Avruh V'nen ivrur puk laha, nahan iv'i Avruh
V'nen ivrur puk laha, nahan iv'i Avruh
?Hin ak iulul a puk laha?
M'ertu iulul a puk laha iv'i a Musis.
?Iani v'aran?
A Musis iani, itauatah a naran a ti a Mlin Eia ilev'lar arm'ertu a Isrel dan arna v'anu a Itsip (1,440 BC – pai iv'i 1,440 itauamu a naran a ti a Iesu ima arna nadep' ka).
?Puk laha ivrur v'ata?
Puk laha ivrur sei a Mlin Eia iani naran arm'ertu a Isrel avlak a Itsip, itauatah a naran a ti a Susev' isilv'. Atua iv'ara an a Musis, kavr ti ipav'ana hua m'ei a mlin a Itsip, iv'i a Veru. Sarei, ilev'lar arm'ertu a Isrel arna v'anu lera, kamhmah anr naran avlak arna nut kaka.
A Mlin Eia ien sei istudau arm'ertu avtah ani. Itap'er der lilil, aviarr arm'ertu a Itsip. Sarei, ien si p'as kamhmah anr arm'ertu a Isrel, katu nauei m'a tim'ah anr arna nut kaka.
V'eti arm'ertu a Isrel avv'ana stu, ahavrn ip'as a sei a Mlin Eia itau anr.
Atua itu v'nen hua anr, iv'i sei irndu ti ipamhmah anr. V'eti avan aitul iamk sanar, kavpatei. Atua nln irer anr sena si lera. Sarei, irpr.
Sarei ml, a Mlin Eia iv'iv'en navanel a ti apavpatei al nmah kanuis na tamatan Atua.
?Puk laha iv'iv'en v'ata a nakd?
Iv'iv'en navanel a ti Atua irndu ti ipalev'la m'ertu arna si stu. Naran irpr a natr arm'ertu a Itsip, ivr ti arm'ertu a Isrel apavtu di net sivsiv arna nakal na liu na nmahar. Si lera iv'iv'en ti Atua irn ti si kinkin ipam'a sena si stua m'ertu. A Iesu Kristu iv'i a Natn, kav'i Atua dau, kav'i M'ertu dau. Hin uaki iv'i M'ertu irndu ti ipani ti a Mlin Eia iparn ipap'as ani. Laha, naran a Iesu im'a sena si stuar arm'ertuan, a Mlin Eia nln iahrer ml (1 P'ita 1:19).
A Mlin Eia itu v'nen hua anr arm'ertu, v'eti ahavrndu ti apavan sei ivri. Inap'i lera, nakd nkavrndu ti p'vsapa mamh v'nen huan Atua, v'eti iv'iv'en ti navanel lera iav'i navanel a ti apani ti Atua iparn ipap'as a nakd. A Iesu uaki ien si udlani a Tetian ivri, kasapa mamh v'nen huan. Inap'i lera, Hin uaki iviviln a ti ipam'a a ti ipalev'la nl reran Atua (Kalesia 2:16).
Naran nvla ti Atua ilev'lar arm'ertu arna v'anu stu, katu tim'ah m'a nauei anr arna nut kaka, si lera iv'iv'en a nakd a ti Atua irndu ti ipan si lera arna silv'ienad (1 Kurin 1:19).
Currently Selected:
Avruh V'nen ivrur puk laha, nahan iv'i Avruh: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia