2 Korindi 5
5
1Naa go eiri ambala kone wima. Naa komelemandare Godeme naa so Epeni nane pena do gilia. Go nipumi warea dore na-kome pa ao-alia. 2Naa go suna go do rapu arare naa pu kendame komoma raname na-komoaema. Naamere so Epeni nane pua mulapema do ambala go meawe kone suaema. 3Naame naana pena do ora milima. 4Naare ambia go suna do para pa aema. Gupuma naame kenda waru muaema pange elalo palialo puaema. Naame naana go ambala do minyapalaluameyanda na-dama. Naame go pena dore pena aka leale yamelema. Go eiri go randepeape do ropo pinyayanda. 5Go ropo pi auri Godeme analao siayae. Gupuma naa Epe Yaakopi Sipiridi gea. Epe Yaakopi Sipiridi ambala gea eiri werepenu monde gula loma wili mandaa misaya alenu ora milima loma pema.
6Go einuri naana pu puri ma-palao-aya. Ambia go suna do rapu arare so yaa nane Yesu rapu nipuna anda para na-alima. 7Diama. Naame ambia nipu repara kone rulaoma aema. Nipu ambe na-andema. 8Go peapare neme ambala apo lawande. Naana pu rombare ambala puri palea. Ambia go do minyapalaoma ora naana ree anda para Gode rapu alimae kone widama. 9Naana ora ririna rana pea alere naana Reali rana ma-pape ei komea kone wima. Go ambia go aema anda ara o so yaa nane anda para ara pange mendaa au komea pilima kone suaema. 10Naa raayo Kerisona lee angaana nipumi rali pinyaya epa alima. Wenaali raayo naana pema aununa yangi meala pilima. Go suna aema dome epe aunu pilima pange koae aunu pilima pange, naana pema aununa yangi milima.
Kerisona rupara Gode rapu anda muma aya ei
11Yesumi naa rali pilia kone wima eimiri naa paalame komema. Go einare naa mendame wenaali kone lekeyoma Gode repara kone rulao-ainyaya kone ma-siao-aema Godeme niri ora kone waru wia. Ni pange gurupa nimimi kone waru su peme. 12Go angelere naame naana binu minyasiado ara nimimi naare ora epe repaa lalo ara na-dama. Go ei la gilimandare gore manda nimimi mo alina runane pea au na-ande mandaa yongole komea andoaeme repaa manda lademe. 13Naare keyademapae. Keyalimandare gore Gode rondona pima. Go au na-pi naare epe kone suma aema. Go au pilimandare gore nimi rondona pima. 14Naare ambia Yesuna pu gea eimi naa andere pia. Wenaali raayona Ali komea komisaya ei naa kone wima. Gurupa mandanare wenaali raayona remonu komeme. 15Yesuri wenaali ambunana komisaya. Go pisaya eiri go wenaali nimuna rana pi eina na-ao-pali Yesuna aunu komea pao-alimi. Akepeare Yesu komisayapare Godeme wala ma-rekaisaya eiri nimi rondona pisaya.
16Naa angele mema wenaali ala epama runanere naame su wenaalinumi wenaali rali puaeme rupa na-rali pilima. Ambala naame Yesu pange gurupa rali puala pisima. Go peapare ambia go aunu na-puaeme.
17Menda api Yesu repara runaliandare nipuri pena ei go ayanda. Nipuna ambalana aunu ropo pulu ara pena aununa rupara aya. 18Go einu raayo Godeme pea. Naa nipuna yanda runguli alinu arimapare Yesuna ruparare wala nipuna repaa aema. Go au pea eimiri naa pange pa aeme wenaalinu nipuna repaa ma-aulape pupudengi gea. 19Naana angelere gonda. Godere Yesu rapu aya. Gupuma nipumi Yesuna rupara wenaali raayo nipuna repaa ma-aulaya. Godeme go repaa nimuna pisimiya koae aunu repara kone na-wia. Gupuma ande nipumi wenaali nipuna repaa ma-aulao-aya rupa angele la guaya.
20Go einare ambiare naame Kerisona angele go lao-aemanda. Go eiri pa naana angaa kambulu para gole Godeme angele da ei manda. Naame wenaali para Kerisona angele lado ara go angele lao-aema. Nimi Godena yanda runguli ali na-ae nipumi nipuna repaa ma-aulainya dapa. 21Yesuri koae aunu menda na-pisayapare wenaali raayona koae aunu nipu manda ma-wisaya eimi nipu ora koae aunu pi ali manda ma-aulaema. Nipu go au pisaya eiri naa Yesu rapu amonoya pea. Gupuma nipuna purina naa Yesuna repaa wenaali amonoya pea.
Currently Selected:
2 Korindi 5: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
2 Korindi 5
5
1Naa go eiri ambala kone wima. Naa komelemandare Godeme naa so Epeni nane pena do gilia. Go nipumi warea dore na-kome pa ao-alia. 2Naa go suna go do rapu arare naa pu kendame komoma raname na-komoaema. Naamere so Epeni nane pua mulapema do ambala go meawe kone suaema. 3Naame naana pena do ora milima. 4Naare ambia go suna do para pa aema. Gupuma naame kenda waru muaema pange elalo palialo puaema. Naame naana go ambala do minyapalaluameyanda na-dama. Naame go pena dore pena aka leale yamelema. Go eiri go randepeape do ropo pinyayanda. 5Go ropo pi auri Godeme analao siayae. Gupuma naa Epe Yaakopi Sipiridi gea. Epe Yaakopi Sipiridi ambala gea eiri werepenu monde gula loma wili mandaa misaya alenu ora milima loma pema.
6Go einuri naana pu puri ma-palao-aya. Ambia go suna do rapu arare so yaa nane Yesu rapu nipuna anda para na-alima. 7Diama. Naame ambia nipu repara kone rulaoma aema. Nipu ambe na-andema. 8Go peapare neme ambala apo lawande. Naana pu rombare ambala puri palea. Ambia go do minyapalaoma ora naana ree anda para Gode rapu alimae kone widama. 9Naana ora ririna rana pea alere naana Reali rana ma-pape ei komea kone wima. Go ambia go aema anda ara o so yaa nane anda para ara pange mendaa au komea pilima kone suaema. 10Naa raayo Kerisona lee angaana nipumi rali pinyaya epa alima. Wenaali raayo naana pema aununa yangi meala pilima. Go suna aema dome epe aunu pilima pange koae aunu pilima pange, naana pema aununa yangi milima.
Kerisona rupara Gode rapu anda muma aya ei
11Yesumi naa rali pilia kone wima eimiri naa paalame komema. Go einare naa mendame wenaali kone lekeyoma Gode repara kone rulao-ainyaya kone ma-siao-aema Godeme niri ora kone waru wia. Ni pange gurupa nimimi kone waru su peme. 12Go angelere naame naana binu minyasiado ara nimimi naare ora epe repaa lalo ara na-dama. Go ei la gilimandare gore manda nimimi mo alina runane pea au na-ande mandaa yongole komea andoaeme repaa manda lademe. 13Naare keyademapae. Keyalimandare gore Gode rondona pima. Go au na-pi naare epe kone suma aema. Go au pilimandare gore nimi rondona pima. 14Naare ambia Yesuna pu gea eimi naa andere pia. Wenaali raayona Ali komea komisaya ei naa kone wima. Gurupa mandanare wenaali raayona remonu komeme. 15Yesuri wenaali ambunana komisaya. Go pisaya eiri go wenaali nimuna rana pi eina na-ao-pali Yesuna aunu komea pao-alimi. Akepeare Yesu komisayapare Godeme wala ma-rekaisaya eiri nimi rondona pisaya.
16Naa angele mema wenaali ala epama runanere naame su wenaalinumi wenaali rali puaeme rupa na-rali pilima. Ambala naame Yesu pange gurupa rali puala pisima. Go peapare ambia go aunu na-puaeme.
17Menda api Yesu repara runaliandare nipuri pena ei go ayanda. Nipuna ambalana aunu ropo pulu ara pena aununa rupara aya. 18Go einu raayo Godeme pea. Naa nipuna yanda runguli alinu arimapare Yesuna ruparare wala nipuna repaa aema. Go au pea eimiri naa pange pa aeme wenaalinu nipuna repaa ma-aulape pupudengi gea. 19Naana angelere gonda. Godere Yesu rapu aya. Gupuma nipumi Yesuna rupara wenaali raayo nipuna repaa ma-aulaya. Godeme go repaa nimuna pisimiya koae aunu repara kone na-wia. Gupuma ande nipumi wenaali nipuna repaa ma-aulao-aya rupa angele la guaya.
20Go einare ambiare naame Kerisona angele go lao-aemanda. Go eiri pa naana angaa kambulu para gole Godeme angele da ei manda. Naame wenaali para Kerisona angele lado ara go angele lao-aema. Nimi Godena yanda runguli ali na-ae nipumi nipuna repaa ma-aulainya dapa. 21Yesuri koae aunu menda na-pisayapare wenaali raayona koae aunu nipu manda ma-wisaya eimi nipu ora koae aunu pi ali manda ma-aulaema. Nipu go au pisaya eiri naa Yesu rapu amonoya pea. Gupuma nipuna purina naa Yesuna repaa wenaali amonoya pea.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.