2 Korindi 7
7
1Ora nina amenuo, go Godena wili mandaa angelenuri ambala apo pangamende. Go einare naana remona pange naana dona ralea kodonu raayo randepe rumbalepape. Gupuma yaakopi repaa alepape. Go au pumare Gode paalame komoma ora rendepona aunu pipape.
Korindi repaa lekelemenda Polo raname komea ei
2Nimimi naa raname waru komalepape pange naame nimi para koae au menda na-pema. Naame menda na-koyaema pange mendana alenu na-yoloaema. 3Neme go lalo eiri nimi ale menda ma-rialuame na-lalo. Nimi repara ambala gupi lisuande. Naame nimi repara naana pu konenu apo gisimande. Nimi komelemenda pange endoma aliminda pange naana rambuluma aema eiri ale mendame na-keralia. 4Nimi repara ora pename go lalonda. Nimi repara ni ora rana andaai pia. Naa repara kenda menda ipula eimi go rana pi einu na-lu rambuao-aya. Ni ora raname waru komalo.
5Ambala naa Masedonia anda para ipisima dina pange naame koro menda na-meama. Ora rendaa one mone aunu waru epa. Naa mendane repaa rapu rono yanda waru liama. Go eimiri naana pu para pange paalame komama. 6Naana pu konenu koyapare Godeme Daidasi raparipaya eimi naana konenu wala epea. Go Godeme gurupa kendame komaleme repaa epe konenu ma-siao-ae Gode. 7Nipu epa eimi komea na-rana na-ma-paripapare ande nimimi nipu puri ma-palarimiya ei pangoma pange naa puri meama. Nimimi ni yarame waru komaleme ei pange la gida pange nimi nina ape laluameya lele puaema ei pange ni go epa la gida. Go einare niri ora rana andaaimi komalo.
8Ande neme wape pawa ramayome nimi pu kendame komame. Go peapare neme ora au pawa kone sialo. Orae, ambala ni pange pu kendame komawapare ambiare dia. Ni kone sialopare go ramayomere nimi pu kendame ma-komaripapare pa riambo komea pande. 9Ambiare ni raname ora waru komalo. Nimi pu kendame komeme eina ni raname na-komalo. Ni raname komalo eiri go kenda pi ei meame eimi nimina pu konenu wala Gode repara lekeya epame eimi raname komalo. Nina kone sialopare go kenda pi eiri Godeme gole paripa kone sialo. Go einare naana angelenumiri nimi ongepusi pange na-ma-koyaripa.
10Akepeare Godeme wenaali pu kendame ma-komada eiri wenaali pu konenu lekeyoma nipumi rambamulame koneme gole pia. Go eiri pu kendame komape ei dia. Go peapare su alinumi midame kendanumiri komape ei ma-epao-aya. 11Nimi kone waru sialepape. Go Godeme pu kendame ma-komaripande eimi nimi para epepe aunu ora andapu epande. Go eimi nimina pu ma-rekaripanda nimina angelenu ma-rendepoyariminde. Go kenda meame eimiri ali mendame pa au menda pandare rana komea go ali ma-ririyape pora walo ariminde. Go eina Gode repara paalame komala pamende. Nimina pumi ora na-andawe kone suarimi eimiri go pa au pa aliri rana komea ma-rendepoyala pamende. Nimimi pame aunu raayomere nimi rondo menda na-ae repaa lo walande.
12Neme apo ramayo rapayo auri ande pa au pa ali pange nipumi pa au pa alinu repara na-raparipu. Neme ramayo rapayo auri ora penameyao go au wadoame pawande. Go eiri gurupa. Nimumi naa raname ora waru komeme eiri Godeme andea loma wape pawa.
13Go nimina pame aumi naana pu kuma ma-pademe. Naamere raname pange komalema. Daidasi pange nimimi epe au pamenda nipumi raname waru komala. Naame go ei andoma ora raname komalema. 14Neme Daidasi para nimina binu minyasiaripu. Nimimi nipu para peme aumiri go neme lawaya angelere ora lawana lamende. Naame ora angele loaema. Mendaa rupa ande Daidasi para nimina binu minyasiaripu eiri ora pawa. 15Daidasi nimi repara epandare nimimi paalame komoma nipuna angele pangoma anda meamende. Go einare nipumi nimi raname komea eiri ora andayama yama pea. 16Neme kone sialopare go aunu raayo ora pilimi kone suma raname komalo.
Currently Selected:
2 Korindi 7: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
2 Korindi 7
7
1Ora nina amenuo, go Godena wili mandaa angelenuri ambala apo pangamende. Go einare naana remona pange naana dona ralea kodonu raayo randepe rumbalepape. Gupuma yaakopi repaa alepape. Go au pumare Gode paalame komoma ora rendepona aunu pipape.
Korindi repaa lekelemenda Polo raname komea ei
2Nimimi naa raname waru komalepape pange naame nimi para koae au menda na-pema. Naame menda na-koyaema pange mendana alenu na-yoloaema. 3Neme go lalo eiri nimi ale menda ma-rialuame na-lalo. Nimi repara ambala gupi lisuande. Naame nimi repara naana pu konenu apo gisimande. Nimi komelemenda pange endoma aliminda pange naana rambuluma aema eiri ale mendame na-keralia. 4Nimi repara ora pename go lalonda. Nimi repara ni ora rana andaai pia. Naa repara kenda menda ipula eimi go rana pi einu na-lu rambuao-aya. Ni ora raname waru komalo.
5Ambala naa Masedonia anda para ipisima dina pange naame koro menda na-meama. Ora rendaa one mone aunu waru epa. Naa mendane repaa rapu rono yanda waru liama. Go eimiri naana pu para pange paalame komama. 6Naana pu konenu koyapare Godeme Daidasi raparipaya eimi naana konenu wala epea. Go Godeme gurupa kendame komaleme repaa epe konenu ma-siao-ae Gode. 7Nipu epa eimi komea na-rana na-ma-paripapare ande nimimi nipu puri ma-palarimiya ei pangoma pange naa puri meama. Nimimi ni yarame waru komaleme ei pange la gida pange nimi nina ape laluameya lele puaema ei pange ni go epa la gida. Go einare niri ora rana andaaimi komalo.
8Ande neme wape pawa ramayome nimi pu kendame komame. Go peapare neme ora au pawa kone sialo. Orae, ambala ni pange pu kendame komawapare ambiare dia. Ni kone sialopare go ramayomere nimi pu kendame ma-komaripapare pa riambo komea pande. 9Ambiare ni raname ora waru komalo. Nimi pu kendame komeme eina ni raname na-komalo. Ni raname komalo eiri go kenda pi ei meame eimi nimina pu konenu wala Gode repara lekeya epame eimi raname komalo. Nina kone sialopare go kenda pi eiri Godeme gole paripa kone sialo. Go einare naana angelenumiri nimi ongepusi pange na-ma-koyaripa.
10Akepeare Godeme wenaali pu kendame ma-komada eiri wenaali pu konenu lekeyoma nipumi rambamulame koneme gole pia. Go eiri pu kendame komape ei dia. Go peapare su alinumi midame kendanumiri komape ei ma-epao-aya. 11Nimi kone waru sialepape. Go Godeme pu kendame ma-komaripande eimi nimi para epepe aunu ora andapu epande. Go eimi nimina pu ma-rekaripanda nimina angelenu ma-rendepoyariminde. Go kenda meame eimiri ali mendame pa au menda pandare rana komea go ali ma-ririyape pora walo ariminde. Go eina Gode repara paalame komala pamende. Nimina pumi ora na-andawe kone suarimi eimiri go pa au pa aliri rana komea ma-rendepoyala pamende. Nimimi pame aunu raayomere nimi rondo menda na-ae repaa lo walande.
12Neme apo ramayo rapayo auri ande pa au pa ali pange nipumi pa au pa alinu repara na-raparipu. Neme ramayo rapayo auri ora penameyao go au wadoame pawande. Go eiri gurupa. Nimumi naa raname ora waru komeme eiri Godeme andea loma wape pawa.
13Go nimina pame aumi naana pu kuma ma-pademe. Naamere raname pange komalema. Daidasi pange nimimi epe au pamenda nipumi raname waru komala. Naame go ei andoma ora raname komalema. 14Neme Daidasi para nimina binu minyasiaripu. Nimimi nipu para peme aumiri go neme lawaya angelere ora lawana lamende. Naame ora angele loaema. Mendaa rupa ande Daidasi para nimina binu minyasiaripu eiri ora pawa. 15Daidasi nimi repara epandare nimimi paalame komoma nipuna angele pangoma anda meamende. Go einare nipumi nimi raname komea eiri ora andayama yama pea. 16Neme kone sialopare go aunu raayo ora pilimi kone suma raname komalo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.