ESAY 15
15
Wããre ti Mohabe
1Re ti Mohabe.
Kidolgi, nen naw boŋ à frumn go!
Ar-Mohab yee nen we go!
Kidolgi, nen naw boŋ à frumn go!
Kir-Mohab yee nen we go!
2À ɗii ciŋ ti ngel cor sõõre ma de
maŋge ciŋ ma Bayid wo de Dibon ma raage.
Sir Mohab wo go de law see ɓe ciŋ ti húulì Nebo,
Ti húulì Medeba.
Tin wo go de cẽẽge ɓuy, piŋ ma jag jarn wo go de poʼge ɓuy lay.
3Go ti faage mono,
saara go de lag tãy õõbe wo ti.
Go ciŋ ti tiŋ wo de ngel kluuri ma ɓi leegen wo mono,
wosela ɓuy law see ɓe day cag go de roo.
4Hesbon wo de Eleale hrag wo roo,
à laa gẽẽge ɓaara wo go hãã Yahase.
Diŋ wersen so ga jar durgi ma Mohabn laa wo roo
day caa wo bii go ɓil mono.
5Jiili ɓi le de lawge ti Mohab maga jar ɓe maga
yor wo go daŋ wo wo go hãã Soware,
wo go hãã Eglad-Selisiya mono.
Werga á ɗii wo ngel ma de maŋge ciŋ ma Luhidn ti roo,
ʼwad wo war re ti faage ma Horonayim no,
6doo ga bii ma Nimrimn õg wo go, fíin hig go,
fen depãy ɓuy taw go, fíi depãy bay wa so.
7Diŋ wersen so ga saara horge te fẽẽre ɓaara
maga gwaʼ wo mono,
cegaɗ wo go de rege ɓaaran hãã wo go
faale pyew genanga no.
8Gahãyla war reen go ti haagu Mohab ɓuy,
lawge ɓe maga se law mono,
à laan wo go hãã Eglayim, wo go hãã Beer-Elim.
9Bii ma Dimon wo go de bagge de cíi,
day ndi kaŋge re ma tigriŋ wo yaŋ ne Dimon ti pa.
Ndi ɓoʼ ge mingir wo ne jar Mohab maga daŋ wo go ti,
ne fen po ɓuy maga gwaʼ ti sir ɓen ni ti.
Currently Selected:
ESAY 15: TUP
Highlight
Copy
Compare
Share
Want to have your highlights saved across all your devices? Sign up or sign in
Tupuri Bible © Bible Society of Cameroon, 2016. All rights reserved.
