Avruh 26
26
Nmah Kanuis na Tamatan Atua
(Avruh 36:8-38)
1 Sarei ml, pan nmah kanuis na tamatan Atua m'a kalik p'arei ipanal, pav'ati m'a tret iplu, kam'ielm't, kam'iel. Pav'ati ipap'eset, katu m'lk na ensel nahan iv'i serupim aranar. 2Kalik p'arei lera ipap'arei kaier mita ipanal lman iv'a (14). Tv'eliel ipaier tv'eliel ipav'i mita aparru. Kalik p'arei lera udlani apavnap'amk. 3Pahuda kalik p'arei arlm' a ti apavrama kavamk, sarei pahuda tv'el kalik p'arei arlm' a ti apavrama kavamk ml. 4Pav'et kalik plu ipav'a auei kadama eia ml arna tv'eliel iamk na kalik p'arei, v'eti eim nen. Sarei, pani ipanap'i lera ml arna tv'eliel na kalik p'arei, iv'i niru nen. 5Pani ti kalik lera kv'ati inap'i lera ipanellm' (50) arna kalik p'arei iamk, kani ti kalik lera kv'ati ipanellm' (50) arna tv'eliel na niru nen, a ti apavhuda kalik lera kani ti kalik arruru nakl aparp'lt karamk. 6Sarei, pan rin na kul ipanellm' (50) a ti apavuada kalik p'arei udlani apavv'i nmah kanuis ipamk.
7Sarei, pan kalik p'arei uraur m'a nil nani, a ti ipatukar nmah kanuis na tamatan Atua. Pan kalik p'arei lera apavnal lman iamk (11). 8Nki ipamk ipap'arei kaier mita ipanal lman ilm' (15). Sarei, tv'eliel ipaier tv'eliel ipav'i mita iru. Kalik p'arei inal lman iamk lera apavp'rp'arei kavnap'amk. 9Pahuda kalik p'arei lera arlm' a ti apavrama kavamk, kahuda ki uraur avlm'sei apavrama kavamk ml. Lm'sei na kalik pataui ipatukar liu na nmah kanuis. 10Pav'et kalik ipav'a auei kadama eia ml arna tv'eliel ipamk na kalik p'arei lera, apavnellm' (50). Sarei, pani ipanap'i lera ml arna tv'eliel na kalik p'arei, iv'i niru nen. 11Sarei, pan rin na aian v'il apavnellm' (50), sarei patu rin lera al kalik la iv'a auei kadama eia ml ha, a ti apavuada nmah kanuis ipahua, ipap'lt mamh. 12Duana kalik p'arei na nmah kanuis, iv'i pna nmah kanuis iter uam, ipalal a tah nmah kanuis na tamatan Atua. 13Pna nut p'arei na kalik p'arei lera ipalal arna tv'eliel m'a tv'eliel na nmah kanuis lil. Pnen ipamk ipav'i sentimita inellm' (50), tv'aln ipav'i sentimita inellm' (50), aparlal arna tv'eliel ipamk, m'a tv'eliel uraur, katukar nmah kanuis na tamatan Atua.
14Sarei, palev' nila p'ak pua na sivsiv ipastudau katu kala m'iel aranar a ti apavtukar nmah kanuis, katu nila p'ak sikau arna nil pua na sivsiv lera.
15Sarei, palev' nai nahan iv'i akeisa, katr nakal na nmah kanuis na tamatan Atua, kahli ipap'tir. 16Patr nakal ipap'arei kav'i mita ipalm', sarei tv'eliel ipaier tv'eliel ipav'i sentimita iv'i 75. 17Patr nai p'arei sena nakal udlani, a ti apavuadeder nki ipamk m'a tv'aln. Pani ipanap'i lera sanar nakal uldani na nmah kanuis na tamatan Atua. 18Patr nakal aparnelru (20) sena nmah kanuis na tamatan Atua. Nki lera udlani apavv'i sena tv'eliel arna Saut. 19Sarei, pan sei apadren nai a nln m'a silva, apavrater a nv' nakal arnelru (20). Si lera nakal aparnelv'a (40). Pan si lera ipav'aru nakl, sena nai p'arei nen arru.
20Sarei, patr nakal ml apavnelru (20) sena tv'eliel na nmah kanuis na tamatan Atua, arna tv'eliel iv'a arna Nut. 21Sarei, pan sei apadren nai a nln m'a silva, aparnelv'a (40) ml. Si lera nakl aparruru nakl arna nakal udlani. 22Patr nakal apavlm'sei sena nut v'iv'a na nmah kanuis na tamatan Atua, arna tv'eliel iv'a arna Ues. 23Sarei, patr nakal iparu ml sena kka nmah kanuis iru a tahn. 24Pan rin ipamk a ti ipauada nakal iru arna kkar arna nut auei nar, kan nki ipamk ml a ti ipauada nakal iru lera arna nut eia nar. Pani ipanap'i lera sena nakal uraur arna tv'el kka nmah kanuis. Ipanap'i lera, nut lera aparv'i kka nmah kanuis aparru. 25Ipanap'i lera, nakal apavsatl, m'er sei adren nai a nlr avv'i silva. Si lera aparnal lman ilm'sei (16), sena ti avani iv'aru arna nut auei na nakal udlani p'sev'.
26Sarei, palev' nai iv'i akeisa, katr nai p'arei ml sena ti apavuada nakal udlani. Pan nki arlm' sena nakal a tv'eliel ipamk na nmah kanuis na tamatan Atua. 27Patu nki arlm' a tv'eliel uraur na nmah kanuis, katu nki arlm' ml arna tv'eliel la iter v'iv'a kadav'a arna Ues ha. 28Nai p'arei la iv'i nki a p't nut ha, ipav'a a nl nakal udlani, katudina hin a tv'eliel iamk kadav'a kaier tv'eliel uraur nakl. 29Patu kul arna nakal udlani, katu kul arna rin udlani la avuada nai p'arei ha, katu kul arna nai p'arei udlani. 30Sarei, pahl nmah kanuis na tamatan Atua, ipap'tir, inep'a nut ntvr sarei anh arna ptha lil inap'ei.
31Laha, pan kalik p'arei ip'eset ipamk. Pav'ati m'a tret iplu, kam'ielm't, kam'iel, ipav'i kalik ipap'eset. Pav'ati ipap'eset, katu m'lk na ensel nahan iv'i serupim aranan. 32Palev' nai iv'i akeisa katr nakal p'arei arv'a, kani ti kalik p'arei p'as lera ipalal aranar. Pan uk sanan apavv'i kul, katu uk lera al nut ktri sanan. Nut ktri pani m'a silva nakl. 33#Isrel 6:19; 9:3-5.Sarei, palav'r rin kani ti kalik p'arei p'as ipalal aranan. Sarei, pauirma pukiset na turanien eim lera, atah kalik p'arei p'as. Kalik p'arei p'as ipatukar nut, apavr ti naha nut lera ipav'i Nutet, m'a nut eim dau apavr ti ipav'i Nutet na Nutet. 34Sarei, patu napl na vtmien arna pukiset na turanien al Nutet na Nutet. 35Sarei ml, patu tiv' av'aran na Nutet na Nutet. Patu lait aani a kul a tv'eliel na nmah kanuis na tamatan Atua iv'a arna Saut, katu tiv' arna tv'eliel iv'a arna Nut.
36Laha, pan kalik p'arei ip'eset ipamk ml, a ti ipav'i liu na nmah kanuis na tamatan Atua. Pav'ati m'a tret iplu, kam'ielm't, kam'iel, ipav'i kalik ip'eset. M'ertu ipav'ati iparndu mamh navanel a ti ipav'et sei. 37Palev' nai iv'i akeisa katr nakal p'arei arlm' katu kul aranar, kani ti kalik p'arei iv'i liu ipalal aranan. Pan uk sanan apavv'i kul, katu uk lera al nut ktri sanan, nut ktri pani m'a aian v'il nakl.
Currently Selected:
Avruh 26: nmb
Highlight
Copy
Compare
Share
Want to have your highlights saved across all your devices? Sign up or sign in
© 2023 Presbyterian Reformed Church of Australia
