Livai 19
19
V'nen Hua kinkin a Mlin Eia itaui
1Laha, a Mlin Eia iv'ana m'ei a Musis, kavr ti a, 2#Livai 11:44,45; 1 P'ita 1:16.“Pav'ana m'er arm'ertu a Isrel udlani, la avp'lt ha, kavr anr, kavr ti a, ‘Kam'i pavv'i m'ertu p'as, sena ti Kana np'as, nv'i a Mlin Eia, kav'i Atuam'i.
3 #
Avruh 20:12; TVH 5:16;
Avruh 20:8; TVH 5:12. M'ertu udlani p'sev' ipani ti nahan a tetian m'ei a unian ipav'a eia. Pavuada mamh napnet nakl. Kana nv'i a Mlin Eia, kav'i Atuam'i.
4 #
Livai 26:1;
Avruh 20:23; 34:17; TVH 17:2-5. Mavruh arna navanel, kadav'a asnr aitul nakl. Mavan atuam'i m'a aian la aani ti ivuvet ha. Kana nv'i a Mlin Eia, kav'i Atuam'i.
5Ipavr ti pavtu sakrivais an a Mlin Eia, iv'i uvrin sena tamat, pavtaui sena ti kvrn ti pavtaui. 6Apahani arna napn ktaui, v'aha arna m'ih nen. Ipavr ti pnen iter uam arna nitla napn, apatu nap' ani pr. 7Ipavr ti m'ertu ihani arna nitla napn, ipav'i sei apalep'lei. A Mlin Eia ikalap'as a uvrin lera. 8Laha, m'ertu ipahani ipamamih sanan, sena ti itutakm sarar si p'sp'asan a Mlin Eia. Laha, apatrla m'ertu lera, ikalak ml asnr m'ertuan.
9 #
Livai 27:15; TVH 24:19-22. Naran kvhl sei arna nadep'am'i, mavhl kka pitvetam'i nakl. Sarei, mavtktak a sei ktvhl sarei. 10Sarei, mavtktak a sei al pitvet na nahau na krep, mavlev'la nava nai (iv'i krep) al pitvet na nahau na krepam'i. Pavlni sanar m'ertu siar ihei, v'aha m'rau kinkin. Kana nv'i a Mlin Eia, kav'i Atuam'i.
11 #
Avruh 20:15; TVH 5:19;
Avruh 20:16; TVH 5:20. Mkavv'nah sei. Mkavhap'il naran kvspan nav'et nakl. Mkavhap'il m'a kam'i.
12 #
Avruh 20:7; TVH 5:11; Mat 5:33. Mkavan turanien arna nahak, v'eti iv'i hap'ilien uaki. Mkavutakm a nahan Atuam'i. Kana nv'i a Mlin Eia.
13 #
TVH 24:14,15. Mkavlev'la nav'et asn tv'elm'i, sarei kvv'nah sian. Ipavr ti ktvvr sarei ti pavul m'ertu a ti ipan parei sanam, mkavuada nav'etan lihat lera ipaier m'etav'aran.
14 #
TVH 27:18. Mkavsip'len m'ertu drlnan iprs. Mkavtu sei arna navanel, a ti m'etapis ipatitihap'el aranan kadars, v'eti pavdedrn an Atuam'i. Kana nv'i a Mlin Eia.
15 #
Avruh 23:6-8; TVH 16:19. Mkavan sei iaviviln naran kvv'ana hua. Mkavv'ahur m'ertu sian ihei, sarei, mkavv'ahur m'ertu hua. Pavv'ana hua m'a tv'elm'i arna v'ahien p'as.
16Mavunanut kavrav'a asnr m'ertuam'i, kavvrur m'ertu uraur nakl. Mavp'tir arna v'nen ipamk, dav'a ti tv'elm'i ipam'a sanan. Kana nv'i a Mlin Eia.
17 #
Mat 18:15. Mavv'ahur tv'elm'i kavlep'lei a nlm'i. Pavv'ana hua m'a tv'elm'i, mavuada si stuam'i a nlm'i sanan.
18 #
Mat 5:43; 19:19; 22:39; Mak 12:31; Luk 10:27; Rum 13:9; Kalesia 5:14; Sim'is 2:8. Mavtum'alet a si stu arm'ertu avan a kam'i. Nlm'i imahrer anr ipap'arei. Pavlap'as a tv'elm'i inep'a nut kvlap'as a kam'i inap'ei. Kana nv'i a Mlin Eia.
19 #
TVH 22:9-11. Pavuada mamh v'nen huak. Mkavm'ahu a ti plukam'i ipatau a natn a si slm uraur. Mkavlu pitvetam'i, kavssran m'et na si ipamk, v'eti ip'lt m'a m'et na si uraur. Mkavtu klus av'ati m'a kalik m'a nila p'ak si slm.
20Ipavr ti attukar sera tav'et iamk, a ti ipav'i tv'el tav'eta dui iamk, v'eti adaulla tav'et lera, a ti iparndu ti iparuh asn dui lera, sarei dui uraur im'atr m'ei, aparpr m'a nahau. V'eti akarpep'nr, sena ti tav'et lera iarndu ti iparuh. 21Sarei, dui nen ipauirv'a uvrinan, la iv'i sena si stu ier m'ertu uraur ha, asn a Mlin Eia. Ipauirv'a a karliu na nmah kanuis na tamatan Atua, ipav'i pua na sivsiv. Ipav'i uvrin sena si stu ier m'ertu uraur. 22Sarei, pris ipani ti ipalak arna tamat m'ei Atua. Ipani m'a pua na sivsiv, la iv'i uvrin sena si stu ier m'ertu uraur ha, sena si stu iten sarei. Laha, a Mlin Eia ipalev'la si stuan, la iten sarei ha.
23Laha, naran pavrav'a arna v'anu, sarei, ktvlu nai ururaur nakl sena navan, pavv'ahur ti navar apavnep'a ti adavan p'au anr (iv'iv'en ti amdaier nava nai lera uam). Sarei, mkavhani dav'a ti pai ipatl ipav'siau, ipanep'a sera ti adavan p'au ani. 24V'eti arna niv'a pai navan ipama kav'i si p'as, ipav'i sei ipani ti nahan a Mlin Eia ipav'a eia. 25Sarei, arna nilm'a pai, pavhan navan. Navan ipastudau, sarei, pavlav'i, ipav'i nkam'i. Kana nv'i a Mlin Eia, kav'i Atuam'i.
26 #
Ap'u 9:4; Livai 7:26,27; 17:10-14; TVH 12:16,23; 15:23;
TVH 18:10. Mkavhan sei naran din iter a nln uam. Mkavsapa p'kl tutuah, mkavv'ahur napn nakl. 27#Livai 21:5; TVH 14:1.Mkavtrla nilm'i udlani arna tv'eliel na ptm'i nakl. Mkavtr svih a pna hmm'i nakl. 28Mkavtr p'akm'i sena m'ertu itam'a sarei. Mavkris p'akm'i nakl, a ti mkavlev'lei. Kana nv'i a Mlin Eia.
29 #
TVH 23:17. Mavulul an a netm'i tav'et, kani ti ipav'i tav'et na navanel, imahei ti v'anu ipama kasapa p'kl lera, sarei, kalini a si stu.
30 #
Livai 26:2. Pavv'ahur Sapatak, kavv'ahur ti nutetak ipav'i si p'as ipamk. Kana nv'i a Mlin Eia.
31 #
TVH 18:11; 1 Sam 28:3; 2 Armlin 23:4; Aisaia 8:19. Mavv'rn anr m'ertu avv'ara anr m'ertu atvram'a sarei, v'aha tiet. Mavtala anr, a ti apavutakm a kam'i. Kana nv'i a Mlin Eia, kav'i Atuam'i.
32Ipavr ti m'ertu, la niln iuvuvar ha, ipama asnm'i, pavp'tir sanan. Pavani ti naha m'ertarep' ipav'a eia, kavdedrn an Atuam'i. Kana nv'i a Mlin Eia.
33 #
Avruh 22:21; TVH 24:17,18; 27:19. Ipavr ti v'anudl kinkin ipama kalak m'a kam'i arna v'anuam'i, kam'i kinkin imautakm ani. 34V'anudl ilak asnm'i ipanep'a sera m'ertu iak asnm'i. Pavlap'as ani ipanep'a nut kvlap'as a kam'i inap'ei. Sena ti, itauamu, kam'i kvv'i v'anudl arna v'anu a Itsip. Kana nv'i a Mlin Eia.
35 #
TVH 25:13-16; V'nen 20:10; Esikiel 45:10. Naran kvtina sei, v'aha kvla ti sei idv inap'i, v'aha kvla ti selpak ilini v'aha ihei, mkavutakm a m'ertu naran kvani. 36Naran kvan pari lera, sei pavtinei a sei nakl ipaviviln, sei pavuadei kavm'akar m'ei apavradv kavviviln. Ipavr ti pavtu sei al putel v'aha selpak, pavlinmamahi nakl. Kana nv'i a Mlin Eia, kav'i Atuam'i, la ilev'la kam'i arna v'anu a Itsip ha. 37Sena si lera, pavsapa mamh v'nen huak udlani, m'a v'nen udlani nttu sarei, sarei kavani. Kana nv'i a Mlin Eia.’ ”
Currently Selected:
Livai 19: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia
Livai 19
19
V'nen Hua kinkin a Mlin Eia itaui
1Laha, a Mlin Eia iv'ana m'ei a Musis, kavr ti a, 2#Livai 11:44,45; 1 P'ita 1:16.“Pav'ana m'er arm'ertu a Isrel udlani, la avp'lt ha, kavr anr, kavr ti a, ‘Kam'i pavv'i m'ertu p'as, sena ti Kana np'as, nv'i a Mlin Eia, kav'i Atuam'i.
3 #
Avruh 20:12; TVH 5:16;
Avruh 20:8; TVH 5:12. M'ertu udlani p'sev' ipani ti nahan a tetian m'ei a unian ipav'a eia. Pavuada mamh napnet nakl. Kana nv'i a Mlin Eia, kav'i Atuam'i.
4 #
Livai 26:1;
Avruh 20:23; 34:17; TVH 17:2-5. Mavruh arna navanel, kadav'a asnr aitul nakl. Mavan atuam'i m'a aian la aani ti ivuvet ha. Kana nv'i a Mlin Eia, kav'i Atuam'i.
5Ipavr ti pavtu sakrivais an a Mlin Eia, iv'i uvrin sena tamat, pavtaui sena ti kvrn ti pavtaui. 6Apahani arna napn ktaui, v'aha arna m'ih nen. Ipavr ti pnen iter uam arna nitla napn, apatu nap' ani pr. 7Ipavr ti m'ertu ihani arna nitla napn, ipav'i sei apalep'lei. A Mlin Eia ikalap'as a uvrin lera. 8Laha, m'ertu ipahani ipamamih sanan, sena ti itutakm sarar si p'sp'asan a Mlin Eia. Laha, apatrla m'ertu lera, ikalak ml asnr m'ertuan.
9 #
Livai 27:15; TVH 24:19-22. Naran kvhl sei arna nadep'am'i, mavhl kka pitvetam'i nakl. Sarei, mavtktak a sei ktvhl sarei. 10Sarei, mavtktak a sei al pitvet na nahau na krep, mavlev'la nava nai (iv'i krep) al pitvet na nahau na krepam'i. Pavlni sanar m'ertu siar ihei, v'aha m'rau kinkin. Kana nv'i a Mlin Eia, kav'i Atuam'i.
11 #
Avruh 20:15; TVH 5:19;
Avruh 20:16; TVH 5:20. Mkavv'nah sei. Mkavhap'il naran kvspan nav'et nakl. Mkavhap'il m'a kam'i.
12 #
Avruh 20:7; TVH 5:11; Mat 5:33. Mkavan turanien arna nahak, v'eti iv'i hap'ilien uaki. Mkavutakm a nahan Atuam'i. Kana nv'i a Mlin Eia.
13 #
TVH 24:14,15. Mkavlev'la nav'et asn tv'elm'i, sarei kvv'nah sian. Ipavr ti ktvvr sarei ti pavul m'ertu a ti ipan parei sanam, mkavuada nav'etan lihat lera ipaier m'etav'aran.
14 #
TVH 27:18. Mkavsip'len m'ertu drlnan iprs. Mkavtu sei arna navanel, a ti m'etapis ipatitihap'el aranan kadars, v'eti pavdedrn an Atuam'i. Kana nv'i a Mlin Eia.
15 #
Avruh 23:6-8; TVH 16:19. Mkavan sei iaviviln naran kvv'ana hua. Mkavv'ahur m'ertu sian ihei, sarei, mkavv'ahur m'ertu hua. Pavv'ana hua m'a tv'elm'i arna v'ahien p'as.
16Mavunanut kavrav'a asnr m'ertuam'i, kavvrur m'ertu uraur nakl. Mavp'tir arna v'nen ipamk, dav'a ti tv'elm'i ipam'a sanan. Kana nv'i a Mlin Eia.
17 #
Mat 18:15. Mavv'ahur tv'elm'i kavlep'lei a nlm'i. Pavv'ana hua m'a tv'elm'i, mavuada si stuam'i a nlm'i sanan.
18 #
Mat 5:43; 19:19; 22:39; Mak 12:31; Luk 10:27; Rum 13:9; Kalesia 5:14; Sim'is 2:8. Mavtum'alet a si stu arm'ertu avan a kam'i. Nlm'i imahrer anr ipap'arei. Pavlap'as a tv'elm'i inep'a nut kvlap'as a kam'i inap'ei. Kana nv'i a Mlin Eia.
19 #
TVH 22:9-11. Pavuada mamh v'nen huak. Mkavm'ahu a ti plukam'i ipatau a natn a si slm uraur. Mkavlu pitvetam'i, kavssran m'et na si ipamk, v'eti ip'lt m'a m'et na si uraur. Mkavtu klus av'ati m'a kalik m'a nila p'ak si slm.
20Ipavr ti attukar sera tav'et iamk, a ti ipav'i tv'el tav'eta dui iamk, v'eti adaulla tav'et lera, a ti iparndu ti iparuh asn dui lera, sarei dui uraur im'atr m'ei, aparpr m'a nahau. V'eti akarpep'nr, sena ti tav'et lera iarndu ti iparuh. 21Sarei, dui nen ipauirv'a uvrinan, la iv'i sena si stu ier m'ertu uraur ha, asn a Mlin Eia. Ipauirv'a a karliu na nmah kanuis na tamatan Atua, ipav'i pua na sivsiv. Ipav'i uvrin sena si stu ier m'ertu uraur. 22Sarei, pris ipani ti ipalak arna tamat m'ei Atua. Ipani m'a pua na sivsiv, la iv'i uvrin sena si stu ier m'ertu uraur ha, sena si stu iten sarei. Laha, a Mlin Eia ipalev'la si stuan, la iten sarei ha.
23Laha, naran pavrav'a arna v'anu, sarei, ktvlu nai ururaur nakl sena navan, pavv'ahur ti navar apavnep'a ti adavan p'au anr (iv'iv'en ti amdaier nava nai lera uam). Sarei, mkavhani dav'a ti pai ipatl ipav'siau, ipanep'a sera ti adavan p'au ani. 24V'eti arna niv'a pai navan ipama kav'i si p'as, ipav'i sei ipani ti nahan a Mlin Eia ipav'a eia. 25Sarei, arna nilm'a pai, pavhan navan. Navan ipastudau, sarei, pavlav'i, ipav'i nkam'i. Kana nv'i a Mlin Eia, kav'i Atuam'i.
26 #
Ap'u 9:4; Livai 7:26,27; 17:10-14; TVH 12:16,23; 15:23;
TVH 18:10. Mkavhan sei naran din iter a nln uam. Mkavsapa p'kl tutuah, mkavv'ahur napn nakl. 27#Livai 21:5; TVH 14:1.Mkavtrla nilm'i udlani arna tv'eliel na ptm'i nakl. Mkavtr svih a pna hmm'i nakl. 28Mkavtr p'akm'i sena m'ertu itam'a sarei. Mavkris p'akm'i nakl, a ti mkavlev'lei. Kana nv'i a Mlin Eia.
29 #
TVH 23:17. Mavulul an a netm'i tav'et, kani ti ipav'i tav'et na navanel, imahei ti v'anu ipama kasapa p'kl lera, sarei, kalini a si stu.
30 #
Livai 26:2. Pavv'ahur Sapatak, kavv'ahur ti nutetak ipav'i si p'as ipamk. Kana nv'i a Mlin Eia.
31 #
TVH 18:11; 1 Sam 28:3; 2 Armlin 23:4; Aisaia 8:19. Mavv'rn anr m'ertu avv'ara anr m'ertu atvram'a sarei, v'aha tiet. Mavtala anr, a ti apavutakm a kam'i. Kana nv'i a Mlin Eia, kav'i Atuam'i.
32Ipavr ti m'ertu, la niln iuvuvar ha, ipama asnm'i, pavp'tir sanan. Pavani ti naha m'ertarep' ipav'a eia, kavdedrn an Atuam'i. Kana nv'i a Mlin Eia.
33 #
Avruh 22:21; TVH 24:17,18; 27:19. Ipavr ti v'anudl kinkin ipama kalak m'a kam'i arna v'anuam'i, kam'i kinkin imautakm ani. 34V'anudl ilak asnm'i ipanep'a sera m'ertu iak asnm'i. Pavlap'as ani ipanep'a nut kvlap'as a kam'i inap'ei. Sena ti, itauamu, kam'i kvv'i v'anudl arna v'anu a Itsip. Kana nv'i a Mlin Eia.
35 #
TVH 25:13-16; V'nen 20:10; Esikiel 45:10. Naran kvtina sei, v'aha kvla ti sei idv inap'i, v'aha kvla ti selpak ilini v'aha ihei, mkavutakm a m'ertu naran kvani. 36Naran kvan pari lera, sei pavtinei a sei nakl ipaviviln, sei pavuadei kavm'akar m'ei apavradv kavviviln. Ipavr ti pavtu sei al putel v'aha selpak, pavlinmamahi nakl. Kana nv'i a Mlin Eia, kav'i Atuam'i, la ilev'la kam'i arna v'anu a Itsip ha. 37Sena si lera, pavsapa mamh v'nen huak udlani, m'a v'nen udlani nttu sarei, sarei kavani. Kana nv'i a Mlin Eia.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia