2 Korindi 8
8
Keriso wenaalimi yangonu rambamida ei
1Nina amenuo, Godena yarame komala eimi Masedonia andasu para aeme Keriso wenaalimi epepe aunu pimi ei kone sialepape. 2Kenda pi ei nimu repara waru sia eimi nimuna pu konenu landande. Go naarena nimu pange ale menda na-wi repaa arimi. Go peapare nimuna ruparare raname komala au ora waru siande. Go einare nimumi Keriso yangonu menda para kone suma muninu mombe aisiminde. 3Ni ambala kone suma nimi para go la gialonda. Nimuna ranana gole go kana kilinu amu pame. Nimu dialena goleyapare ora andapupe giame. 4Ande Godena wenaali Diudia andasu nane aeme repaa nimumi rambameamono loma naa kongeyoarimi. 5Ambalandere naame go kone siama. Nimumiri naa muni komea gilimi kone siama. Go kone siamapare nimumi lalore nimu ora Godena aunu komea palima kone siame pange wala ora naana aunu pange palima kone supame. Go eiri Godena rana pea rupa. 6Ambalande Daidasimi nimi rambamuma ande muni mombearipande. Naame go einu pa puairi pena kone sialema. 7Nimiri ora epepe aunu andapupe waru peme. Gode repara kone waru rulao-aeme pange go kone rulaeme ei menda repara wadoame puri waru paloaeme. Nimiri kone ora waru wimi. Godena pupudenginu naluame ora waru ao-peme. Naa pange ora raname waru komo peme. Gurupa manda menda menda waru rambamulolo pipape.
8Nimi go au pipape loma rudule angele menda na-la gialo. Mendane repaamere wenaali rambamulame rapoaeme. Go einare nimi pange nimina menda repara pu aloaeme dame einda ora deandare gore ambia go ei wadaminyayanda wala menda go siadonda. 9Ande naana Reali Yesu nipumi naa repara pu gea eiri nimi kone wimi. Nipuri ale menda waisape nono na-pi alimi gole wala naa rondona nipu wala narali ali aisaya. Nipu narali ali aisaya eina rupara nimina Keriso aunu ora andalenaya pisaya.
10Ambia gore nina kone sialo ei go la gialonda. Ambala monde kuni gipana kini puma namende pupudengi pereyalepape lalo. Go eiri ora nimina pumi pulameyanda raname waru komamende. 11Go einare ambia ambe pu pereyalepape. Ande go pupudengi kini pu pulame raname ora waru komoma wange wange pisiminde. Gurupa mandare pereyaluame pange wange wange pu pereyalepape. Ora nimi ana pea rupa pala pipape. 12Nimi ale menda ora adoa kone wilimindare gore Godemere go aununa ora raname komoayo. Godemere go ali nipuna wia alenu kone wia. Gupuma go ali nipuna ada alenuri go einu anamusi alala pilia.
13-14Mendane repaa rambamealo ara mendane repaa kenda mealiminya angele na-lalo. Go peapare ambia go naarenare nimi olemole waru siamba-aeme. Go einare mo ale menda diadeanda waidame repaa ademendare ora epedea. Nimi ale menda wadimi dina nimumi olemole siamba alimindare gore nimumi nimi rambamilimi. Go au pilimindare nimi raayo mendaa rupa ari peleme. 15Go angelena ande Godena angele wia bukamere gupi lea.
Ande mana enda andapu misaya ali pange
andapu na-misaya ali pange nipu raidipuna
reame na-komisipiya, lea.
Korindi anda para repaa menda epeleme lea ei
16Daidasi nipumi pange naame pima rupa nimi rambamulame ora raname waru komala eina pange Gode repara ranae angele dama. 17Nipuri naana angele raida. Go peapare nipu pange nimi rambamulame waru rapoaya. Go einare nipuna ranana nimi repara apo epelea. 18Nipu rapu ali menda ora Keriso wenaali raayo nipumi Godena angele lada eina bi wia ali menda Daidasi rapu apo epelepe. 19Go ei komea dia. Ora Keriso wenaali raayome go alimi naa rambaminyaya angele loaeme. Go alimi naa rambamu ande muni meari pamualama rupa pamilima. Go pilima eimi Reali Yesuna bi minyasialima. Gupuma naana Keriso amenu rambamidama lo wenaalimi andena.
20Go pakama geme ale naame ma-koyadema lo naa ero lala papanaya kone waru suaema. 21Naame ora rendepona aunu pulame kone suaema. Realina lee angaana komea diayapare ora wenaalina lee angaana pange. 22Nipu rapu ali menda pange apo rapadepanda. Nipu one mone pupudengi waru nipu landolameyanda alo-aemapare ora epe rupa puaya. Nipumi kone wiapare nimimi pange epe au pilimi kone wia eimi ora epolame apo rapalanda. 23Daidasiri nimimi go kone wilimi. Nipuri nina menda pupudengi noaepa ali. Gupuma mo ali laapore go kone sialepape. Niipuri Keriso wenaalina pupudengi nao-aluame aepe pange niipumi niipuna pipi aunu raayome Kerisona bi minyasialuame rapoaepe kone wilimi. 24Go alinu repara raname waru komalepape. Go aunda pilimindare gore mo mendane Keriso wenaalimi go kone wilimi. Naame nimi Korindi wenaalinuna binu minyasiao-aema eiri ora loariminya deme.
Currently Selected:
2 Korindi 8: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
2 Korindi 8
8
Keriso wenaalimi yangonu rambamida ei
1Nina amenuo, Godena yarame komala eimi Masedonia andasu para aeme Keriso wenaalimi epepe aunu pimi ei kone sialepape. 2Kenda pi ei nimu repara waru sia eimi nimuna pu konenu landande. Go naarena nimu pange ale menda na-wi repaa arimi. Go peapare nimuna ruparare raname komala au ora waru siande. Go einare nimumi Keriso yangonu menda para kone suma muninu mombe aisiminde. 3Ni ambala kone suma nimi para go la gialonda. Nimuna ranana gole go kana kilinu amu pame. Nimu dialena goleyapare ora andapupe giame. 4Ande Godena wenaali Diudia andasu nane aeme repaa nimumi rambameamono loma naa kongeyoarimi. 5Ambalandere naame go kone siama. Nimumiri naa muni komea gilimi kone siama. Go kone siamapare nimumi lalore nimu ora Godena aunu komea palima kone siame pange wala ora naana aunu pange palima kone supame. Go eiri Godena rana pea rupa. 6Ambalande Daidasimi nimi rambamuma ande muni mombearipande. Naame go einu pa puairi pena kone sialema. 7Nimiri ora epepe aunu andapupe waru peme. Gode repara kone waru rulao-aeme pange go kone rulaeme ei menda repara wadoame puri waru paloaeme. Nimiri kone ora waru wimi. Godena pupudenginu naluame ora waru ao-peme. Naa pange ora raname waru komo peme. Gurupa manda menda menda waru rambamulolo pipape.
8Nimi go au pipape loma rudule angele menda na-la gialo. Mendane repaamere wenaali rambamulame rapoaeme. Go einare nimi pange nimina menda repara pu aloaeme dame einda ora deandare gore ambia go ei wadaminyayanda wala menda go siadonda. 9Ande naana Reali Yesu nipumi naa repara pu gea eiri nimi kone wimi. Nipuri ale menda waisape nono na-pi alimi gole wala naa rondona nipu wala narali ali aisaya. Nipu narali ali aisaya eina rupara nimina Keriso aunu ora andalenaya pisaya.
10Ambia gore nina kone sialo ei go la gialonda. Ambala monde kuni gipana kini puma namende pupudengi pereyalepape lalo. Go eiri ora nimina pumi pulameyanda raname waru komamende. 11Go einare ambia ambe pu pereyalepape. Ande go pupudengi kini pu pulame raname ora waru komoma wange wange pisiminde. Gurupa mandare pereyaluame pange wange wange pu pereyalepape. Ora nimi ana pea rupa pala pipape. 12Nimi ale menda ora adoa kone wilimindare gore Godemere go aununa ora raname komoayo. Godemere go ali nipuna wia alenu kone wia. Gupuma go ali nipuna ada alenuri go einu anamusi alala pilia.
13-14Mendane repaa rambamealo ara mendane repaa kenda mealiminya angele na-lalo. Go peapare ambia go naarenare nimi olemole waru siamba-aeme. Go einare mo ale menda diadeanda waidame repaa ademendare ora epedea. Nimi ale menda wadimi dina nimumi olemole siamba alimindare gore nimumi nimi rambamilimi. Go au pilimindare nimi raayo mendaa rupa ari peleme. 15Go angelena ande Godena angele wia bukamere gupi lea.
Ande mana enda andapu misaya ali pange
andapu na-misaya ali pange nipu raidipuna
reame na-komisipiya, lea.
Korindi anda para repaa menda epeleme lea ei
16Daidasi nipumi pange naame pima rupa nimi rambamulame ora raname waru komala eina pange Gode repara ranae angele dama. 17Nipuri naana angele raida. Go peapare nipu pange nimi rambamulame waru rapoaya. Go einare nipuna ranana nimi repara apo epelea. 18Nipu rapu ali menda ora Keriso wenaali raayo nipumi Godena angele lada eina bi wia ali menda Daidasi rapu apo epelepe. 19Go ei komea dia. Ora Keriso wenaali raayome go alimi naa rambaminyaya angele loaeme. Go alimi naa rambamu ande muni meari pamualama rupa pamilima. Go pilima eimi Reali Yesuna bi minyasialima. Gupuma naana Keriso amenu rambamidama lo wenaalimi andena.
20Go pakama geme ale naame ma-koyadema lo naa ero lala papanaya kone waru suaema. 21Naame ora rendepona aunu pulame kone suaema. Realina lee angaana komea diayapare ora wenaalina lee angaana pange. 22Nipu rapu ali menda pange apo rapadepanda. Nipu one mone pupudengi waru nipu landolameyanda alo-aemapare ora epe rupa puaya. Nipumi kone wiapare nimimi pange epe au pilimi kone wia eimi ora epolame apo rapalanda. 23Daidasiri nimimi go kone wilimi. Nipuri nina menda pupudengi noaepa ali. Gupuma mo ali laapore go kone sialepape. Niipuri Keriso wenaalina pupudengi nao-aluame aepe pange niipumi niipuna pipi aunu raayome Kerisona bi minyasialuame rapoaepe kone wilimi. 24Go alinu repara raname waru komalepape. Go aunda pilimindare gore mo mendane Keriso wenaalimi go kone wilimi. Naame nimi Korindi wenaalinuna binu minyasiao-aema eiri ora loariminya deme.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.