1 Korindi 10
10
Pereke pereke godenu repara Keriso wenaalimi yainya na-pinya
1Amenuo, naana apa amenumi Mosesi raluma puameyanda pisaya einu kone sialepape. Mo wenaali raayore ande koaa oro para pumare ande dawalai weepi ipa rikirana runguluma puma epe rupa mone ree nane opapala paisimiya.
2Gupuma mo wenaaliri ande koaa para pange mo dawalai ipa para pange pula-ainya Mosesina ange raluma paisimiya wenaali para baparaisi au pisimiya.
3-4Gupuma wenaali raayome ande Godena Epe Yaakopi Sipiridimi ale enda nameya pange ande Godena Epe Yaakopi Sipiridimi ale ipa pange nisimiya. Ande Godena Epe Yaakopi Sipiridimi wale kanare mo wenaali rapu pamisimiya. Gupuma mo kana para wenaali raayome ipa nisimiya. Go kanare Kerisome gole pisaya.
5Gupisimiyapare wenaali andapuna aununa Godeme rono pangisaya. Go eina go wenaalinu Godeme lu perere pisaya. Nimuna donu monde weambipi suna alenda alenda paranu raayosi wisaya.
6Go eina mo wenaalimi pisimiya einu naame pange andomonoya pisaya. Naame koae koae alenu repara wee pambalimayanda naa kingi pulu ara peme. 7Mo wenaali menda parame pereke pereke godenu para yainya pisimiya rupa naame pange go au pilimaya wadae. Mo Godena angele wia bukamere gupi lea.
Wenaalimi enda ipa nolameya pirisimiyapare wala
monegina puare rekoma ara dupale
kondo pamboaisimiya.
8Gupuma naame pange wena pake o ali pake na-naminya. Monde wenaali menda parame go koae aunu pisimiyandare naare mendana daoseni ali ria komea pereyoma mendane kina repo wenaali raayo komisimiya. 9Gupuma naame Keriso na-la andaminya. Monde wenaali menda parame gupi au pisimiyandare koae keronumi nimu awisayandare komisimiya. 10Gupuma naame Gode repara go eiri ora au pili go eiri koae au pilipi na-laminya. Monde wenaali mendaa parame gupi lisimiyanda monde wenaali lu komada eindiolome nimu raayo liisaya.
11Monde wenaali para pisaya eiri mendane wenaalimi andenaya pisaya. Gupuma naa para pange kingi angele dae. Ambia go aema naarere su yaa pereda pea naare ranamenasi aema.
12Go eina ali apimi niri ale mendame na-ma-lopalia kone wili ali nee lopele waru andere-ape. 13Nee repara la andala ei ipula eiri wenaali raayo repara ora ipuaya einu ipula ara pia. Go peapare Godeme nipuna pula lea ei ora pilia. La andala ei raayo nena puri ana pea ei gilia. Gupuma go la andala naare epeleandare Godeme nee go la andala ei wanduainyaya nee puri gilia. Nipumi nimi go la andala ei wandualiminyaya pora pialia.
Gode ralialo ara pereke pereke gode na-raliape
14Go eina na amenuo, ande pereke pereke gode repara yainya pia aunu gialepape. 15Nimiri kone na-wi nongo nakisinu dia. Go eina neme lalo ei pangomare nimina gole kone rumaoma sialepape. 16Gode repara ranae angele doameyanda ande Kominini muaemande kapo kone sialepape. Go kapona ipa nalema naarenare ande Yesuna wee rali pima. Ande beredi rungulama nalema ei pange kone sialepape. Naame nalema dinare Yesuna do mindi rali pima. 17Ande beredi kiriri komea. Naa pange rando rando wenaaliyapare komea wenaali aema. Akepeare naame ande komea beredi gole rali rali puma nema.
18Ande Isaraeli repaare kone sialepape. Ande alinau pia ei nala repaare go alinau puaeme pereaya lena Gode rapu rambulimi. 19Neme lalo eiri go loma lalo. Ande pereke pereke gode pange nipu repara alinau pimi anda pangere ora ale menda dia. Go ale para ale menda na-opelea. 20Nemere go loma lalo. Ande angele na-mi repaame alinau pimi alere mo koae remonu repara pimi. Go einare nina ranare go koae remonu rapu na-runaliminya kone sialo. 21Nimimi Realina kapo para ipa nalo ara koae remonuna kapona pange na-naliminya. Realina deipolona enda nalo ara koae remonuna deipolona enda na-neleme. 22Naame naana Gode rono na-ma-pangaminya. Godere puri waru palea eimiyalore naa rendaa manda gilia.
Naare raayo Godena bi minyasiaminya lea ei
23Naame one mone aunu raayo pa pilima loaeme. Go eiri ora angeleyapare olemole raayo epeale dia. Naame one mone aunu raayo pa pilima. Go peapare one mone au raayosimi naa na-rambamilia. 24Ali komeame nipuna rana pi aunu komea na-ralina. Go au na-pi wenaali ambuna rambamula pea rupa nimuna rana pi ei raliala pinya.
25Mo enda kamboaeme paranu wia aarinu manda pa kamboma neleme. Nimimi kone konenu waru suma lora pipi pi au na-pipape. 26Ande Godena angele wia bukamere gupi lea.
Su pange suna wia olemole raayore Realina ei lea.
27Angele na-pange alimi enda naminya loma nee wi deandare gore nee pua piriri kone rando rando sialo ara lora lora na-pi nee para enda menda giliandare pa nape. 28Go peapare ali mendame lalo go aariri pereke pereke gode repara alea ei deandare gore neeme na-nape. Go au pi auri kone kodeayanda lalo. 29Go konere nena ei diayapare mo angele da alina ei. Ali mendame gupi dea. Nina rana pea auri pa pula piyale wala ali mendana koneme rudule auri akepuma piape dea. 30Neme nina enda nolameyanda Gode repara ranae angele loma noayo endare wala niri apimi manda manda mealiyapae lo pilia.
31Neme pili aunu raayo, enda nele o ipa nele, go aunu raayo Godena bi minyasiada ara komea pipape.
32Go einare Isaraelimi mandu rangala pae wenaali o Isaraelimi na-mandu rangala pae wenaali o Godena wenaali repara rendaa alape aunu na-pipape. 33Neme puayo ei pipape, neme wenaali raayo rana ma-pape aunu puayo. Ni ma-epeape aunu kone na-suayo. Wenaali raayo ma-epeape aunu komea kone suayo. Go au pi auri Godeme nimu rambaminyaya puayo.
Currently Selected:
1 Korindi 10: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
1 Korindi 10
10
Pereke pereke godenu repara Keriso wenaalimi yainya na-pinya
1Amenuo, naana apa amenumi Mosesi raluma puameyanda pisaya einu kone sialepape. Mo wenaali raayore ande koaa oro para pumare ande dawalai weepi ipa rikirana runguluma puma epe rupa mone ree nane opapala paisimiya.
2Gupuma mo wenaaliri ande koaa para pange mo dawalai ipa para pange pula-ainya Mosesina ange raluma paisimiya wenaali para baparaisi au pisimiya.
3-4Gupuma wenaali raayome ande Godena Epe Yaakopi Sipiridimi ale enda nameya pange ande Godena Epe Yaakopi Sipiridimi ale ipa pange nisimiya. Ande Godena Epe Yaakopi Sipiridimi wale kanare mo wenaali rapu pamisimiya. Gupuma mo kana para wenaali raayome ipa nisimiya. Go kanare Kerisome gole pisaya.
5Gupisimiyapare wenaali andapuna aununa Godeme rono pangisaya. Go eina go wenaalinu Godeme lu perere pisaya. Nimuna donu monde weambipi suna alenda alenda paranu raayosi wisaya.
6Go eina mo wenaalimi pisimiya einu naame pange andomonoya pisaya. Naame koae koae alenu repara wee pambalimayanda naa kingi pulu ara peme. 7Mo wenaali menda parame pereke pereke godenu para yainya pisimiya rupa naame pange go au pilimaya wadae. Mo Godena angele wia bukamere gupi lea.
Wenaalimi enda ipa nolameya pirisimiyapare wala
monegina puare rekoma ara dupale
kondo pamboaisimiya.
8Gupuma naame pange wena pake o ali pake na-naminya. Monde wenaali menda parame go koae aunu pisimiyandare naare mendana daoseni ali ria komea pereyoma mendane kina repo wenaali raayo komisimiya. 9Gupuma naame Keriso na-la andaminya. Monde wenaali menda parame gupi au pisimiyandare koae keronumi nimu awisayandare komisimiya. 10Gupuma naame Gode repara go eiri ora au pili go eiri koae au pilipi na-laminya. Monde wenaali mendaa parame gupi lisimiyanda monde wenaali lu komada eindiolome nimu raayo liisaya.
11Monde wenaali para pisaya eiri mendane wenaalimi andenaya pisaya. Gupuma naa para pange kingi angele dae. Ambia go aema naarere su yaa pereda pea naare ranamenasi aema.
12Go eina ali apimi niri ale mendame na-ma-lopalia kone wili ali nee lopele waru andere-ape. 13Nee repara la andala ei ipula eiri wenaali raayo repara ora ipuaya einu ipula ara pia. Go peapare Godeme nipuna pula lea ei ora pilia. La andala ei raayo nena puri ana pea ei gilia. Gupuma go la andala naare epeleandare Godeme nee go la andala ei wanduainyaya nee puri gilia. Nipumi nimi go la andala ei wandualiminyaya pora pialia.
Gode ralialo ara pereke pereke gode na-raliape
14Go eina na amenuo, ande pereke pereke gode repara yainya pia aunu gialepape. 15Nimiri kone na-wi nongo nakisinu dia. Go eina neme lalo ei pangomare nimina gole kone rumaoma sialepape. 16Gode repara ranae angele doameyanda ande Kominini muaemande kapo kone sialepape. Go kapona ipa nalema naarenare ande Yesuna wee rali pima. Ande beredi rungulama nalema ei pange kone sialepape. Naame nalema dinare Yesuna do mindi rali pima. 17Ande beredi kiriri komea. Naa pange rando rando wenaaliyapare komea wenaali aema. Akepeare naame ande komea beredi gole rali rali puma nema.
18Ande Isaraeli repaare kone sialepape. Ande alinau pia ei nala repaare go alinau puaeme pereaya lena Gode rapu rambulimi. 19Neme lalo eiri go loma lalo. Ande pereke pereke gode pange nipu repara alinau pimi anda pangere ora ale menda dia. Go ale para ale menda na-opelea. 20Nemere go loma lalo. Ande angele na-mi repaame alinau pimi alere mo koae remonu repara pimi. Go einare nina ranare go koae remonu rapu na-runaliminya kone sialo. 21Nimimi Realina kapo para ipa nalo ara koae remonuna kapona pange na-naliminya. Realina deipolona enda nalo ara koae remonuna deipolona enda na-neleme. 22Naame naana Gode rono na-ma-pangaminya. Godere puri waru palea eimiyalore naa rendaa manda gilia.
Naare raayo Godena bi minyasiaminya lea ei
23Naame one mone aunu raayo pa pilima loaeme. Go eiri ora angeleyapare olemole raayo epeale dia. Naame one mone aunu raayo pa pilima. Go peapare one mone au raayosimi naa na-rambamilia. 24Ali komeame nipuna rana pi aunu komea na-ralina. Go au na-pi wenaali ambuna rambamula pea rupa nimuna rana pi ei raliala pinya.
25Mo enda kamboaeme paranu wia aarinu manda pa kamboma neleme. Nimimi kone konenu waru suma lora pipi pi au na-pipape. 26Ande Godena angele wia bukamere gupi lea.
Su pange suna wia olemole raayore Realina ei lea.
27Angele na-pange alimi enda naminya loma nee wi deandare gore nee pua piriri kone rando rando sialo ara lora lora na-pi nee para enda menda giliandare pa nape. 28Go peapare ali mendame lalo go aariri pereke pereke gode repara alea ei deandare gore neeme na-nape. Go au pi auri kone kodeayanda lalo. 29Go konere nena ei diayapare mo angele da alina ei. Ali mendame gupi dea. Nina rana pea auri pa pula piyale wala ali mendana koneme rudule auri akepuma piape dea. 30Neme nina enda nolameyanda Gode repara ranae angele loma noayo endare wala niri apimi manda manda mealiyapae lo pilia.
31Neme pili aunu raayo, enda nele o ipa nele, go aunu raayo Godena bi minyasiada ara komea pipape.
32Go einare Isaraelimi mandu rangala pae wenaali o Isaraelimi na-mandu rangala pae wenaali o Godena wenaali repara rendaa alape aunu na-pipape. 33Neme puayo ei pipape, neme wenaali raayo rana ma-pape aunu puayo. Ni ma-epeape aunu kone na-suayo. Wenaali raayo ma-epeape aunu komea kone suayo. Go au pi auri Godeme nimu rambaminyaya puayo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.