དང་པ་ཏི་མོ་ཐི། 3
3
ཆོས་ཚོགས་ག་འགོ་དཔོན༌བ།
1ཨི་བི་གི་ ཆོས་ཚོགས་ག་ འགོ་དཔོན་གོང་མ་ཨ་ལེ་ག་ སེམས་ཨ་ཝ་ཐུར་ ཨོ་ཉ་སོ་ངོ་གི་ སེམས་ལེག་པུ་ མི་ཝ་ལ་ཨ་ཉི་ ཡེག་པེ་ག་དེན༌མེ། 2ཆོས་ཚོགས་ག་འགོ་དཔོན་ཤོ་ ཅོན་ཏག་པེ་མར་ཁཱན་ཚཱས༌པེ། ཉི་རོ་ཀ་མེ་ཝག་ཙ་ཐུར་ཤ་ ཨོ་ཕེ་ཁེ༌ལེ། རོག་ཤོ་ བཟོད་པར་སྒོམ་པེ་རེ་ཁཱན་ རོ་མ་ཙིག་ཁཱན་ འབད་བཞག་བཅའ་བཞག་ ལེག་པུ་ཆོ་ཁཱན་ ཁབ་ཟང་ཨ་ལེ་ག་ ལེག་པུ་ཆོ་ཁཱན་ ཉི་ཡེ་ལེ་རེ་ཁཱན་ཚཱས༌པེ། 3རོག་ཤོ་ ཞུ་ཇམ་ཉི་རང་ཆོ་ཁཱན་དང་ ཁོ་ལོང་ཨ་ཁཱན་ མང་གི་ཝ་ ཇམ་པུ་ཆོ་ཁཱན་དང་ སྐྱིད་པུ་ག་ཤོ་ནང་ཕེ་ཁཱན་ ཉི་ཏི་རུ་ག་འདོད་པུ་ཆི་ལུ་མ་ཨ་ཁཱན་ཚཱས༌པེ། 4རོག་ཤོ་ རང་ཏེན་ག་ཨམ་ཟ་བ་ བདག་འཛིན་ཨ་ལེ་རེ་ཁཱན་ཚཱས༌པེ། རོ་ཀ་ཝག་ཙ་བ་ཀི་ རོ་ཀ་གུས་ཞབས་ཨ་ཉི་ རོ་ཀ་ཆ་གནས་ཐ་ལེ་ཁེ༌ལེ། 5ཧང་ཡ་དག་ནེ་ལ་ རང་ཏེན་ག་ཕའི་ག་ཆོ་ཁཱན་ སོ་ངོ་བ་ཀ་བདག་འཛིན་ ཨ་ལེ་མར་ནེ་ལ་ དཀོན་མཆོག་ག་ ཆོས་ཚོགས་ཏ་ ཧང་ཏེན་བདག་འཛིན་ ཨ་ལེ་རེ་བེ་ཡ། 6རོག་ཤོ་ དད་པ་ཨ་ཁཱན་སིང་མ་ ཨོ་ཕེ་མང་ཕ། ཨུ་ཉུ་མ་ནེ་ལ་ རོག་ཁམ་ཙོང་མ་ད་བུ་ཨ་ནེ་ལ་ བདུད་ཀི་ ཁྲིམས་ཉོང་པ་པུརུས་ཀིན་ཨ་ཉི་ རོ་ཀི་བུ་ཉོང༌པེ། 7ཨུ་ཉུ་མ་ཚཱད་པ་ བདུད་ཀ་ཁ་ཤོང་ག་ མ་ཚུད་པཱན་ ངི་ནང་ཁུ་ལེ་ མ་ཁེ་ལེ་དེན་གེ་ འགོ་དཔོན་ཤོ་ དད་པ་མ་ཨ་ཁཱན་བ་ཀི་ གུས་ཞབས་ཨ་ལེ་རེ་ཁཱན་ སོ་ངོ་ཚཱས༌པེ༎
ཆོས་ཚོགས་ག་དྲི་ཀོན༌བ།
8ཨུ་ཉུ་པུརུས་ཀིན་ཨ་ཉི་ ཆོས་ཚོགས་ག་ དྲི་ཀོན་བ་བུ་#3:8 ཆོས་ཚོགས་ག་ ཕྱག་ཞུ་ལེ་ག་དེན་གེ་ འགན་འཁོར་སྤྲོད་ཁཱན་ སོ་ངོ་བ་ཀ་ དྲི་ཀོན་དག་ཉི་ཆིན༌ཅ། དམ་པའི་ཐུགས་ཉིད་གི་ཕུང་ཁཱན་དང་ དད་པ་གནམ་མེད་ས་མེད་ ལེག་པུ་ཆོ་ཁཱན་སོ་ངོ་ཟུམ་ དྲི་ཀོན་ཨ་ཉི་ གོ་དང་པ་ ཀེ་བ་ག་ མཛད་པ་ ལིའུ་ 6 ག་ནང་ཀ་ ཨ་ཤི་ཐོང༌ཅ། བཱརའ་གི་ཆ་ཐ་ལེ་རེ་ཁཱན་ ཨོ་ཕེ་ཁེ༌ལེ། ཉི་སོ་ད་མ་ཕི་ཁཱན་ ཞུ་ཇམ་ཉི་རང་མ་ཆོ་ཁཱན་ ཉི་འབབ་ཁུངས་ཉོང་པེ་ག་ མ་གོད་ཁཱན་ཚཱས༌པེ། 9ཉི་དད་པ་གེན་ཁཱན་ དེན་པ་ཁེ་པ་ སྒྲིང་སྒྲིང་ཨ་ཉི་ཙུང་མེ་ཁེ༌ལེ། ཉི་རོག་ཏེ་བ་ཀ་སེམས་ཀི་ ན་ཝ་དང་ཏུ་ཉི་ ལའི་ཨ་ལེ་ཁེ༌ལེ། 10དྲི་ཀོན་ཨ་ཉི་ མ་ཀེ་བེ་གོ་མ་ རོག་ཏེ་བ་ཀེ་ རྒྱུགས་ལའི། ཉི་རོག་ཏེ་བ་ བཱརའ་གི་ ཅོན་ཏག་པེ་མར་བ་ཆོ་ནེ་ལ་ དྲི་ཀོན་ཨ་ཉི་ཀེ་ཤོ།
11ཨུ་ཉུ་པུརུས་ཀིན་ཨ་ཉི་ མེ་ཝག་ཙ་བ་བུ་ བཱརའ་གི་ གུས་ཞབས་ཨ་ལེ་རེ་ཁཱན་ཚཱས༌པེ། ཉི་བཱརའ་ག་ཀོར་གེ་ ཁ་མ་ཏང་ཁཱན་ཚཱས༌པེ། རོག་ཏེ་བ་ཤོ་ བཟོད་པར་སྒོམ་པེ་རེ་ཁཱན་དང་ ཧང་རང་གི་ནེ་བུ་ དམ་ཚིག་ཙུང་ཉི་ ལའི་ཨ་ཁཱན་ཚཱས༌པེ།
12དྲི་ཀོན་བ་ཀ་མེ་ཝག་ཙ་ ཐུར་རེ་ཐུར་རེ་ཤ་ ཨོ་ཕེ་ཁེ༌ལེ། ཉི་རོག་ཏེ་བ་ཀི་ རང་ཏེན་ག་ཝག་ཙ་བ་དང་ ཕའི་ག་སོ་ངོ་བ་ཀ་ བདག་འཛིན་ལེག་པུ་ཨ་ཉི་ ཨ་ལེ་རེ་བེ་ཁེ༌ལེ། 13དྲི་ཀོན་ག་ལའི་ལེག་པུ་ཨ་ཉི་ ཕི་ལེ་རེ་ཁཱན་བ་ཀི་ སོ་ངོ་བ་ཀེ་ གུས་ཞབས་ཉོང༌པེ། ཉི་ཁིརིས་ཡི་ཤུ་ག་ཆོ་ཁཱན་ རོག་ཏེ་བ་ཀ་ དད་པ་ག་སེང་ཉི་ ཡོང་མ་ཁེ་ཝ་རི་ཉི་རང་ཇོང༌མེ༎
ཨ་ཧ་དད་པ་ག་དེན༌པ།
14ཇང་དོ་ཟོ་རང་ ནཱན་རུ་མེ་ཨོ་ཕེ་ག་ རེ་ཆ་ཨ་ནེ་བུ་ ཇི་གི་ན་ག་ཏཱན་ ཨོ་ཐ་ཡི་གུ་འབྲི༌ཅ། 15ཧང་ཡ་དག་ནེ་ལ་ ཇང་ཨོ་ཕེ་ག་ཕིད་ནེ་ལ་ དཀོན་མཆོག་ག་ ཕའི་ག་སོ་ངོ་བ་ཀི་ ཧང་ཏེན་ཆོ་ལེ་ཁེ་ལེ་གི་ལ་སྨོ་ ཨོ་ཉ་ཀོར་གེ་ ནཱན་གི་སེན་ཆེན། ཉི་ཨུ་ཉུ་ཤོ་ གསོན་པོ་ཨ་ཉི་བཞུགས་ཁཱན་ དཀོན་མཆོག་ག་ ཆོས་ཚོགས་གི༌ལ། ཉི་ཨོ་ཐ་ཆོས་ཚོགས་ཤོ་ དེན་པ་ག་ཀ་ཝ་དང་ ཏོག་གི༌ལ། 16ཉི་ཨུ་ཐུ་ཁེ་པ་ ཨ་ཧ་ཆོས་ག་གུམ་ནང་ཆཱས་ ཆི་ལུ་ཐུར་གི་ལ་ཨ་ཉི་ ཐམས་ཅན་གི་ ཁ་དོག༌ཅ། ཉི་ཨོ་ཉ་གུམ་ནང་ཆཱས་ཤོ་
ཁིརིས་སོ་ངོ་རི་ཉི་བྱོན༌མ། ཉི་ཐུགས་ཉིད་གི་ རོག་དྲང་པུ་ཅོད་ཉི་གནང༌མ། ཞིང་ཁམས་ག་འཐེན་པ་བ་ཀི་ རོག་མཇལ༌བ། ཉི་རོ་ཀ་ཀོར་གེ་ མི་རིགས་བ་ཀ་བཤད་ཉི་ འཛམ་གླིང་ག་སོ་ངོ་བ་ཀི་ རོ་ཀ་དད་པ་ཨ༌ཝ། ཉི་རོག་ ཞིང་ཁམས་ག་ཏཱན་ བསྣམས་པ༌ལ༎
Currently Selected:
དང་པ་ཏི་མོ་ཐི། 3: TNTB
Highlight
Share
Copy
Want to have your highlights saved across all your devices? Sign up or sign in
Tshangla New Testament
© 2023, The Bible Society of India
all rights reserved
