གཉིས་པ་ཐེ་ས་ལོ་ནི་ཀི། 2
2
ཁྲིམས་ག་ ཆ་གནས་མ་ཐ་ཁཱན་སོ་ངོ།
1ཡུང་ཟི་བ་ ཨ་ཧ་གཙོ་བོ་ཡི་ཤུ་ཁིརིས་ བྱོན་མེ་ག་ཀོར་གེ་དང་ ཨའི་རོག་ཀབ་ཉི་ ཏབ་ཐུར་ཆོ་ལེ་དེན་གེ་ ཛོ་མེ་ག་ཀོར་གེ་ ཨ་ཤི་ ན་ཧ་ཡེག༌ཅ། 2གཙོ་བོ་ག་ནོང་ ཤེག་པ་ཨ་ཉི་ ཚང་ན་ཐ་ལ་ཀབ་ཉི་ ན་ཧ་སེམས་ དོ་ཟོ་ཨ་ཉི་མ་འགྱུར་ཤོ། ཉི་ཧང་རང་ ཨ་ལེ་མ་སེ་ཝ་རི་ཉི་ མ་ངང༌ཅོ། མཇལ་ཁ་ཉོང་པ་ ཡང་ན་ལ་ ད་ལེན་ཀེ་བ་ཆོ་ཝ་ ཉི་ཨ་ཧ་བ་ཀེ་ ཡི་གུ་ཉོང་པ་ཨ་ཉི་ ཡེག་ནེ་བུ་ རོག་ཏེ་བ་ཀི་ཡེག་ཁཱན་ག་ ལོ་མ་དི། 3ཧང་ཏེན་ཨ་ནེ་བུ་ ཨི་བི་གི་རང་ ན་ཧ་མགུ་སྐོར་མ་ཕིན་ཆེན། ཉི་ངོ་མ་ལོག་པ་སག་པུ་དང་ དམྱལ་བ་ག་ དི་ལེ་ཁེ་ཁཱན་ བཀའ་ཁྲིམས་ག་ཆ་གནས་མ་ཐ་ཁཱན་ སོ་ངོ་ཁེ་པ་ གོ་མ་མང་ཕ་སག་པུ་ ཨོ་ཉ་ནོང་མ་ཤེག༌པ། 4ཉི་རོ་ཀི་ ལྷ་ཨ་ཉི་ཆིན་ཁཱན་ ཡང་ན་ལ་ གསོལ་ཝ་ཏབ་ཁཱན་ ཐམས་ཅན་ག་ མ་ལེག་པ་ཨ་ཉི་ རོག་རོག་ཏེན་ཤོ་ ཐམས་ཅན་གེ་ ཐོན་པ་ཅོད༌པེ། ཉི་རོ་ཀི་ དཀོན་མཆོག་ག་ ཕོ་བྲང་ནང་ཀ་དི་ཉི་ལང་ཐཱན་ རོག་རོག་ཏེན་ དཀོན་མཆོག་གི་ལ་དག་ཉི་ ཀཱད༌པེ།
5ཇང་ནའི་ཀབ་ཉི་ ཏབ་ཐུར་ཆོ་ལེ་གང་ཀ་ ཇི་གི་ཨོ་ཐ་བ་ཀ་ཀོར་གེ་ ཡེག་ཁཱན་ཁེ་པ་ ན་ཤི་ཡིད་ཀ་ཨ་ན་སྨོ། 6ཉི་རོག་ ཧང་གི་ཁག་ཅ་གི་ལ་སྨོ་ ན་ཤི་སེན༌ཅ། ཧང་ཡ་དག་ནེ་ལ་ རོག་ཁེ་པ་ དུས་ཙུན་ཕྲིག་ཀིན་རེན་པ་ཀབ་ཉི་ ཤོ་ལེ་དེན་གེ་གི༌ལ། 7ཨོ་ཐ་ཁྲིམས་ག་ ཆ་གནས་མ་ཐ་ཁཱན་ སོ་ངོ་ཁེ་པ་ གི་ཚེ་གེ་ཤ་གུམ་ཉི་ ལའི་ཨ་ལེ་གང༌ཅ། དག་པ་ཀབ་ཉི་ རོག་ཙུང་ཉི་ཐ་ཁཱན་ཁེ་པ་ ལམ་གེ་སིག་ཉི་ མ་དི་ཝ་སག་པུ་ གུམ་ཉི་རང་ཆོ༌ལེ། 8ཉི་ཤ་ ཨོ་ཉ་ཁྲིམས་ག་ ཆ་གནས་མ་ཐ་ཁཱན་ སོ་ངོ་ཁེ་པ་ ཐམས་ཅན་གི་ ཐོང་མ་ཨ་ཉི་ཤོ༌ལེ། དག་པ་ཀབ་ཉི་ ཡི་ཤུ་བྱོན་མ་ཀབ་ཉི་ རོ་ཀ་ཞལ་གེ་ཤོ་ཁཱན་ ཤོང་གི་ཨ་ཉི་ ཨོ་ཉ་ཁྲིམས་ག་ ཆ་གནས་མ་ཐ་ཁཱན་ སོ་ངོ་ཁེ་པ་ཞུམ༌པེ། ཉི་རོ་ཀ་འོད་ཟེར་གི་ཨ་ཉི་ རོག་མ་ཝ་ཅོད༌པེ། 9ཨོ་ཉ་ཁྲིམས་ག་ ཆ་གནས་མ་ཐ་ཁཱན་ སོ་ངོ་ཨུན་ཐཱན་ བདུད་སེ་ཏཱན་ག་ རྫུ་འཕྲུལ་དང་ ཡིད་ཆི་ཝ་ག་ལའི་ ཉི་ཞིང་ཁམས་ག་ རྟགས་མ་འདྲ་ཝ་ མང་པུ་ཐུར་གེན༌མེ། 10རོ་ཀི་ལའི་ངན་པ་ ཙང་པུ་རང་ཨ་ཉི་ དམྱལ་བ་ག་དི་ལེ་ཁེ་ཁཱན་ སོ་ངོ་བ་ཀ་ མགུ་སྐོར་ཕི༌ལེ། རོག་ཏེ་བ་ཀི་ དེན་པ་མ་ལེག་པ་ཨ་དེན་གེ་ ཐར་པ་མ་ཉོང་ཅ་གི༌ལ། 11ཨོ་ཉི་ཨ་དེན་གེ་ རོག་ཏེ་བ་ཀི་ སོ་ད་ག་ དད་པ་ཨ་ལེ་དེན་གེ་ དཀོན་མཆོག་གི་ རོག་ཏེ་བ་ཀ་ཐུང་ཀ་ མགུ་སྐོར་ག་དབང་ཀུན་ཏི༌ལེ། 12ཉི་རོག་ཏེ་བ་ཀི་ དེན་པ་ག་ དད་པ་ཨ་ལེ་མང་གི་ཝ་ ངན་པ་ཨ་ལེ་ག་ ཤོ་ནང་ཕེ་ཝ་ཨ་དེན་གེ་ རོག་ཏེ་བ་ ཐམས་ཅན་རང་ ཁྲིམས་ཀེ༌བེ༎
སྒྲིང་སྒྲིང་ཨ་ཉི་ཆོའི།
13གཙོ་བོ་གི་ཕང་ཁཱན་ ནའི་ཡུང་ཟི་བ་ ན་ཧ་དེན་གེ་ ཏ་བུ་རང་ ཨ་ཤི་ དཀོན་མཆོག་ག་ བཀའ་དྲིན་བསམ་མེ་ཁེ་ཝ༌ཅ། ཧང་ཡ་དག་ནེ་ལ་ དམ་པའི་ཐུགས་ཉིད་གི་ཨ་ཉི་ ནའི་ཙང་མ་ཅོད་ཉི་ ཉི་དེན་པ་ག་དད་པ་ཀེ་ཉི་ ཐར་པ་ཉོང་ཅེན་དག་པ་གི་ གོ་ཙུག་པེ་གང་ཀེ་རང་ དཀོན་མཆོག་གི་ ནའི་སི་ཝ་གི༌ལ། 14ཨ་ཧ་གཙོ་བོ་ཡི་ཤུ་ཁིརིས་ཀབ་ཉི་ ཏབ་ཐུར་ག་ ན་ཤི་བུ་ བསྟོད་པ་ཉོང་ཅེན་དག་པ་གི་ ཨ་ཤི་བཤད་ཁཱན་ འཐེན་ལེག་པུ་ག་ཐུང་ཀེ་ཨ་ཉི་ ནའི་ཐར་པ་ག་ནང་ཀ་ དཀོན་མཆོག་གི་ རཱན་གནང་མ་གི༌ལ། 15ཨོ་ཉི་ཨ་དེན་གེ་ ཡུང་ཟི་བ་ ན་ཧ་དད་པ་ག་ སྒྲིང་སྒྲིང་ཨ་ཉི་ཆོའི། ཉི་ཨ་ཤི་ ཡེ་ཉི་བི་ཁཱན་བ་ ནོ་ཝང་ག་ཐུང་ཀེ་ཨ་ནེ་བུ་ ཡི་གུ་ག་ཐུང་ཀེ་ཨ་ནེ་བུ་ ཨུ་ཉུ་དང་ཏུ་ཉི་ཨའི།
16ཉི་ཨོམ་ ཨ་ཧ་གཙོ་བོ་ཡི་ཤུ་ཁིརིས་ རོག་ཏེན་དང་ ཡབ་དཀོན་མཆོག་གི་ ཨའི་ཕང་ཉི་ ཐུགས་རྗེ་གནང་མ་ཨ་དེན་གེ་ ཧ་ལ་རང་མ་ཆུམ་ཁཱན་ སེམས་གསོ་དང་ རེ་ཆ་ལེག་པུ་གནང་མ༌ཅ། 17ཉི་ཨོ་ཐེ་གི་ཨ་ཉི་ ན་ཧ་སེམས་ དོ་རི་རི་ཅོད་ཉི་ ལའི་དང་ཆཱས་ལེག་པུ་ ཨ་ལེ་རེ་བེ་དེན་གེ་ ན་ཧ་ཤུགས་སྟོབས་གནང་ཆེན༎
Currently Selected:
གཉིས་པ་ཐེ་ས་ལོ་ནི་ཀི། 2: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
