Popular Bible Verses from དང་པ་ཏི་མོ་ཐི། 3

Share

ཉི་ཨུ་ཐུ་ཁེ་པ་ ཨ་ཧ་ཆོས་ག་གུམ་ནང་ཆཱས་ ཆི་ལུ་ཐུར་གི་ལ་ཨ་ཉི་ ཐམས་ཅན་གི་ ཁ་དོག༌ཅ། ཉི་ཨོ་ཉ་གུམ་ནང་ཆཱས་ཤོ་ ཁིརིས་སོ་ངོ་རི་ཉི་བྱོན༌མ། ཉི་ཐུགས་ཉིད་གི་ རོག་དྲང་པུ་ཅོད་ཉི་གནང༌མ། ཞིང་ཁམས་ག་འཐེན་པ་བ་ཀི་ རོག་མཇལ༌བ། ཉི་རོ་ཀ་ཀོར་གེ་ མི་རིགས་བ་ཀ་བཤད་ཉི་ འཛམ་གླིང་ག་སོ་ངོ་བ་ཀི་ རོ་ཀ་དད་པ་ཨ༌ཝ། ཉི་རོག་ ཞིང་ཁམས་ག་ཏཱན་ བསྣམས་པ༌ལ༎

ཆོས་ཚོགས་ག་འགོ་དཔོན་ཤོ་ ཅོན་ཏག་པེ་མར་ཁཱན་ཚཱས༌པེ། ཉི་རོ་ཀ་མེ་ཝག་ཙ་ཐུར་ཤ་ ཨོ་ཕེ་ཁེ༌ལེ། རོག་ཤོ་ བཟོད་པར་སྒོམ་པེ་རེ་ཁཱན་ རོ་མ་ཙིག་ཁཱན་ འབད་བཞག་བཅའ་བཞག་ ལེག་པུ་ཆོ་ཁཱན་ ཁབ་ཟང་ཨ་ལེ་ག་ ལེག་པུ་ཆོ་ཁཱན་ ཉི་ཡེ་ལེ་རེ་ཁཱན་ཚཱས༌པེ།

རོག་ཤོ་ རང་ཏེན་ག་ཨམ་ཟ་བ་ བདག་འཛིན་ཨ་ལེ་རེ་ཁཱན་ཚཱས༌པེ། རོ་ཀ་ཝག་ཙ་བ་ཀི་ རོ་ཀ་གུས་ཞབས་ཨ་ཉི་ རོ་ཀ་ཆ་གནས་ཐ་ལེ་ཁེ༌ལེ།

དྲི་ཀོན་བ་ཀ་མེ་ཝག་ཙ་ ཐུར་རེ་ཐུར་རེ་ཤ་ ཨོ་ཕེ་ཁེ༌ལེ། ཉི་རོག་ཏེ་བ་ཀི་ རང་ཏེན་ག་ཝག་ཙ་བ་དང་ ཕའི་ག་སོ་ངོ་བ་ཀ་ བདག་འཛིན་ལེག་པུ་ཨ་ཉི་ ཨ་ལེ་རེ་བེ་ཁེ༌ལེ། དྲི་ཀོན་ག་ལའི་ལེག་པུ་ཨ་ཉི་ ཕི་ལེ་རེ་ཁཱན་བ་ཀི་ སོ་ངོ་བ་ཀེ་ གུས་ཞབས་ཉོང༌པེ། ཉི་ཁིརིས་ཡི་ཤུ་ག་ཆོ་ཁཱན་ རོག་ཏེ་བ་ཀ་ དད་པ་ག་སེང་ཉི་ ཡོང་མ་ཁེ་ཝ་རི་ཉི་རང་ཇོང༌མེ༎