2 Korindi 9
9
Keriso yangonu rambamida ei
1Ande Godena wenaali rambameape auri nimi ambala kone wimi einare neme andalu angele menda na-doa. 2Nimi go pupudengi nape eina raname komoaeme eiri ni ambala kone wi. Naare raayosi mo Masedonia anda repaa para nimina binu minyasiao-ayo. Nimu para neme go angele loayo. Ande Akaia andasu nane aeme amenumiri go pupudengi naluameya ambala lele puaeme lawa. Mo kuni gipana go au pisimi. Go au pisimi eimi Masedonia repaa pange mendaa au puluame aeme. 3Go naana amenu nimi repara go rapado eiri go eina pi. Ande nimina binu minyasiaripu einu pakama lawana demeya pi. Ande neme lawa rupa nimu rambamulame lele pu pidimi kone sialo. 4Naame kone widamapare nimimi olemole ora gilimi kone widama. Wala Masedonia repaa menda nimi rapu ipuma nimi lele na-pi pidaminya epa andelemendare gore nimi pange naa raayo yalame komelema. 5Go einare neme go alinu ambala rapayo auri ande nimimi gula lamende alenu mealo ainyayanda ambala apo rapado. Ni epola eiri pa ambala wamopu wia lena opopalua. Go gula pimi alere gore mendame pusimi pianda na-gidamepare nimina ranana gole gidame alenu.
6Nimi go ei kone sialepape. Ali mendame wai alenu andapu polea alimiri ora nape andapu milia pange ali mendame wai alenu ongepu poleandare gore pa reponda milia. 7Ali menda apimi Gode repara adoa kone wilia alimiri gore nipuna ranana komea alala pinya. Go peapare raname komalo ara nipuna pumi kepelena rupa alala pinya. Akepeare ale menda kone na-wi pa alo alia ali komea Godeme rana komoaya.
8Godeme nimi ora epepe aunu ora andapu pilia. Go au piliandare nimimi ale menda na-wali pa sualia. Gupuma nimimi pange menda menda waru rambamu alala pilimi. 9Ande Godena angele wia bukame gupi lea.
Ali menda apimi yango menda ale menda wadia
repaa para nipuna pumi raname komalo ara
adea aliri Godeme go epe au pia alia
pa kone sualia, lea.
10Godemere wai alenuri mo e mapu puaya ali repara aloaya pange one mone endanu raayo go ali repara aloaya. Go einare Godeme olemole raayo manda nimi giliandare nimimi manda mo Keriso wenaali ademe. Go au pilimindare epe au ora andapu pilimi. Ande e mapu pia alimi wai alenu andapu poala alimi nape andapu mida rupa manda. 11Godeme nimi mo yangonu olemole waru alo aliminayandare nimi olemole ora ma-amoyalia. Go au pilimindare gore go wenaalimi naame adama alenu mealo ara Gode para raname komala ara ranae angele deme. 12Nimimi go au pimi eimiri Godena repaa rambamidame. Gupuma nimu dia dea alenu alo pimi. Go au komea diayapare nimumi go au pimi eimi Gode para ora ranae angele ora andapu dame.
13Go yangonu rambamulameya nimimi pimi aunumiri nimina aunu penameyao wadea. Gupuma nimumi kone sialore ande Godena angele ralialo ara Yesuna angele ladema kone wilimi. Nimu repara pange pa alinu para pange olemole ademe ei nimumi andeleme. 14Gupuma nimumi Godena bi minyasialimi. Godena pu gea ei ora andapupe nimi para wia ei nimumi andena. Gupuma nimi raname waru komoma Godeme nimi epepe aunu pinyaya yainya painya. 15Godeme naa ora epe alenu ora pakama guaya eimi naame pange angelenu lape-na-ya. Go einare Gode para ranae angele laminya.
Currently Selected:
2 Korindi 9: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
2 Korindi 9
9
Keriso yangonu rambamida ei
1Ande Godena wenaali rambameape auri nimi ambala kone wimi einare neme andalu angele menda na-doa. 2Nimi go pupudengi nape eina raname komoaeme eiri ni ambala kone wi. Naare raayosi mo Masedonia anda repaa para nimina binu minyasiao-ayo. Nimu para neme go angele loayo. Ande Akaia andasu nane aeme amenumiri go pupudengi naluameya ambala lele puaeme lawa. Mo kuni gipana go au pisimi. Go au pisimi eimi Masedonia repaa pange mendaa au puluame aeme. 3Go naana amenu nimi repara go rapado eiri go eina pi. Ande nimina binu minyasiaripu einu pakama lawana demeya pi. Ande neme lawa rupa nimu rambamulame lele pu pidimi kone sialo. 4Naame kone widamapare nimimi olemole ora gilimi kone widama. Wala Masedonia repaa menda nimi rapu ipuma nimi lele na-pi pidaminya epa andelemendare gore nimi pange naa raayo yalame komelema. 5Go einare neme go alinu ambala rapayo auri ande nimimi gula lamende alenu mealo ainyayanda ambala apo rapado. Ni epola eiri pa ambala wamopu wia lena opopalua. Go gula pimi alere gore mendame pusimi pianda na-gidamepare nimina ranana gole gidame alenu.
6Nimi go ei kone sialepape. Ali mendame wai alenu andapu polea alimiri ora nape andapu milia pange ali mendame wai alenu ongepu poleandare gore pa reponda milia. 7Ali menda apimi Gode repara adoa kone wilia alimiri gore nipuna ranana komea alala pinya. Go peapare raname komalo ara nipuna pumi kepelena rupa alala pinya. Akepeare ale menda kone na-wi pa alo alia ali komea Godeme rana komoaya.
8Godeme nimi ora epepe aunu ora andapu pilia. Go au piliandare nimimi ale menda na-wali pa sualia. Gupuma nimimi pange menda menda waru rambamu alala pilimi. 9Ande Godena angele wia bukame gupi lea.
Ali menda apimi yango menda ale menda wadia
repaa para nipuna pumi raname komalo ara
adea aliri Godeme go epe au pia alia
pa kone sualia, lea.
10Godemere wai alenuri mo e mapu puaya ali repara aloaya pange one mone endanu raayo go ali repara aloaya. Go einare Godeme olemole raayo manda nimi giliandare nimimi manda mo Keriso wenaali ademe. Go au pilimindare epe au ora andapu pilimi. Ande e mapu pia alimi wai alenu andapu poala alimi nape andapu mida rupa manda. 11Godeme nimi mo yangonu olemole waru alo aliminayandare nimi olemole ora ma-amoyalia. Go au pilimindare gore go wenaalimi naame adama alenu mealo ara Gode para raname komala ara ranae angele deme. 12Nimimi go au pimi eimiri Godena repaa rambamidame. Gupuma nimu dia dea alenu alo pimi. Go au komea diayapare nimumi go au pimi eimi Gode para ora ranae angele ora andapu dame.
13Go yangonu rambamulameya nimimi pimi aunumiri nimina aunu penameyao wadea. Gupuma nimumi kone sialore ande Godena angele ralialo ara Yesuna angele ladema kone wilimi. Nimu repara pange pa alinu para pange olemole ademe ei nimumi andeleme. 14Gupuma nimumi Godena bi minyasialimi. Godena pu gea ei ora andapupe nimi para wia ei nimumi andena. Gupuma nimi raname waru komoma Godeme nimi epepe aunu pinyaya yainya painya. 15Godeme naa ora epe alenu ora pakama guaya eimi naame pange angelenu lape-na-ya. Go einare Gode para ranae angele laminya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.