གཉིས་པ་ཐེ་ས་ལོ་ནི་ཀི། 3
3
པ་ཝལ་གི་ སྨོན་ལམ་ཞུའི་དག་གསུངས་མ༌ལ།
1ཨ་ཧ་ཡུང་ཟི་བ་ ཇུ་ཀ་དག་པ་ཀབ་ཉི་ ན་ཧ་པོང་ཀ་ ཇུང་མ་པུརུས་ཀིན་ཨ་ཉི་ གཙོ་བོ་ག་གསུང་གི་ དོ་ཟོ་ཨ་ཉི་ཆབ་ཅེན། ཉི་སོ་ངོ་བ་ཀི་ ཆ་གནས་ཐཱན་ཆེན་དག་པ་གི་ ཨ་ཧ་དེན་གེ་ སྨོན་ལམ་ཞུའི། 2ཉི་ཨོམ་ཆང་རང་ ཨའི་སོ་ངོ་མེ་མ་ཁཱན་དང་ ངན་པ་བ་ཀ་ ག་དང་གེ་ ཐར་ཆེན་དག་ཉི་བུ་ སྨོན་ལམ་ཞུའི། ཧང་ཡ་དག་ནེ་ལ་ སོ་ངོ་ཐམས་ཅན་རང་ དད་པ་ཨ་ཁཱན་མ༌ལ། 3དག་པ་ཀབ་ཉི་ གཙོ་བོ་ཤོ་ དམ་ཚིག་ཙུང་ཁཱན་གི༌ལ། ཉི་རོ་ཀི་ ན་ཧ་ཤུག་གནང༌མེ། ཉི་ངན་པ་གེ་བུ་ སྐྱབས་གཟིགས་ཉི་གནང༌མེ། 4ཨ་ཤི་ ན་ཧ་ཡེག་ཁཱན་བ་ ན་ཤི་ཨན༌ཅ། ཉི་ཨ་ཉི་རང་ཆོ་ལེ་ཨ་ཉི་ ཨ་ཤི་ན་ཧ་དེན་གེ་ གཙོ་བོ་ག་ལོ་དི་ཝ༌ཅ། 5ཉི་ཨོམ་ གཙོ་བོ་གི་ ན་ཧ་སེམས་ཀ་ སྙིང་རྗེ་ཁེ་པ་ དཀོན་མཆོག་ག་ སྙིང་རྗེ་ད་བུ་དང་ ན་ཧ་བཟོད་པར་ཁེ་པ་ ཁིརིས་ག་ བཟོད་པར་ད་བུ་ ཅོད་ཉི་གནང་ཆེན༎
ཀ་ཤི་ཨ་ཉི་མ་ཆོའི།
6ཨ་ཧ་ཡུང་ཟི་བ་ གཙོ་བོ་ཡི་ཤུ་ཁིརིས་ག་མཚན་ག་ ཨ་ཤི་ ན་ཧ་བཀའ་བིན༌ཅ། ཀ་ཤི་ཨ་ཉི་ཆོ་ཁཱན་དང་ ཨ་ཤི་ ན་ཧ་ཡེ་ཝ་དང་ཏུ་ཉི་མ་ཨ་ཁཱན་ ཡུང་ཟི་བ་ཀེ་ ཇང་ཀིན་ཨ་ཉི་ཆོའི། 7ཧང་ཡ་དག་ནེ་ལ་ ན་ཤི་ ཨ་ཧ་དཔེ་གོད་པེ་ཁེ་ལེ་ཨ་ཉི་ ནའི་ནའི་ཏེན་གི་རང་སེན༌ཅ། ཨའི་ན་ཧ་པོང་ཀ་ ཆོ་ལེ་གང་ཀ་ ལའི་མ་ཨ་ལཱན་ ཀ་ཤི་ཨ་ཉི་མ་ཆོན་ཤི། 8ཉི་ངེ་ལོང་མ་ཏ་པཱན་ ཨི་བི་གེ་རང་ ཀོར་ཟ་ཝ་མཱན༌ཅ། དག་པ་ཀབ་ཉི་ ན་ཧ་ཐུང་ཀ་ རོང་མ་ཀེ་བེ་དེན་གེ་ ཨའི་ཨའི་ཏེན་གི་ ངམ་བི་ནང་མ་ཝ་ ལའི་ཨ་ཉི་དཀའ་ཝ་ཅཱད༌པ། 9ན་ཧ་ཐུང་ཀ་ ཨ་ཧ་དབང་ཚད་ མ་ཝ་ཨ་དེན་གེ་མང་གི། དག་པ་ཀབ་ཉི་ ན་ཤི་ཨ་ཧ་བ་ཀེ་ དཔེ་གོད་ཆེན་དག་པ་གི་ ཨ་ཤི་ ན་ཧ་དཔེ་གེན་མ་གི༌ལ། 10ཨོ་ཉི་ཨ་དེན་གེ་ ཨའི་ནའི་ཀབ་ཉི་ ཆོ་ལེ་གང་ཀ་ ཨ་ཤི་ ན་ཧ་ཡེག་པ་ཆོ་ཝ་ ཨི་བི་གི་ ལའི་ཨ་ལེ་ག་སེམས་ མ་ཨན་ཅ་གི་ལ་སྨོ་ ཨོ་ཉ་སོ་ངོ་ ལྟོ་མ་ཟཱན་ཆེན་ཨ༌ཉི།
11ཨོ་ཉེ་རང་གི་ནེ་བུ་ ན་ཧ་པོང་ཀེ་ སོ་ངོ་ཚེ་བང་གི་ ལའི་ཧང་རང་མ་ཨ་ལཱན་ ཀ་ཤི་ཨ་ཉི་ཆོ་ན། ཉི་ཏྲོག་ཉི་ བཱརའ་ལའི་ཨ་ཁཱན་བ་ཀ་བུ་ ལའི་ཨ་ལེ་བི་ལུ་མ་ལ་ཨ་ཉི་ ཨ་ཤི་ན་ཐ༌ཝ། 12ཉི་ཨོམ་ ཨོ་ཉ་སོ་ངོ་བ་ཀ་ ཨ་ཤི་གཙོ་བོ་ཡི་ཤུ་ཁིརིས་ག་མཚན་ག་ བཀའ་རྒྱ་བི་ཉི་ཡེག་ཅ་ ད་ཧ་བ་ རང་ཏེན་ག་ལའི་ ཙང་ཀེན་ཨན་ཕི་ཉི་ རང་ཏེན་ག་ ག་དང་གི་ལའི་ཨ་ཉི་ཟའི། 13ཡུང་ཟི་བ་ ན་ཧ་བ་ཤོ་ ལའི་ལེག་པུ་ཨ་ལེ་ག་ཤེག་པ་ ཧ་ལ་རང་ཝུ་མ་དུག༌ཅོ།
14ཉི་ཨི་བི་གི་ ཨ་ཧ་ཨོ་ཐ་ཡི་གུ་གེ་ ཤོ་ཝ་དང་ཏུ་ཉི་ མ་ཨན་ཅ་གི་ལ་སྨོ་ ཨོ་ཉ་སོ་ངོ་གོད་ཉི་ཐའི། ཉི་ཨོ་ཉ་སོ་ངོ་ ངི་ནང་ཁུ་ལེ་བི་ལེ་དེན་གེ་ རོག་ཀབ་ཉི་མ་ཆོའི། 15དག་པ་ཀབ་ཉི་ ཨོ་ཉ་སོ་ངོ་ཁེ་པ་ དགྲ་བྱང་ཕིཤི་ཨ་ཉི་ ཙི་ལེ་མང་གི་ཝ་ ཡུང་ཟི་ད་བུ་ཙི་ཉི་ ནོ་ཝང་ཨའི༎
ཆཱས་མཇུག་དུས།
16ཉི་ཨོམ་ སྐྱིད་པུ་གནང་ཁཱན་གཙོ་བོ་ རོག་ཏེན་གི་ སྐྱིད་པུ་ག་བྱིན་རླབས་ ན་ཧ་གནང་ཆེན། ཉི་དུས་ཏ་བུ་རང་ ཨོ་ག་རང་གི་ནེ་བུ་ ནའི་ཐམས་ཅན་ཀབ་ཉི་ གཙོ་བོ་བཞུགས་གནང་ཆེན།
17ཉི་ཨོམ་ ངོ་པག་པེ་དེན་གེ་ ཇ་ག་ཡི་གུ་ཐམས་ཅན་ག་ ཆོ་ཝ་པུརུས་ཀིན་ཨ་ཉི་ པ་ཝལ་ ཇང་ཏེན་ག་ ག་དང་གི་འབྲི་ཉི་ སྐུ་གཟུགས་བཟང་པོ་ཨ་ཉི་ཞུན༌ཅ།
18གཙོ་བོ་ཡི་ཤུ་ཁིརིས་ག་ཐུགས་རྗེ་ ནའི་ཐམས་ཅན་ཀབ་ཉི་ བཞུགས་གནང་ཆེན༎
Currently Selected:
གཉིས་པ་ཐེ་ས་ལོ་ནི་ཀི། 3: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
