1 Korindi 11
11
1Go eina neme Kerisona kou nane ralialo rupa nimimi pange ni raluma ipulupape.
Godena yainya anda rupara pape ei
2Nimimi naare raayo ni para kone sumare neme nimi para walawa einu puaeme eina nimi raname komoayo. 3Go peapare go lalo angelere waru pangalepape. Alinu raayore Kerisome kalu aya. Gupuma wenana kalu pange nipuna ali aya. Gupuma Kerisona kaluri Gode aya. 4Go einare ali mendame wenaali ambuna aeme alena ara yainya pulame pange Godena angele laluame ara nipuna kalu koraoma aranda deandare nipumi Keriso yala ma-komalia. 5Gupuma wena komea mendame pange wenaali rapu ara nipuna kalu aka na-pambae ara Godena angele walala ara yainya piliandare gore nipuna ali yalame ma-komada. Gupi wenare nipuna kaluna makoleme iri ponde rumboma aya wena rapu mendaa pea. Go au pi auri go wena nipu yalame komenaya puaisimiya.
6Wenamere nipuna kalu aka na-pambaliandare nipuna iri raayo makoleme ponde rumbinya. Wename kalu iri makoleme mu rumbala ei pange iri runguda eiri yalame komola peme einare nimuna kalunu keapinya. 7Alimiri nipuna kalu na-keapilia. Akepeare ali wapea auri reesi para nipu manda wapea pange alina aunu pange reesi para Godena aunumi andea. Go peapare wenare ali mandana warea. 8Go einaya lalo. Ali waria auri Godeme wenana dona ayale muma na-waruma ainya leapare alina do para aya ale muma wena waruma ainya lea. 9Go eina pange Godemere alimi wena rambaminyaya na-waruma ainya leapare wename ali rambaminyaya waruma ainya lea. 10Go einare Godena eindiolonumi go wenare alina puri rolo para aya loma andola peme rupa nipumi nipuna kalu aka ora anda pilia. 11Go angelenu lalopare ambiare naare Reali rapu raminyeke puma arare wenaali raayome rambamulolo pula ara apeya. 12Wenare alina do para muma waruma ainya lea rupa aliri wename mandea. Gupuma alenda alenda raayore Godeme ma-opaya.
13Wenaali ambuna rapu yainya pulu piri wename kalu na-koraoma yainya piliare epelea pa loma niminya gole waidapape. 14Naana aunumi gole wada. Alimi nipuna iri andaai ma-ainya deadare kolea. 15Go peapare wename go au piliandare nipuna do ma-epeaya. Akepeare nipuna iriri Godeme nipuna kalu keapinyayanda alea. 16Go angelenu lalo eina ali mendame ape doa kone wiliandare nemere go ei doa. Naame pange Godena Keriso wenaali naa raayome Gode repara rumu yaruaoma panda pape rupa paakele ei menda dia.
Realina enda ipa ne ei
17Go angelenu lalopare ambia go dape angelenare nimina peme eina nimi raname na-komola. Nimimi mombea ara angele kuraleme eiri ora wia rupa na-pimi. Ande epe aunu pape rupare wala nimi repara pa aunu pimi. 18Ririna pangalo angelere gurupa. Nimina mombeame rupara nimi rapu yanda liape rupa rekele rekele puma apo aperaoma aeme. Go eiri nina kone sialopare pa ora dame o pa marea.
19Monde reke rekele puma aya au pange ora pimi. Akepeare monde epe rupa aeme wenaali na-wali pename andala pinya. 20Gupimi einare nimimi komea para mombea ara Realina enda nape-na-ya. 21Nimimi enda noaeme dinare nimina komea kone suma enda noaeme. Mendapare wenaaliri reame pa komena loma mendapare wenaaliri rombame komeme. Mendapare wenaaliri waini ipa nalame komala-ainyare mendapare wenaaliri waini ipa andapu noma keyao-aeme.
22Nimina anda paranu piri ipa endanuri nape-na-yapae. Nimimiri Godena Keriso wenaalinu yala ma-alo aeme. Gupuma monde olemole andapu diale wenaali pange yala ma-alo peme. Nimi parare ale angele lanopae. Gupimi einare nimina angele lanopae. Dia. Nimina angele lape-na-ya.
Realina enda pange ipa lapo nipuna kou nane raluaisimiya alinu alisaya ei
(Madiu 26:26-29; Maka 14:22-25; Luka 22:14-20)
23-24Neme ande walawa angelere Realimi ni para la giae. Go angelere gupa. Yesu ande Realimiri ande rimbala nipu duame yanda rombame naarenare ande beredi kiae menda muma Gode repara ranae angele lomare mindi mindi puma gupi lisaya. Nina do mindi nimi rambameape eina gialoae, lisaya. Nala pulu arare ni kone siala pipape, lisaya. 25Enda noma pereyado arare ande ipa nolame gupi lisaya. Go ipare ande pena angele loma kora wia ei nina weeme rambulia ei lisaya. Nelemendare ni para kone sialo ara pu alepape lisaya.
26Go enda pange go ipa nalo arare nipu epenaya maisambao arare nina komea eina angele walo alimi ae lisaya. 27Go eina wenaali apimi Realina enda pange nipuna ipa pange koae rupa ara neleandare ande Realina wee pange do mindi para koae au pimi. 28Go eina wenaali raayome nipuna aya rupa ambala kone siala pumare go enda ipa nala pinya. 29Ali apimi ande enda ipa nala eina ree kone na-wiliandare gore nipuna koae ei go waidanda. Nipu repara Godeme koae ei adea. 30Go einare nimina rupara aeme wenaali mendaparere puri na-paleme. Go eimi mendapare repaare yainya wainu muma mendapare komo pame.
31Naame naana aema einu kone suma go enda ipanu nola pamayalore gore koae einumi naa na-warala pa.
32Go peapare Yesumi naa rali puma naa wamo pea. Go au pi auri werepe mo su wenaali rali pilia dinare mo su wenaali rapu naa na-ma-koyalia.
33Nina wenaalio, Go einare nimimi mendaa para mombema piri wenaali raayo epa pirina menda dina enda ipanu nalepape. 34Go eina lawa. Wenaali menda reame komalo arare nipuna anda para enda nelea. Akepeare nimi komea para mombedeme dinare Godeme nimi ma-koyapanayanda lalo. Go eina nimi para ni lora pape angelenu mendapare pa wiliandare gore ni ipuma epa wamo pulua.
Currently Selected:
1 Korindi 11: POLENT23
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
1 Korindi 11
11
1Go eina neme Kerisona kou nane ralialo rupa nimimi pange ni raluma ipulupape.
Godena yainya anda rupara pape ei
2Nimimi naare raayo ni para kone sumare neme nimi para walawa einu puaeme eina nimi raname komoayo. 3Go peapare go lalo angelere waru pangalepape. Alinu raayore Kerisome kalu aya. Gupuma wenana kalu pange nipuna ali aya. Gupuma Kerisona kaluri Gode aya. 4Go einare ali mendame wenaali ambuna aeme alena ara yainya pulame pange Godena angele laluame ara nipuna kalu koraoma aranda deandare nipumi Keriso yala ma-komalia. 5Gupuma wena komea mendame pange wenaali rapu ara nipuna kalu aka na-pambae ara Godena angele walala ara yainya piliandare gore nipuna ali yalame ma-komada. Gupi wenare nipuna kaluna makoleme iri ponde rumboma aya wena rapu mendaa pea. Go au pi auri go wena nipu yalame komenaya puaisimiya.
6Wenamere nipuna kalu aka na-pambaliandare nipuna iri raayo makoleme ponde rumbinya. Wename kalu iri makoleme mu rumbala ei pange iri runguda eiri yalame komola peme einare nimuna kalunu keapinya. 7Alimiri nipuna kalu na-keapilia. Akepeare ali wapea auri reesi para nipu manda wapea pange alina aunu pange reesi para Godena aunumi andea. Go peapare wenare ali mandana warea. 8Go einaya lalo. Ali waria auri Godeme wenana dona ayale muma na-waruma ainya leapare alina do para aya ale muma wena waruma ainya lea. 9Go eina pange Godemere alimi wena rambaminyaya na-waruma ainya leapare wename ali rambaminyaya waruma ainya lea. 10Go einare Godena eindiolonumi go wenare alina puri rolo para aya loma andola peme rupa nipumi nipuna kalu aka ora anda pilia. 11Go angelenu lalopare ambiare naare Reali rapu raminyeke puma arare wenaali raayome rambamulolo pula ara apeya. 12Wenare alina do para muma waruma ainya lea rupa aliri wename mandea. Gupuma alenda alenda raayore Godeme ma-opaya.
13Wenaali ambuna rapu yainya pulu piri wename kalu na-koraoma yainya piliare epelea pa loma niminya gole waidapape. 14Naana aunumi gole wada. Alimi nipuna iri andaai ma-ainya deadare kolea. 15Go peapare wename go au piliandare nipuna do ma-epeaya. Akepeare nipuna iriri Godeme nipuna kalu keapinyayanda alea. 16Go angelenu lalo eina ali mendame ape doa kone wiliandare nemere go ei doa. Naame pange Godena Keriso wenaali naa raayome Gode repara rumu yaruaoma panda pape rupa paakele ei menda dia.
Realina enda ipa ne ei
17Go angelenu lalopare ambia go dape angelenare nimina peme eina nimi raname na-komola. Nimimi mombea ara angele kuraleme eiri ora wia rupa na-pimi. Ande epe aunu pape rupare wala nimi repara pa aunu pimi. 18Ririna pangalo angelere gurupa. Nimina mombeame rupara nimi rapu yanda liape rupa rekele rekele puma apo aperaoma aeme. Go eiri nina kone sialopare pa ora dame o pa marea.
19Monde reke rekele puma aya au pange ora pimi. Akepeare monde epe rupa aeme wenaali na-wali pename andala pinya. 20Gupimi einare nimimi komea para mombea ara Realina enda nape-na-ya. 21Nimimi enda noaeme dinare nimina komea kone suma enda noaeme. Mendapare wenaaliri reame pa komena loma mendapare wenaaliri rombame komeme. Mendapare wenaaliri waini ipa nalame komala-ainyare mendapare wenaaliri waini ipa andapu noma keyao-aeme.
22Nimina anda paranu piri ipa endanuri nape-na-yapae. Nimimiri Godena Keriso wenaalinu yala ma-alo aeme. Gupuma monde olemole andapu diale wenaali pange yala ma-alo peme. Nimi parare ale angele lanopae. Gupimi einare nimina angele lanopae. Dia. Nimina angele lape-na-ya.
Realina enda pange ipa lapo nipuna kou nane raluaisimiya alinu alisaya ei
(Madiu 26:26-29; Maka 14:22-25; Luka 22:14-20)
23-24Neme ande walawa angelere Realimi ni para la giae. Go angelere gupa. Yesu ande Realimiri ande rimbala nipu duame yanda rombame naarenare ande beredi kiae menda muma Gode repara ranae angele lomare mindi mindi puma gupi lisaya. Nina do mindi nimi rambameape eina gialoae, lisaya. Nala pulu arare ni kone siala pipape, lisaya. 25Enda noma pereyado arare ande ipa nolame gupi lisaya. Go ipare ande pena angele loma kora wia ei nina weeme rambulia ei lisaya. Nelemendare ni para kone sialo ara pu alepape lisaya.
26Go enda pange go ipa nalo arare nipu epenaya maisambao arare nina komea eina angele walo alimi ae lisaya. 27Go eina wenaali apimi Realina enda pange nipuna ipa pange koae rupa ara neleandare ande Realina wee pange do mindi para koae au pimi. 28Go eina wenaali raayome nipuna aya rupa ambala kone siala pumare go enda ipa nala pinya. 29Ali apimi ande enda ipa nala eina ree kone na-wiliandare gore nipuna koae ei go waidanda. Nipu repara Godeme koae ei adea. 30Go einare nimina rupara aeme wenaali mendaparere puri na-paleme. Go eimi mendapare repaare yainya wainu muma mendapare komo pame.
31Naame naana aema einu kone suma go enda ipanu nola pamayalore gore koae einumi naa na-warala pa.
32Go peapare Yesumi naa rali puma naa wamo pea. Go au pi auri werepe mo su wenaali rali pilia dinare mo su wenaali rapu naa na-ma-koyalia.
33Nina wenaalio, Go einare nimimi mendaa para mombema piri wenaali raayo epa pirina menda dina enda ipanu nalepape. 34Go eina lawa. Wenaali menda reame komalo arare nipuna anda para enda nelea. Akepeare nimi komea para mombedeme dinare Godeme nimi ma-koyapanayanda lalo. Go eina nimi para ni lora pape angelenu mendapare pa wiliandare gore ni ipuma epa wamo pulua.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.