Revelesen 5

Net Sivsiv iela puk kakila luk nen

1 # Esikiel 2:9,10; Aisaia 29:11. Laha, arna m'ldu lm'an a Mlin la ilak arna napl p'as ha, nla puk iamk atulul sarei ani arna m'en m'a tahn, kap'leskari katu luk isaru aranan. 2Laha, nla ensel hua iamk ivrp'ep'ei a nadl lil kavr ti a, “?Hin ak iviviln a ti ipaiela puk kakila luk udlani iter aranan?” 3V'eti m'ertu kinkin ihei arna nut eia, v'aha arna nadep', v'aha a nv' nadep' irndu ti ipaiela puk v'aha ipala sei iter a nln.

4Laha, kana ntakal istudau, sena ti ahapasla m'ertu kinkin iviviln a ti ipaiela puk kav'ana aranan, v'aha ipap'ei. 5#Ap'u 49:9; Aisaia 11:1,10.Laha, elta iamk asnr ivr a kana kavr ti a, “Matakal. Palei, laiun arna nl nam'elan a Suta, iv'i pla nl nam'elan a Divt, Hin ihua katsiv' sera sei itukari a ti ipaiela puk, kakila luk nen isaru.”

6 # Aisaia 53:7; Sek 4:10. Sarei, pavrni, nla Net Sivsiv iamk ip'tir a p't nut na napl p'as m'a sei iv'a avsilv' hara, kap'tir a p't nut nar elta udlani, avrla ti atrp sarei. Hin kuman isaru m'a m'aten isaru, avv'i M'im'iln Atua isaru, itap'er avrav'a arna nut udlani arna nadep'. 7Laha, Hin ima kalev'la puk arna m'ldu lm'an a Mlin la ilak arna napl p'as ha.

Avpata Net Sivsiv

8 # Npin 141:2. Sarei, naran itlev' sera puk, sei arv'a la avsilv' ha, m'er elta arnelru pln iv'a (24), avrars asn nah Net Sivsiv. Hir udlani p'sev' avua kita kavua dis aani a kul, ilini a sida p'as avali, iv'i tamatar m'ertuan Atua. 9#Npin 33:3; 98:1; Aisaia 42:10.Laha, avhai a npin m'dah kavvr ti a, “Nakm kviviln a ti palev' puk kaiela luk nen. Sena ti arpep'nh, laha nakm kulla kam'em' a dim, nvandan arna nl nam'el udlani, v'nen udlani, m'ertu udlani m'a v'anu udlani. 10#Avruh 19:6; Rev 1:6.Kani ti nvrama kavv'i mlin asn Atuad, kavv'i pris asn Atua, laha kam'em' p'vv'i mlin arna nadep'.”

11 # Taniel 7:10. Sarei, kana nklau karn drlr ensel avv'i tausen inal (10,000) taem tausen inal (10,000), m'a tausen taem tausen istudau ml aranan, avlaktalu a napl p'as m'a sei la isilv' hara m'er elta udlani kavvr a nadl lil kavvr ti a, 12“Net Sivsiv atrp sarei, iviviln a ti apatu nut hua m'a sei ipastudau ani. Iviviln a ti apavani ti nahan ipav'a eia, kavvrp'ep'a si p'sp'asan kavpatei.”

13Laha, nrn drl si udlani iter arna nut eia m'a nut a nadep' m'a nut a nv' nadep', m'a sei iter al nata, m'a si udlani iter a nlr, avvr ti a, “Hin la ilak arna napl p'as ha m'a Net Sivsiv, p'vpatar, kavani ti nahar ipav'a eia, kavvrp'ep'a si p'sp'asar m'a nut huar dav'a dav'a ikahiris naran.”

14Laha, sei arv'a la avsilv' hara, avvr ti a, “Amen.” Laha, elta arnelru pln iv'a (24) avrars a nadep' kavpatei a Mlin la isilv' dav'a dav'a ikahiris naran ha.

Currently Selected:

Revelesen 5: nmb

Highlight

Copy

Compare