1 Korindi 9
9
Polome Yesuna aposolo ali aya eina yangi na-muaya eina raname waru komea ei
1Niri ali mendame na-ma-korae ali ayo. Niri Yesuna angele ma-pamu-ao-ayo ali ayoae. Neme naana Reali Yesu andawae. Nimiri neme Realina pupudengi nado eina nape aemeae. 2Wenaalinu menda paramere niri Yesuna aposolo ali na-aya, kone sialemepare nimimi gupi kone menda na-wilimi. Nimiri Reali rapu runaoma aeme. Go eimiri gore niri ora aposolo ali loma wada.
3Ni la deme alinuna angele yango liado arare gurupa laloae. 4Naa enda pange ipanu menda pa gilimi. Naame go Godena pupudengi nadema einare naame yangi meape rupare pa enda ipanu komea gilimi. 5Neme pange mo Realina amenumi pange Pidame pange ande aposolo repaanumi peme rupa neme Keriso wena lamuma manda karu pamula. 6Banabasi saa komea enda kambolameyanda pupudengi no panapae. 7Amina alia alimi nipuna nelea enda pange yamelea aka pange paida andana yangi nipumi na-adea. E mapu puaya alinumi pange nimuna ena aya alenu pange ora noaeme. Gawa mena andere-aya alimi nipuna menana andu ora yupima noaya.
8Neme go naare raayosi puaema aunu kama na-manda meano. Akepeare ande Rudule Angeleme pange mendaa angele lea. 9Ande Mosesimi wape pisaya Rudule Angeleme gupi lea.
Gawa mename palawa kilinuna ambunu
ma-rumbulameya angeme pupudengi nala ara
rambuada ainyare nipuna angaa para
na-rongalepape, lea.
Godeme gawa mena kone waru wiapae. 10Go lea eiri naa para layapae. Ee, naa para lisayae. Wai polameyanda su rombala alimi pange nape mida alimi pange e poala ara napenu mendapare mulameya kone suma e poapeya. 11Gupuma naamere nimina runane nimina remonu ma-epeape alenu apo wai poamara. Go einare go suna alenu naa giapere raname komalo ara pa gilimi. 12Alinu menda paramere nimi para go dama alenuri manda pa muaeme. Go eina naame go alenu mealo pangere ora ri waru pea. Go peapare naame go papeya au gole na-pema. Keriso nipuna Epe Angele wi ei sese papeya naame kendapi einu pa riari puaema. 13Mo Gode repara alinau puaisimiya andaa anda para pupudengi nao-aeme alinumiri go para alinau pulandi puaisimiya endanu purupili menda parare pange muaeme. 14Go einare Realina angele wi eiri gurupa. Gode nipuna epe angele wadame alinumiri go pupudengi nada einare endanuri mo angele midame repaame ademe.
15Go leapare nemere gurupa alenda menda na-meae. Gupuma ambia pange alenda menda mulameya nimi para go wape na-rapadoae. Neme go au pape pora menda para na-wia. Neme nina angele waloayo eina menda para enda gialepa angele na-loayo. Neme go pe eimi mendane repaa neme rambuayo kone wi. Neme go kone suayo ei rambuapanaya menda para enda gipa pi na-doa.
16Neme ande epe angele walado einare ni ora pi lape-na-ya. Akepeare Realimi go pa da eina piae. Go eina neme go angele na-walaluandare gore niri ora koae rupa apeya. 17Na pupudengi nalo eiri na kone suma pula pawayalore, yangi ora ginya kone sula pawa. Go peapare Godeme neme ora pape lea au pi. Go pupudengi neme nanoya Godeme na ki nane su nelea.
18Go einare niri yangi aimepae. Go eiri gurupa. Niri ande Epe Angele lanoyandare Godeme ni mea. Go einare yangi na-meapeya. Neme ande angele lado eina meapeya alenu gole na-mealo.
Polome wenaali raayona pakama pupudengi noaya ali aya ei
19Niri ali menda nipuna pakama pupudengi nayo ali na-ayo. Go peapare Reali repara wenaali andapu karu epolame niri ambunana pakama pupudengi nao-ae ali ayo. 20Isaraelimi mandu rangala pae wenaali Keriso repara epenaya niri nimu aeme rupa aripu, niri ande Rudule Angelenumi na-andere-ayapare go rupa aeme wenaali Keriso repara epenayanda ni pange nimu aeme rupa aripu. 21Mendaa rupa Isaraelimi na-mandu rangala pae wenaali rapu ara go wenaali Keriso repara epenaya nimuna ao-paluaeme rupa aripu. Niri ande Isaraelimi mandu rangala pae wenaalina Rudule Angeleme na-andere pia. Neme go lalo eiri Gode nipuna rudule angele na-pange loma na-lalo. Niri Kerisona rudule angeleme andere-aya. 22Keriso repara kone rulaeme ei puri na-paleme wenaali mulamere go wenaali nimu mandana puri na-palawa. Neme one mone repaana aunu raayo raliawa. Go repaa Keriso repara epenaya one mone poranu raayo waisawa. 23Go au raayo pi eiri ande Epe Angele rondona piae. Go eimiri ni pange go angeleme da epepe aunumi ni pange epe ainya lalo.
Naa raayome Yesumi gilia yangi mulame puri waru paloma alo bainya lea ei
24Ande angi rali nali pimi alinu raayome alo pelemepare gole ali komeame kome yangi pua milia. Go eina nimi pange go yangi mulame alo puaeme rupa alo pulupape. 25Angi rali nali pia alimiri ririna ambala mongeande ande pumare nipuna dona kenda pea ainu ma-yoka yoka puma aya. Go au pea eiri ande pa na-suala pea yangi mulame pia. Go peapare naamere ande na-perele pa suari polopea yangi mulame pema.
26Go pea eina niri angi rali nali pula ara leeme leeme puma alenda menda na-ande ande pola pe para komea andapale puluae. Ande ki mongo yanda pia alimiri nipuna ki mongo pane na-rumbi ora mo nipuna yanda pia ali para komea pena dea. Ni pange go ali mandana ayo. 27Nina dore neme ora waru mana loma nina ra na pea aunu pinya loayo. Go au pi auri ande epe angelere menda menda repara laomayapare gole wala werepe ni alu papeya pe ae.
Currently Selected:
1 Korindi 9: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
1 Korindi 9
9
Polome Yesuna aposolo ali aya eina yangi na-muaya eina raname waru komea ei
1Niri ali mendame na-ma-korae ali ayo. Niri Yesuna angele ma-pamu-ao-ayo ali ayoae. Neme naana Reali Yesu andawae. Nimiri neme Realina pupudengi nado eina nape aemeae. 2Wenaalinu menda paramere niri Yesuna aposolo ali na-aya, kone sialemepare nimimi gupi kone menda na-wilimi. Nimiri Reali rapu runaoma aeme. Go eimiri gore niri ora aposolo ali loma wada.
3Ni la deme alinuna angele yango liado arare gurupa laloae. 4Naa enda pange ipanu menda pa gilimi. Naame go Godena pupudengi nadema einare naame yangi meape rupare pa enda ipanu komea gilimi. 5Neme pange mo Realina amenumi pange Pidame pange ande aposolo repaanumi peme rupa neme Keriso wena lamuma manda karu pamula. 6Banabasi saa komea enda kambolameyanda pupudengi no panapae. 7Amina alia alimi nipuna nelea enda pange yamelea aka pange paida andana yangi nipumi na-adea. E mapu puaya alinumi pange nimuna ena aya alenu pange ora noaeme. Gawa mena andere-aya alimi nipuna menana andu ora yupima noaya.
8Neme go naare raayosi puaema aunu kama na-manda meano. Akepeare ande Rudule Angeleme pange mendaa angele lea. 9Ande Mosesimi wape pisaya Rudule Angeleme gupi lea.
Gawa mename palawa kilinuna ambunu
ma-rumbulameya angeme pupudengi nala ara
rambuada ainyare nipuna angaa para
na-rongalepape, lea.
Godeme gawa mena kone waru wiapae. 10Go lea eiri naa para layapae. Ee, naa para lisayae. Wai polameyanda su rombala alimi pange nape mida alimi pange e poala ara napenu mendapare mulameya kone suma e poapeya. 11Gupuma naamere nimina runane nimina remonu ma-epeape alenu apo wai poamara. Go einare go suna alenu naa giapere raname komalo ara pa gilimi. 12Alinu menda paramere nimi para go dama alenuri manda pa muaeme. Go eina naame go alenu mealo pangere ora ri waru pea. Go peapare naame go papeya au gole na-pema. Keriso nipuna Epe Angele wi ei sese papeya naame kendapi einu pa riari puaema. 13Mo Gode repara alinau puaisimiya andaa anda para pupudengi nao-aeme alinumiri go para alinau pulandi puaisimiya endanu purupili menda parare pange muaeme. 14Go einare Realina angele wi eiri gurupa. Gode nipuna epe angele wadame alinumiri go pupudengi nada einare endanuri mo angele midame repaame ademe.
15Go leapare nemere gurupa alenda menda na-meae. Gupuma ambia pange alenda menda mulameya nimi para go wape na-rapadoae. Neme go au pape pora menda para na-wia. Neme nina angele waloayo eina menda para enda gialepa angele na-loayo. Neme go pe eimi mendane repaa neme rambuayo kone wi. Neme go kone suayo ei rambuapanaya menda para enda gipa pi na-doa.
16Neme ande epe angele walado einare ni ora pi lape-na-ya. Akepeare Realimi go pa da eina piae. Go eina neme go angele na-walaluandare gore niri ora koae rupa apeya. 17Na pupudengi nalo eiri na kone suma pula pawayalore, yangi ora ginya kone sula pawa. Go peapare Godeme neme ora pape lea au pi. Go pupudengi neme nanoya Godeme na ki nane su nelea.
18Go einare niri yangi aimepae. Go eiri gurupa. Niri ande Epe Angele lanoyandare Godeme ni mea. Go einare yangi na-meapeya. Neme ande angele lado eina meapeya alenu gole na-mealo.
Polome wenaali raayona pakama pupudengi noaya ali aya ei
19Niri ali menda nipuna pakama pupudengi nayo ali na-ayo. Go peapare Reali repara wenaali andapu karu epolame niri ambunana pakama pupudengi nao-ae ali ayo. 20Isaraelimi mandu rangala pae wenaali Keriso repara epenaya niri nimu aeme rupa aripu, niri ande Rudule Angelenumi na-andere-ayapare go rupa aeme wenaali Keriso repara epenayanda ni pange nimu aeme rupa aripu. 21Mendaa rupa Isaraelimi na-mandu rangala pae wenaali rapu ara go wenaali Keriso repara epenaya nimuna ao-paluaeme rupa aripu. Niri ande Isaraelimi mandu rangala pae wenaalina Rudule Angeleme na-andere pia. Neme go lalo eiri Gode nipuna rudule angele na-pange loma na-lalo. Niri Kerisona rudule angeleme andere-aya. 22Keriso repara kone rulaeme ei puri na-paleme wenaali mulamere go wenaali nimu mandana puri na-palawa. Neme one mone repaana aunu raayo raliawa. Go repaa Keriso repara epenaya one mone poranu raayo waisawa. 23Go au raayo pi eiri ande Epe Angele rondona piae. Go eimiri ni pange go angeleme da epepe aunumi ni pange epe ainya lalo.
Naa raayome Yesumi gilia yangi mulame puri waru paloma alo bainya lea ei
24Ande angi rali nali pimi alinu raayome alo pelemepare gole ali komeame kome yangi pua milia. Go eina nimi pange go yangi mulame alo puaeme rupa alo pulupape. 25Angi rali nali pia alimiri ririna ambala mongeande ande pumare nipuna dona kenda pea ainu ma-yoka yoka puma aya. Go au pea eiri ande pa na-suala pea yangi mulame pia. Go peapare naamere ande na-perele pa suari polopea yangi mulame pema.
26Go pea eina niri angi rali nali pula ara leeme leeme puma alenda menda na-ande ande pola pe para komea andapale puluae. Ande ki mongo yanda pia alimiri nipuna ki mongo pane na-rumbi ora mo nipuna yanda pia ali para komea pena dea. Ni pange go ali mandana ayo. 27Nina dore neme ora waru mana loma nina ra na pea aunu pinya loayo. Go au pi auri ande epe angelere menda menda repara laomayapare gole wala werepe ni alu papeya pe ae.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.