2 Korindi 6
6
1Naa Gode rapu pupudengi nao-aema. Go einare nimi para go puri pale angele dama. Godena pakama yarame kome eiri nimi repara ambala wia. Go eina go yarame komea ei pakama na-alu pinya dapape.
2Godeme gupi leale pangalepa.
Neme nimi rambameape naare ipisandare
nimi rambameawa.
Ande nimi rambameape naare ipisandare
nimi rambameawa.
Panga. Ambiare Godeme wenaali rambameape naare go ipulanda. Ambia go naarere Godeme wenaali ora rambamilia.
3Naa naana nalema pupudenginu manda manda meapanayandare naame wenaali menda koae konenu na-ma-siao-aema. 4Go au na-piri naame go au puaema. Naana pema aunu raayome naare Godena pupudengi nadema repaa lo pename waloaema. Go au pi eiri rendaa ora andaainu epena pange kenda pi einu ora andaai epena pange pa rurumba eiri puaema. 5Naa lu yambuma dipula muaeme. Yanda runguli repaame naa ma kopa kopa liaoma, raerae loaeme. Naa ora pupudengi kenda pi rupa noaema pange reame komo paluaema pange unu pange kapula na-paluaema. 6Naa ora epe rendepona aunu puaema. Gupuma ora epe konenu suaema. Naa go gole rononu na-pangoaema. Wenaali repara epe aunu puaema. Ande Epe Yaakopi Sipiridina puri naa para wia. Naame wenaali repara pu aloaema eiri angaa kambulumi komea dia. Go aunu raayomere naare Godena pupudengi nao-aema repaa loma wada. 7Naame ora angele waloaema. Godena purinu naa pupudengi namonoyanda gea. Ora rendepona au pi auri naame yanda puluare naana popeke ki nane pange koya ki nane siamba aema.
8Mendane wenaali naana bi minyasiado-ainya mendane wenaalimi naana bi rolo para siamba-aeme. Mendane repaamere naana kou nane naana angele lainya loma mendane repaame epe au pe manda naana angele lao-aeme. Go mendane repaame naare yayapi aunu pema repaa kone widame. Go peapare diama. 9Wenaalimi naa na-ande nono peme wenaali raayome na-kone wimi. Naa komema kone wimipare diama pa endoma aema. Naa rendaa ora andaai guaemepare naa na-komema.
10Naa pu kendame komemapare naare raayosi pa raname komoaema. Naare narali aemapare wenaali andapu waru ma-amoyao-aema. Ale menda na-siae nono pemapare naame olemole raayo siaema.
11Korindi Keriso wenaalio nimi repara naana pu gialo ara ora angele apo damande. 12Koae konenu wia auri naame nimi repara na-pemapare nimimi naa para peme. 13Nimi nina nongo nakinu leale ambia nimi para angele lalo. Naame nimi ora epe rupa raname komoaema. Go rupa manda nimimi pange naa repara epe kone sialepape.
Naare Godena yaakopi anda aema
14Kama nane aeme repaa nimuri rando menda pi repaa aeme. Go einare nimu rapu komea para pana na-sialepape. Ora au pia ei pange pa au pia ei lapo raidipuna raminyeke na-pilia. Rimbale ei pange paa pi ei lapo mendaa para na-alipi. 15Kerisome e dea alenu Sadanimi e pi na-dea. Angele mi repaa pange angele na-mi repaa rapu mendaa konenu na-wimi. 16Godena anda wala remona anda rapu aperaeya auri akepumayapae. Naare ande na-kome endoma-ao-aya Godena anda aema. Gode nipuna gole gupi lisaya.
Nina andare nina wenaali repara aloma alua lea.
Niri nimuna Gode alua pange nimuri
nina wenaali alimi lea.
17Go einare ande Realimi gupi lisaya.
Nimu minyapalaoma rando ao-paidapape lea.
Koae au pi repaa rapu na-rambuluma alepape.
Go au pilimindare ni nimi rapu alua lea.
18Niri nimina Apa aluandare nimiri nina si wanenu
alimiae lisaya.
Ande puri waru pale Godeme gupi lisaya.
Currently Selected:
2 Korindi 6: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
2 Korindi 6
6
1Naa Gode rapu pupudengi nao-aema. Go einare nimi para go puri pale angele dama. Godena pakama yarame kome eiri nimi repara ambala wia. Go eina go yarame komea ei pakama na-alu pinya dapape.
2Godeme gupi leale pangalepa.
Neme nimi rambameape naare ipisandare
nimi rambameawa.
Ande nimi rambameape naare ipisandare
nimi rambameawa.
Panga. Ambiare Godeme wenaali rambameape naare go ipulanda. Ambia go naarere Godeme wenaali ora rambamilia.
3Naa naana nalema pupudenginu manda manda meapanayandare naame wenaali menda koae konenu na-ma-siao-aema. 4Go au na-piri naame go au puaema. Naana pema aunu raayome naare Godena pupudengi nadema repaa lo pename waloaema. Go au pi eiri rendaa ora andaainu epena pange kenda pi einu ora andaai epena pange pa rurumba eiri puaema. 5Naa lu yambuma dipula muaeme. Yanda runguli repaame naa ma kopa kopa liaoma, raerae loaeme. Naa ora pupudengi kenda pi rupa noaema pange reame komo paluaema pange unu pange kapula na-paluaema. 6Naa ora epe rendepona aunu puaema. Gupuma ora epe konenu suaema. Naa go gole rononu na-pangoaema. Wenaali repara epe aunu puaema. Ande Epe Yaakopi Sipiridina puri naa para wia. Naame wenaali repara pu aloaema eiri angaa kambulumi komea dia. Go aunu raayomere naare Godena pupudengi nao-aema repaa loma wada. 7Naame ora angele waloaema. Godena purinu naa pupudengi namonoyanda gea. Ora rendepona au pi auri naame yanda puluare naana popeke ki nane pange koya ki nane siamba aema.
8Mendane wenaali naana bi minyasiado-ainya mendane wenaalimi naana bi rolo para siamba-aeme. Mendane repaamere naana kou nane naana angele lainya loma mendane repaame epe au pe manda naana angele lao-aeme. Go mendane repaame naare yayapi aunu pema repaa kone widame. Go peapare diama. 9Wenaalimi naa na-ande nono peme wenaali raayome na-kone wimi. Naa komema kone wimipare diama pa endoma aema. Naa rendaa ora andaai guaemepare naa na-komema.
10Naa pu kendame komemapare naare raayosi pa raname komoaema. Naare narali aemapare wenaali andapu waru ma-amoyao-aema. Ale menda na-siae nono pemapare naame olemole raayo siaema.
11Korindi Keriso wenaalio nimi repara naana pu gialo ara ora angele apo damande. 12Koae konenu wia auri naame nimi repara na-pemapare nimimi naa para peme. 13Nimi nina nongo nakinu leale ambia nimi para angele lalo. Naame nimi ora epe rupa raname komoaema. Go rupa manda nimimi pange naa repara epe kone sialepape.
Naare Godena yaakopi anda aema
14Kama nane aeme repaa nimuri rando menda pi repaa aeme. Go einare nimu rapu komea para pana na-sialepape. Ora au pia ei pange pa au pia ei lapo raidipuna raminyeke na-pilia. Rimbale ei pange paa pi ei lapo mendaa para na-alipi. 15Kerisome e dea alenu Sadanimi e pi na-dea. Angele mi repaa pange angele na-mi repaa rapu mendaa konenu na-wimi. 16Godena anda wala remona anda rapu aperaeya auri akepumayapae. Naare ande na-kome endoma-ao-aya Godena anda aema. Gode nipuna gole gupi lisaya.
Nina andare nina wenaali repara aloma alua lea.
Niri nimuna Gode alua pange nimuri
nina wenaali alimi lea.
17Go einare ande Realimi gupi lisaya.
Nimu minyapalaoma rando ao-paidapape lea.
Koae au pi repaa rapu na-rambuluma alepape.
Go au pilimindare ni nimi rapu alua lea.
18Niri nimina Apa aluandare nimiri nina si wanenu
alimiae lisaya.
Ande puri waru pale Godeme gupi lisaya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.