Livai 20
20
Sei ipaier m'ertu, ipavr ti iahan sei v'nen hua ivri
1Laha, a Mlin Eia iv'ana m'ei a Musis, kavr ani, kavr ti a, 2“Sarei ml, pavr anr arm'ertu a Isrel, kavr anr, kavr ti a, ‘Ipavr ti m'ertu a Isrel kinkin, v'aha v'anudl la avlak a Isrel ha, avtau a natr kinkin an a Mulek, aparpep'n m'ertu nen pr. Arm'ertu na v'anu apavlev' nav'et kavmhrp'ni. 3Nlk iparer a dui lera, p'etrlei asnr arm'ertuan, sena ti ittu sarei a natn an a Mulek, katutakm sarei a nutetak, katutakm sarei a naha p'asak. 4Sarei, ipavr ti m'ertu na v'anu iarn ti ipap'a dui nen, arna navanel kinkin, naran ittu sarei a natn kinkin an a Mulek, sarei arm'ertu adavrpep'ni, 5nlk iparer a dui nen, m'a nl nam'elan. P'etrlei asnr arm'ertuan, hin m'er arm'ertu udlani avani inep'a nut tav'et na navanel avani inap'ei, inep'a ti avlak m'ei a Mulek kavan si lera.
6Sarei, ipavr ti m'ertu iruh arna navanel, kadav'a asnr m'ertu avv'ara anr m'ertu atvram'a sarei, v'aha tiet, a ti apavani ipanep'a nut tav'et na navanel avani inap'ei m'er, nlk iparer a m'ertu nen. P'etrlei asnr arm'ertuan.
7Sena si lera, pavmhmah a kam'i, kavrama kavp'as, sena ti Kana nv'i a Mlin Eia, kav'i Atuam'i. 8Pavuada mamh v'nen huak, kavan sei ivri. Kana nv'i a Mlin Eia, la iani ti kvp'as ha.
9 #
Avruh 21:17; Mat 15:4; Mak 7:10. M'ertu isip'len a tetian, v'aha a unian, aparpep'ni pr. Sena ti itsip'len sarei a tetian, v'aha a unian, din ipararev' arna p'akn pr.
10 #
Avruh 20:14; Livai 18:20; TVH 5:18. Dui im'atr m'ei a naun a dui uraur, v'aha dui im'atr m'ei a naun m'ertu ilak mima asnn, aparpep'nr dui lera m'a tav'et lera. 11#Livai 18:8; TVH 22:30; 27:20.Dui im'atr m'ei a naun a tetian, hin itu mamihien an a tetian, aparpep'nr aparru. Dir ipararev' arna p'akr pr. 12#Livai 18:15.Ipavr ti dui im'atr m'ei a v'lian, aparpep'nr aparru. Atvan sera sei iuraur kastu. Dir ipararev' arna p'akr pr. 13#Livai 18:22.Ipavr ti dui im'atr m'a dui, inep'a nut iani m'a tav'et, hir arru atvan sera sei alep'lei. Aparpep'nr aparru. Dir ipararev' arna p'akr pr. 14#Livai 18:17; TVH 27:23.Ipavr ti dui im'atr m'a tav'et iamk m'ei a unia tav'et lera, iv'i si stuet. Apalr al nap', dui lera, m'a tav'et arru lera, a ti si stu kinkin ikahter ml asnm'i. 15#Avruh 22:19; Livai 18:23; TVH 27:21.Ipavr ti dui im'atr m'a si dm kinkin, aparpep'ni pr. Sarei, aparpep'n si dm nen. 16Ipavr ti tav'et iv'a asn si dm kinkin, sarei kam'atr m'ei, parpep'n tav'et lera m'a si dm lera. Aparpep'nr aparru. Dir ipararev' arna p'akr pr.
17 #
Livai 18:9; TVH 27:22. Ipavr ti dui ilev' a v'nn, v'aha a natn tav'etan a tetian, v'aha a natn tav'etan a unian, kam'atr m'ei, laha hin im'atr m'a dui nen, iv'i si stuet. Apatrlar, akavlak asnr arm'ertuar. Sena ti hin itm'atr sarei m'ei a v'nn. Mamihien na si stuan ipater arna dui lera. 18#Livai 18:19.Ipavr ti dui im'atr m'a tav'et naran m'etiena tav'et iani, itpasla nut din irarev', sarei, tav'et lera itlev'la sei itavkar p'akn naran din irarev'. Apatrtrlar, akavlak asnr arm'ertuar. 19#Livai 18:12-14.Mkam'atr m'ei a tv'aln a uniam, v'aha a v'nn a tetiam, sena ti, inap'i lera, ktm'atr sarei m'a m'ertu arna nl nam'elam. Ipavr ti m'ertu lera aparani ipanap'i lera, mamihien na si stuar ipater aranar pr. 20Ipavr ti dui im'atr m'ei a naun a p'nian, itu mamihien an a p'nian. Si stuar ipater aranar. Aparm'a, v'eti a natr ikahei. 21#Livai 18:16.Ipavr ti dui ilev' a naun a tv'aln, iv'i si iamk istu arna nahn a Mlin Eia, sena ti itu mamihien an a tv'aln. A natr ikahei.
22Sena si lera, pavsapa mamh v'nen huak udlani, m'a v'nen udlani nttu sarei, sarei kavani, imahei ti nadep', la p'euirv'a kam'i a ti pavlak aranan ha, ipalu kam'i. 23Mkavv'el kavsapa v'nen huar arm'ertu na v'anu la nsranr arna nahm'i ha, sena ti hir avan si udlani lera nakl. Iv'i sena si lera, Kana nlep'lar istudau. 24V'eti Kana ntvr sarei a kam'i, kavr ti a, “Nadep' laha ipav'i nkam'i. P'etau a kam'i a ti ipav'i nkam'i. Iv'i nadep' ilini a m'ilik m'a ns sukapak.” Kana nv'i a Mlin Eia, kav'i Atuam'i, la itlev'la sera kam'i asnr arm'ertu na v'anu udlani ha. 25Sena si lera, pavv'ahur mamh si dm v'ata iviviln arna nahk, m'a si dm v'ata istu arna nahk. Pavv'ahur mamh m'anh v'ata iviviln arna nahk, m'a m'anh v'ata istu arna nahk. Mkavani ti pavv'i sei apalep'lei, sena si dm, v'aha m'anh, v'aha si kinkin isilv' kaharev' arna v'atn, la nttu sarei a ti apavuraur, kavstu arna nahk ha. 26Kam'i pavv'i m'ertu p'as, kavv'i nkak, sena ti Kana nv'i a Mlin Eia, kap'as istudau. Kana ntlev'la sera kam'i asnr arm'ertu na v'anu udlani, a ti pavv'i nkak.
27Dui v'aha tav'et iv'i tiet, v'aha m'ertu iv'ara a m'ertu itam'a sarei, aparpep'ni pr. Apamhrp'nr m'ertu lera pr. Dir ipararev' arna p'akr.’ ”
Currently Selected:
Livai 20: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia
Livai 20
20
Sei ipaier m'ertu, ipavr ti iahan sei v'nen hua ivri
1Laha, a Mlin Eia iv'ana m'ei a Musis, kavr ani, kavr ti a, 2“Sarei ml, pavr anr arm'ertu a Isrel, kavr anr, kavr ti a, ‘Ipavr ti m'ertu a Isrel kinkin, v'aha v'anudl la avlak a Isrel ha, avtau a natr kinkin an a Mulek, aparpep'n m'ertu nen pr. Arm'ertu na v'anu apavlev' nav'et kavmhrp'ni. 3Nlk iparer a dui lera, p'etrlei asnr arm'ertuan, sena ti ittu sarei a natn an a Mulek, katutakm sarei a nutetak, katutakm sarei a naha p'asak. 4Sarei, ipavr ti m'ertu na v'anu iarn ti ipap'a dui nen, arna navanel kinkin, naran ittu sarei a natn kinkin an a Mulek, sarei arm'ertu adavrpep'ni, 5nlk iparer a dui nen, m'a nl nam'elan. P'etrlei asnr arm'ertuan, hin m'er arm'ertu udlani avani inep'a nut tav'et na navanel avani inap'ei, inep'a ti avlak m'ei a Mulek kavan si lera.
6Sarei, ipavr ti m'ertu iruh arna navanel, kadav'a asnr m'ertu avv'ara anr m'ertu atvram'a sarei, v'aha tiet, a ti apavani ipanep'a nut tav'et na navanel avani inap'ei m'er, nlk iparer a m'ertu nen. P'etrlei asnr arm'ertuan.
7Sena si lera, pavmhmah a kam'i, kavrama kavp'as, sena ti Kana nv'i a Mlin Eia, kav'i Atuam'i. 8Pavuada mamh v'nen huak, kavan sei ivri. Kana nv'i a Mlin Eia, la iani ti kvp'as ha.
9 #
Avruh 21:17; Mat 15:4; Mak 7:10. M'ertu isip'len a tetian, v'aha a unian, aparpep'ni pr. Sena ti itsip'len sarei a tetian, v'aha a unian, din ipararev' arna p'akn pr.
10 #
Avruh 20:14; Livai 18:20; TVH 5:18. Dui im'atr m'ei a naun a dui uraur, v'aha dui im'atr m'ei a naun m'ertu ilak mima asnn, aparpep'nr dui lera m'a tav'et lera. 11#Livai 18:8; TVH 22:30; 27:20.Dui im'atr m'ei a naun a tetian, hin itu mamihien an a tetian, aparpep'nr aparru. Dir ipararev' arna p'akr pr. 12#Livai 18:15.Ipavr ti dui im'atr m'ei a v'lian, aparpep'nr aparru. Atvan sera sei iuraur kastu. Dir ipararev' arna p'akr pr. 13#Livai 18:22.Ipavr ti dui im'atr m'a dui, inep'a nut iani m'a tav'et, hir arru atvan sera sei alep'lei. Aparpep'nr aparru. Dir ipararev' arna p'akr pr. 14#Livai 18:17; TVH 27:23.Ipavr ti dui im'atr m'a tav'et iamk m'ei a unia tav'et lera, iv'i si stuet. Apalr al nap', dui lera, m'a tav'et arru lera, a ti si stu kinkin ikahter ml asnm'i. 15#Avruh 22:19; Livai 18:23; TVH 27:21.Ipavr ti dui im'atr m'a si dm kinkin, aparpep'ni pr. Sarei, aparpep'n si dm nen. 16Ipavr ti tav'et iv'a asn si dm kinkin, sarei kam'atr m'ei, parpep'n tav'et lera m'a si dm lera. Aparpep'nr aparru. Dir ipararev' arna p'akr pr.
17 #
Livai 18:9; TVH 27:22. Ipavr ti dui ilev' a v'nn, v'aha a natn tav'etan a tetian, v'aha a natn tav'etan a unian, kam'atr m'ei, laha hin im'atr m'a dui nen, iv'i si stuet. Apatrlar, akavlak asnr arm'ertuar. Sena ti hin itm'atr sarei m'ei a v'nn. Mamihien na si stuan ipater arna dui lera. 18#Livai 18:19.Ipavr ti dui im'atr m'a tav'et naran m'etiena tav'et iani, itpasla nut din irarev', sarei, tav'et lera itlev'la sei itavkar p'akn naran din irarev'. Apatrtrlar, akavlak asnr arm'ertuar. 19#Livai 18:12-14.Mkam'atr m'ei a tv'aln a uniam, v'aha a v'nn a tetiam, sena ti, inap'i lera, ktm'atr sarei m'a m'ertu arna nl nam'elam. Ipavr ti m'ertu lera aparani ipanap'i lera, mamihien na si stuar ipater aranar pr. 20Ipavr ti dui im'atr m'ei a naun a p'nian, itu mamihien an a p'nian. Si stuar ipater aranar. Aparm'a, v'eti a natr ikahei. 21#Livai 18:16.Ipavr ti dui ilev' a naun a tv'aln, iv'i si iamk istu arna nahn a Mlin Eia, sena ti itu mamihien an a tv'aln. A natr ikahei.
22Sena si lera, pavsapa mamh v'nen huak udlani, m'a v'nen udlani nttu sarei, sarei kavani, imahei ti nadep', la p'euirv'a kam'i a ti pavlak aranan ha, ipalu kam'i. 23Mkavv'el kavsapa v'nen huar arm'ertu na v'anu la nsranr arna nahm'i ha, sena ti hir avan si udlani lera nakl. Iv'i sena si lera, Kana nlep'lar istudau. 24V'eti Kana ntvr sarei a kam'i, kavr ti a, “Nadep' laha ipav'i nkam'i. P'etau a kam'i a ti ipav'i nkam'i. Iv'i nadep' ilini a m'ilik m'a ns sukapak.” Kana nv'i a Mlin Eia, kav'i Atuam'i, la itlev'la sera kam'i asnr arm'ertu na v'anu udlani ha. 25Sena si lera, pavv'ahur mamh si dm v'ata iviviln arna nahk, m'a si dm v'ata istu arna nahk. Pavv'ahur mamh m'anh v'ata iviviln arna nahk, m'a m'anh v'ata istu arna nahk. Mkavani ti pavv'i sei apalep'lei, sena si dm, v'aha m'anh, v'aha si kinkin isilv' kaharev' arna v'atn, la nttu sarei a ti apavuraur, kavstu arna nahk ha. 26Kam'i pavv'i m'ertu p'as, kavv'i nkak, sena ti Kana nv'i a Mlin Eia, kap'as istudau. Kana ntlev'la sera kam'i asnr arm'ertu na v'anu udlani, a ti pavv'i nkak.
27Dui v'aha tav'et iv'i tiet, v'aha m'ertu iv'ara a m'ertu itam'a sarei, aparpep'ni pr. Apamhrp'nr m'ertu lera pr. Dir ipararev' arna p'akr.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia