna rana pi aunu ma-pao-aya pange nipu wenaali ambunana runane pia.
7Naa raayo rando randolo Kerisome au menda pi ale naa repara pakama giama giama pea. Go andaa ale pakama gea eimiri naa repara nipuri pu mandaa aya ali loma walea. 8Gupuma mo Godena angele wia bukame ambala la wia rupa gupi lisaya.
Nipu ora so mandaa puaya dinare
wenaali ma-koraoma dipula muaya leenu raayosi
komea para mu koro rumbuma
nipu rapu ma-puma rambuaya.
Gupuma nipumi wenaali ambuna para
pakama aloaya leenu alama alama pisaya.
9Gupuma nipuri ora so mandaa puaya eina reere akepuyapae. Go angelena reere gurupa. Nipu so mandaa ambe na-pe ainyare nipu go suna ipuma komoma remona anda para ambala puma werepe nane so mandaa puaya. 10Go einare mo kolopenyaripayande aliri wala so yaa mandaa opasiaoma nipumi wala go su yaa laapo raidipuna wamo pu wisaya. 11Gupuma nipumiri wenaali para pakama aloaya leenu alama alama pisaya. Nipumi muma mendapare angele ma-puao-aeme alinu pange mendapare Godena angele la alo pange pora waloae alinu mendapare pu ma-lekeyaoma angele walao-aeme alinu pange mendapare Godena wenaalinu andere-ao-aeme alinu pange angele wadame alinu meama meama pisaya. 12Nipumi go ei pisaya eiri Godena wenaalinu Keriso enu poainyayanda ma-analaisaya pange Keriso wenaalinuri Kerisona doyanda puri ma-palainyayanda pisaya. 13Go pea eimiri naa raayosi mendaa para naana pulame pama ande aunu pilima. Naana pulame pema eiri kone rulada ei pange naame Godena Naki kone widama ei laapo rupara komea para runainya. Gupuma naare kamo ae wenaalinu mandana aoma pange Keriso nipu pea rupa kamo ae wenaali alima. 14Gupumare naare nongo nakisinu mandana na-alima. Naame repana kera mendane mendane ipula pokikimi lewa lewa pada rupa pange na-alima. Go mendane mendane ipula pokikiri mo yayapi angele wadame repaame mo nimuna ma-aoma yayapi angelenumi wenaalinu pa porana karu pulumi ei mandana. 15Nongo nakisinu mandana na-aere naare Keriso nipuri mo dona kaluyandare nipu mandana kamo ae alinu andayoma aminya. Go pi auri ora aunu rupara ao-paluma pange menda menda repara pu alalolo puma papeya. 16Kerisome dona aeme rando rando alenu raayosi mendaa para runaoma komea do warea. Kerisome alala pea kongapunumiri go dona aya leenu rambamu mendaa para siambaya. Go eina mo dona aeme alenu rando randolo mo nimuna pape aunu epe rupa piliminda pange menda mendame pu alalolo pilimindare gore go do puri ora waru paloma andademe.
Keriso wenaalimi pena au rupara ao-paliape ei
17Go eina Realina bina neme nimi para go kingi angele lalo. Ande Realina angele na-meme wenaali aeme rupa na-ao-paidapape. Nimumi wimi konemere werepe yangi meape-na-ya. 18Mo wenaalimiri nimuna kone sialeme eiri rimba yo pamboma epe kone menda na-sialeme. Nimumi Godeme gea endoaya eiri na-mi kama nane pa aeme. Akepeare nimumi ale menda kone na-wimi pange pa kana penu repara lee nono puma yoloma ipidimi. 19Go wenaalinumiri koae koae aunu pumare yalame komape-na-ya. Nimumi wena kurapu rungula eiri pamuala ara gimi pange na-kome menda menda pa pa eiri pula ara koae ipa naa eiri pa muma rukayawa eiri pamuaeme.
20Gurupa aunuri wenaalinumi nimi para Keriso rupara walame ei dia. 21Nimimiri Kerisona biri ora pangalo pamera. Gupuma nipuna kou nane raluae alinuyandare Keriso rupara wia epe angele ora nimi repara walamende. 22Pereke pereke alenu repara wee pambariminde einumi nimina ambalana do rianuri lu ma-koyaluame rapamende. Go peale nimina ambalana do rianuri nimina ambala ao-ariminde rupa ma-ao-aripale go ambalana do rianuri gialepape. 23Go eina nimina ambalana pu konenu ora giaoma epe pena pu konenu rando lekeyo sialepape. 24Nimimi nimina pena do ria pena aka ma-yamo-aeme rupa yamalepape. Go pena do ria Gode nipu mandana ape nono pea. Gupumare go pena do riare Godena eiyandare ora ei lo andena Gode repara alo monema pange nipumi rana komolo pea rupa menda menda rapu ao-paidapape.
25Go eina nimimiri pereke pereke angele da ei na-dapape. Naare Keriso nipuna dona runaemandare komeayale naana ali yangonu para ora angele komea lala paminya. 26Gupuma nimina pu para rono pangala ei opasialiandare go nimina rono pangaleme eimi nimi koae aunu na-ma pa ainya dapape. Go eina go pu para rendaame komoma rono pange ei pa siamba ainya naare pa na-pambenadapape. 27Go na-pi einu la ma-ria ria puae remona koae pora menda nimina pu para na-pialepape.
28Ande pake noayande alimiri pake wala na-nere wala kini pu pupudengi nomare nipuna gole ora pora wia rupa nipu andere-aoma pange mo narali wenaalinu rambaminya. 29Ali yangonu ma-koyape angelenu na-lape. Go aunu na-piri wenaali rambameape rupa ora epe angelenu komea loma pange wenaalinu puri ma-palaoma rana ma-pape angelenu komea dapape. Gupuma neeme de angelenumi nimu repara epe aunu komea pilia. 30Nimimi Gode nipuna Epe Yaakopi Sipiridi para pu kendame na-ma-komalepape. Akepeare go Yaakopi Sipiridiri nimi Gode nipuna ei loma rekena wia. Gupuma go Yaakopi Sipiridi ambala gea eiri ali mendame wali kadia dina menda repara wali kari ada rupa go Yaakopi Sipiridi gea eiri gore naare mendana nipumi wenaali kepe rapala pea naare ora epelea loma pea. 31Nimimiri rero pia ei pange wili pangala ei o rono pangala ei raayosi gialepape. Gupuma ape ape da ei pange manda manda meada ei pange yanda lulolo pia ei raayosi ora gialepape. 32Nimi raayomere go au na-piri epe aunu komea puma pange menda menda repara yara komalolo pipape. Gupuma menda mendame pilimi aunu repara kone na-sulolo pumare Godeme Yesu Keriso rupara nimimi pameya aunu repara kone na-wisaya rupa mendaa aunu pipape.
Currently Selected:
Epesusi 4: POLENT23
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
Epesusi 4
4
Keriso wenaali naare Yesuna do ria aema ei
1Niri Reali yalo nipuna pupudengi nado eina dipula pili neme nimi para go lalo ei waru pangalepape. Godeme nimi mea eiri nipuna rombo wi ei rupara nipuna rana pea rupa ao-paidaminyaya pea ale go rupa ao-paidapape. 2Nimimiri nina komea kone na-wi ali ao-alepape pange kuma puma pawasi ao-alepape pange pu yoko ria na-pamualepape. Nimumi rendaa rendaa pinyayapare gole nimimi nimu repara au menda na-pi pa menda menda repara pu ada ei komea walalolo pipape. 3Mo Yaakopi Sipiridimiri kuma pea ei gea eimiri nimi komea para ma-rambulayale go ma-rambulaya ei ma-rumalolo papana waru ando-alepape.
4Nimi raayo Yaakopi Sipiridi komea piandare nimimi mendaa do aeme. Godeme naa mea eiri naa raayosi mendaa ale milima lo maisambo amonoya wi lea.
5Reali komea aya pange kone rulae ei komea pange baparaisi pimi ei pange komea. 6Gode komea aya eiri wenaali ambunana Apa aya. Gupuma nipuri ambunana Reali pange wenaalinu nipuna rana pi aunu ma-pao-aya pange nipu wenaali ambunana runane pia.
7Naa raayo rando randolo Kerisome au menda pi ale naa repara pakama giama giama pea. Go andaa ale pakama gea eimiri naa repara nipuri pu mandaa aya ali loma walea. 8Gupuma mo Godena angele wia bukame ambala la wia rupa gupi lisaya.
Nipu ora so mandaa puaya dinare
wenaali ma-koraoma dipula muaya leenu raayosi
komea para mu koro rumbuma
nipu rapu ma-puma rambuaya.
Gupuma nipumi wenaali ambuna para
pakama aloaya leenu alama alama pisaya.
9Gupuma nipuri ora so mandaa puaya eina reere akepuyapae. Go angelena reere gurupa. Nipu so mandaa ambe na-pe ainyare nipu go suna ipuma komoma remona anda para ambala puma werepe nane so mandaa puaya. 10Go einare mo kolopenyaripayande aliri wala so yaa mandaa opasiaoma nipumi wala go su yaa laapo raidipuna wamo pu wisaya. 11Gupuma nipumiri wenaali para pakama aloaya leenu alama alama pisaya. Nipumi muma mendapare angele ma-puao-aeme alinu pange mendapare Godena angele la alo pange pora waloae alinu mendapare pu ma-lekeyaoma angele walao-aeme alinu pange mendapare Godena wenaalinu andere-ao-aeme alinu pange angele wadame alinu meama meama pisaya. 12Nipumi go ei pisaya eiri Godena wenaalinu Keriso enu poainyayanda ma-analaisaya pange Keriso wenaalinuri Kerisona doyanda puri ma-palainyayanda pisaya. 13Go pea eimiri naa raayosi mendaa para naana pulame pama ande aunu pilima. Naana pulame pema eiri kone rulada ei pange naame Godena Naki kone widama ei laapo rupara komea para runainya. Gupuma naare kamo ae wenaalinu mandana aoma pange Keriso nipu pea rupa kamo ae wenaali alima. 14Gupumare naare nongo nakisinu mandana na-alima. Naame repana kera mendane mendane ipula pokikimi lewa lewa pada rupa pange na-alima. Go mendane mendane ipula pokikiri mo yayapi angele wadame repaame mo nimuna ma-aoma yayapi angelenumi wenaalinu pa porana karu pulumi ei mandana. 15Nongo nakisinu mandana na-aere naare Keriso nipuri mo dona kaluyandare nipu mandana kamo ae alinu andayoma aminya. Go pi auri ora aunu rupara ao-paluma pange menda menda repara pu alalolo puma papeya. 16Kerisome dona aeme rando rando alenu raayosi mendaa para runaoma komea do warea. Kerisome alala pea kongapunumiri go dona aya leenu rambamu mendaa para siambaya. Go eina mo dona aeme alenu rando randolo mo nimuna pape aunu epe rupa piliminda pange menda mendame pu alalolo pilimindare gore go do puri ora waru paloma andademe.
Keriso wenaalimi pena au rupara ao-paliape ei
17Go eina Realina bina neme nimi para go kingi angele lalo. Ande Realina angele na-meme wenaali aeme rupa na-ao-paidapape. Nimumi wimi konemere werepe yangi meape-na-ya. 18Mo wenaalimiri nimuna kone sialeme eiri rimba yo pamboma epe kone menda na-sialeme. Nimumi Godeme gea endoaya eiri na-mi kama nane pa aeme. Akepeare nimumi ale menda kone na-wimi pange pa kana penu repara lee nono puma yoloma ipidimi. 19Go wenaalinumiri koae koae aunu pumare yalame komape-na-ya. Nimumi wena kurapu rungula eiri pamuala ara gimi pange na-kome menda menda pa pa eiri pula ara koae ipa naa eiri pa muma rukayawa eiri pamuaeme.
20Gurupa aunuri wenaalinumi nimi para Keriso rupara walame ei dia. 21Nimimiri Kerisona biri ora pangalo pamera. Gupuma nipuna kou nane raluae alinuyandare Keriso rupara wia epe angele ora nimi repara walamende. 22Pereke pereke alenu repara wee pambariminde einumi nimina ambalana do rianuri lu ma-koyaluame rapamende. Go peale nimina ambalana do rianuri nimina ambala ao-ariminde rupa ma-ao-aripale go ambalana do rianuri gialepape. 23Go eina nimina ambalana pu konenu ora giaoma epe pena pu konenu rando lekeyo sialepape. 24Nimimi nimina pena do ria pena aka ma-yamo-aeme rupa yamalepape. Go pena do ria Gode nipu mandana ape nono pea. Gupumare go pena do riare Godena eiyandare ora ei lo andena Gode repara alo monema pange nipumi rana komolo pea rupa menda menda rapu ao-paidapape.
25Go eina nimimiri pereke pereke angele da ei na-dapape. Naare Keriso nipuna dona runaemandare komeayale naana ali yangonu para ora angele komea lala paminya. 26Gupuma nimina pu para rono pangala ei opasialiandare go nimina rono pangaleme eimi nimi koae aunu na-ma pa ainya dapape. Go eina go pu para rendaame komoma rono pange ei pa siamba ainya naare pa na-pambenadapape. 27Go na-pi einu la ma-ria ria puae remona koae pora menda nimina pu para na-pialepape.
28Ande pake noayande alimiri pake wala na-nere wala kini pu pupudengi nomare nipuna gole ora pora wia rupa nipu andere-aoma pange mo narali wenaalinu rambaminya. 29Ali yangonu ma-koyape angelenu na-lape. Go aunu na-piri wenaali rambameape rupa ora epe angelenu komea loma pange wenaalinu puri ma-palaoma rana ma-pape angelenu komea dapape. Gupuma neeme de angelenumi nimu repara epe aunu komea pilia. 30Nimimi Gode nipuna Epe Yaakopi Sipiridi para pu kendame na-ma-komalepape. Akepeare go Yaakopi Sipiridiri nimi Gode nipuna ei loma rekena wia. Gupuma go Yaakopi Sipiridi ambala gea eiri ali mendame wali kadia dina menda repara wali kari ada rupa go Yaakopi Sipiridi gea eiri gore naare mendana nipumi wenaali kepe rapala pea naare ora epelea loma pea. 31Nimimiri rero pia ei pange wili pangala ei o rono pangala ei raayosi gialepape. Gupuma ape ape da ei pange manda manda meada ei pange yanda lulolo pia ei raayosi ora gialepape. 32Nimi raayomere go au na-piri epe aunu komea puma pange menda menda repara yara komalolo pipape. Gupuma menda mendame pilimi aunu repara kone na-sulolo pumare Godeme Yesu Keriso rupara nimimi pameya aunu repara kone na-wisaya rupa mendaa aunu pipape.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.