Livai 18
18
V'nen hua ier m'ertu avan lheien
1Laha, a Mlin Eia iv'ana m'ei a Musis, kavr ani, kavr ti a, 2“Pav'ana m'er arm'ertu a Isrel, kavr anr, kavr ti a, ‘Kana nv'i a Mlin Eia, kav'i Atuam'i. 3Kam'i mkavan sei arm'ertu avani arna v'anu a Itsip, arna nut kvlak itauamu. Mkavan sei arm'ertu avani arna v'anu a Kenan, la iv'i v'anu p'euirv'a kam'i aranan hilaha. Mkavani ipanap'i lera. Mkavsapa v'nen huar nakl. 4Kam'i pavv'ahur mamh v'nen ntaui. Pavsapa v'nen huak, kavv'el aranan arna navanel. Kana nv'i a Mlin Eia, kav'i Atuam'i. 5#Niamaia 9:29; Esikiel 18:9; 20:11-13; Luk 10:28; Rum 10:5; Kalesia 3:12.Sena si lera, pavsapa v'nen huak, m'a v'nen ntaui, sena ti, ipavr ti m'ertu ipani ipanap'i lera, ipasilv'. Kana nv'i Atua.
6Kam'i kinkin mkavrav'a asn m'ertu iv'i vamli, a ti pam'atr m'ei. Kana nv'i a Mlin Eia. 7Mkatu mamihien an a tetiam kam'atr m'ei a uniam. Iv'i a uniam, mkm'atr m'ei. 8#Livai 20:11; TVH 22:30; 27:20.Mkam'atr m'ei a naun a tetiam. Ipatu mamihien an a tetiam. 9#Livai 20:17; TVH 27:22.Mkam'atr m'ei a v'nm, v'aha a natn tav'etan a tetiam, v'aha a natn tav'etan a uniam, ipavr ti iak al nmaham, v'aha iak a nut uraur. 10Mkam'atr m'ei a natn a natm dui, v'aha a natn a natm tav'et. Sena ti si lera ipatu mamihien anh. 11Mkam'atr m'ei a natn tav'etan a naun a tetiam, la iv'i a natn a tetiam ha. Iv'i a v'nm. 12#Livai 20:19,20.Mkam'atr m'ei a v'nn a tetiam, sena ti iv'i vamlian a tetiam. 13Mkam'atr m'a tv'aln a uniam, sena ti iv'i vamlian a uniam. 14Mkam'atr m'a tv'aln a tetiam. Mkahv'a asn a naun, sena ti iv'i a vaviam. 15#Livai 20:12.Mkam'atr m'ei a v'liam, iv'i a naun a natm, mkam'atr m'ei. 16#Livai 20:21.Mkam'atr m'ei a naun a tv'alm. Iv'i mamihien an a tv'alm. 17#Livai 20:14; TVH 27:23.Mkam'atr m'a tav'et iamk m'ei a natn tav'et. Mkam'atr m'ei a natn tav'etan a natn dui, v'aha a natn tav'etan a natn tav'et. Avv'i vamlian. Si lera istu istudau.
18Mkalev' tav'et iamk, la iv'i a tv'aln a tav'et ktlav'i itauamu ha, kani ti nln ipapr tv'aln. Mkalav'i kam'atr m'ei, naran tv'aln isilv' uam. 19#Livai 20:18.Mkahv'a asn tav'et iamk kam'atr m'ei arna napn udlani m'etiena tav'et iani. 20#Livai 20:10.Laha ml, mkam'atr m'ei a naun a tv'alm, kan si stu m'ei. 21#Livai 20:1-5.Mkam'ahu a ti a netm'i kinkin apavrav'a al nep'v'en asn a Mulek. Mkautakm a nahan Atuam'i. Kana nv'i a Mlin Eia. 22#Livai 20:13.Mkam'atr m'a dui inep'a nut am'atr m'a tav'et inap'ei. Iv'i si stu apalep'lei. 23#Avruh 22:19; Livai 20:15,16; TVH 27:21.Mkam'atr m'a si dm kinkin, kan si stu m'ei. Tav'et kinkin ikap'tir asn si dm kinkin, a ti ipam'atr m'ei. Iv'i si stu kuraur pr. 24Mavutakm a kam'i m'a si kinkin inap'i lera. Sena ti iv'i si lera udlani iutakm anr v'anu laha udlani, laha, nsranr arm'ertu na v'anu laha arna nahm'i. 25Nadep' itstu sarei sanan, laha, p'erpi sena si stu iter aranan. Laha, inep'a ti nadep' ilu arm'ertu la avlak aranan ha.
26Sena si lera, kam'i pavsapa mamh v'nen huak, m'a sei ntaui. Mkavan si stu kinkin lera, avv'i sei alep'lei. Kam'i arm'ertu na v'anu, mkavani, sarei, v'anudl kinkin, la ilak m'a kam'i ha, ikahani, 27(sena ti arm'ertu na v'anu, la avlak atlera itauamu a kam'i ha, avan si stu lera nakl, la alep'lei ha. Laha, nadep' itstu sarei). 28Ipavr ti pavan si stu ipanap'i lera, nadep' ipalu kam'i, inep'a nut ilu arm'ertu na v'anu, la avlak itauamu a kam'i ha inap'ei. 29Ipavr ti m'ertu kinkin ien si stu, la alep'lei ha, apatrpep'nr m'ertu avani, akavlak ml m'er m'ertuar. 30Sena si lera, pavan sei v'nen huak ivri, a ti mkavan si stu, la avv'i p'kl stuar m'ertu na v'anu ha, kavv'i sei alep'lei avani itauamu a kam'i. Mavutakm a kam'i m'a si lera. Kana nv'i a Mlin Eia, kav'i Atuam'i.’ ”
Currently Selected:
Livai 18: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia
Livai 18
18
V'nen hua ier m'ertu avan lheien
1Laha, a Mlin Eia iv'ana m'ei a Musis, kavr ani, kavr ti a, 2“Pav'ana m'er arm'ertu a Isrel, kavr anr, kavr ti a, ‘Kana nv'i a Mlin Eia, kav'i Atuam'i. 3Kam'i mkavan sei arm'ertu avani arna v'anu a Itsip, arna nut kvlak itauamu. Mkavan sei arm'ertu avani arna v'anu a Kenan, la iv'i v'anu p'euirv'a kam'i aranan hilaha. Mkavani ipanap'i lera. Mkavsapa v'nen huar nakl. 4Kam'i pavv'ahur mamh v'nen ntaui. Pavsapa v'nen huak, kavv'el aranan arna navanel. Kana nv'i a Mlin Eia, kav'i Atuam'i. 5#Niamaia 9:29; Esikiel 18:9; 20:11-13; Luk 10:28; Rum 10:5; Kalesia 3:12.Sena si lera, pavsapa v'nen huak, m'a v'nen ntaui, sena ti, ipavr ti m'ertu ipani ipanap'i lera, ipasilv'. Kana nv'i Atua.
6Kam'i kinkin mkavrav'a asn m'ertu iv'i vamli, a ti pam'atr m'ei. Kana nv'i a Mlin Eia. 7Mkatu mamihien an a tetiam kam'atr m'ei a uniam. Iv'i a uniam, mkm'atr m'ei. 8#Livai 20:11; TVH 22:30; 27:20.Mkam'atr m'ei a naun a tetiam. Ipatu mamihien an a tetiam. 9#Livai 20:17; TVH 27:22.Mkam'atr m'ei a v'nm, v'aha a natn tav'etan a tetiam, v'aha a natn tav'etan a uniam, ipavr ti iak al nmaham, v'aha iak a nut uraur. 10Mkam'atr m'ei a natn a natm dui, v'aha a natn a natm tav'et. Sena ti si lera ipatu mamihien anh. 11Mkam'atr m'ei a natn tav'etan a naun a tetiam, la iv'i a natn a tetiam ha. Iv'i a v'nm. 12#Livai 20:19,20.Mkam'atr m'ei a v'nn a tetiam, sena ti iv'i vamlian a tetiam. 13Mkam'atr m'a tv'aln a uniam, sena ti iv'i vamlian a uniam. 14Mkam'atr m'a tv'aln a tetiam. Mkahv'a asn a naun, sena ti iv'i a vaviam. 15#Livai 20:12.Mkam'atr m'ei a v'liam, iv'i a naun a natm, mkam'atr m'ei. 16#Livai 20:21.Mkam'atr m'ei a naun a tv'alm. Iv'i mamihien an a tv'alm. 17#Livai 20:14; TVH 27:23.Mkam'atr m'a tav'et iamk m'ei a natn tav'et. Mkam'atr m'ei a natn tav'etan a natn dui, v'aha a natn tav'etan a natn tav'et. Avv'i vamlian. Si lera istu istudau.
18Mkalev' tav'et iamk, la iv'i a tv'aln a tav'et ktlav'i itauamu ha, kani ti nln ipapr tv'aln. Mkalav'i kam'atr m'ei, naran tv'aln isilv' uam. 19#Livai 20:18.Mkahv'a asn tav'et iamk kam'atr m'ei arna napn udlani m'etiena tav'et iani. 20#Livai 20:10.Laha ml, mkam'atr m'ei a naun a tv'alm, kan si stu m'ei. 21#Livai 20:1-5.Mkam'ahu a ti a netm'i kinkin apavrav'a al nep'v'en asn a Mulek. Mkautakm a nahan Atuam'i. Kana nv'i a Mlin Eia. 22#Livai 20:13.Mkam'atr m'a dui inep'a nut am'atr m'a tav'et inap'ei. Iv'i si stu apalep'lei. 23#Avruh 22:19; Livai 20:15,16; TVH 27:21.Mkam'atr m'a si dm kinkin, kan si stu m'ei. Tav'et kinkin ikap'tir asn si dm kinkin, a ti ipam'atr m'ei. Iv'i si stu kuraur pr. 24Mavutakm a kam'i m'a si kinkin inap'i lera. Sena ti iv'i si lera udlani iutakm anr v'anu laha udlani, laha, nsranr arm'ertu na v'anu laha arna nahm'i. 25Nadep' itstu sarei sanan, laha, p'erpi sena si stu iter aranan. Laha, inep'a ti nadep' ilu arm'ertu la avlak aranan ha.
26Sena si lera, kam'i pavsapa mamh v'nen huak, m'a sei ntaui. Mkavan si stu kinkin lera, avv'i sei alep'lei. Kam'i arm'ertu na v'anu, mkavani, sarei, v'anudl kinkin, la ilak m'a kam'i ha, ikahani, 27(sena ti arm'ertu na v'anu, la avlak atlera itauamu a kam'i ha, avan si stu lera nakl, la alep'lei ha. Laha, nadep' itstu sarei). 28Ipavr ti pavan si stu ipanap'i lera, nadep' ipalu kam'i, inep'a nut ilu arm'ertu na v'anu, la avlak itauamu a kam'i ha inap'ei. 29Ipavr ti m'ertu kinkin ien si stu, la alep'lei ha, apatrpep'nr m'ertu avani, akavlak ml m'er m'ertuar. 30Sena si lera, pavan sei v'nen huak ivri, a ti mkavan si stu, la avv'i p'kl stuar m'ertu na v'anu ha, kavv'i sei alep'lei avani itauamu a kam'i. Mavutakm a kam'i m'a si lera. Kana nv'i a Mlin Eia, kav'i Atuam'i.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia