Roma 14
14
1Koma yula wakulegeleka pa kiyitakiso munjupe, leka nukuya pa mapindikano gakuganagana. 2Mundu yumonga ayii ni kiyitakiso kwa kulya fyoha: koma yualegeleka alya likolo. 3Uyu alya asimhepa uyu angalya; nuyombe angalya asimpaula uyu alya: pakuya Mulungu anjupiti. 4Wenga uyii nani wakupaula pa nyumba ya yungi? kwa bambo mundu mwene ayimika pangi agwa. Ena, kuyima yayimakike; pakuya Bambo ahotola kunjimisa. 5Mundu yumonga aliholalela ligono limonga ni kulileka lingi: yungi aholalela magono goha kuya kimonga‐monga. Mundu ayi yoha aye wangakangachila pa mwoyo wake. 6Yuaholalela ligono, aliholalela kwa Bambo: nu uyu alya, alya kwa Bambo, pakuya ansengusa Mulungu; na uyu angalya, alya lepa kwa Bambo, ni ansengusa Mulungu. 7Pakuya haka yumonga wa tenga ayilamila mwene, na haka yumonga ayifwila. 8Pakuya wona tilama, tindamila Bambo; na wona tifwa timfwila Bambo: mumu wona tilama, pangi tifwa, tiyii wake Bambo. 9Pakuya kwa ndawa iyi Kristo akafwili, ni alamiti, nausi aye Bambo wa wakufwa na wakulama. 10Koma wenga, ndawa kiki umpaule ndongowo? pangi wenga kawili, ndawa kiki umhepa ndongowo? ndawa tawoha yatiyime pa kitihu kya kupaula kya Mulungu. 11Pakukita yilembiki,
Kilamile nenga, ajowa Bambo, lifugamilo liyii lyoha yanilifugamile,
Nu lulimi luyi lwoha yalumfumbulile Mulungu.
12Mumu wiwi ayi yoha wa tenga yapeleke kawalangiko kake kwa Mulungu.
13Mumu tisipaula wayitu kitumbulile hino: koma mupaule iki mbanga, mundu asimbikila ndongo mundu kyakukuwasa, pangi kiputu. 14Nimanya, ni nikeliti pa Bambo Yesu, kukita pa waka kindu kya wafu kyene kyakape: lema kwa yula akiwalangila kya wafu, kwa yombe kiyii kya wafu. 15Pakuya wona ndawa ya kyakulya ndongowo aniongoneka, wenga nukugenda lepa kwa ndingo wa kiganano. Usinjananga ni kyakulya kyako yuyulayula pa mhalo wake Kristo akafwili. 16Mumu kinofu kyako kisijoweka kiwifu: pakuya utwa wa Mulungu nukuya kulya ni kunywa, 17koma kugoloka ni kindamba ni kuhekelela pa Roho Mbalafu. 18Pakuya yula pa iki antumakila Kristo ayii wakunganila Mulungu, ni wakuwalangikia nnofu na wandu. 19Mumu tifikise fya kindamba, ni findu pa fila yatiyigalisane finofu. 20Kwa ndawa ya kyakulya musibomola lihengo lya Mulungu. Fyoha fiyii fiwalafu; koma kiyii kiwifu kwa mundu uyu alya pa kukuwasa. 21Kiyii kinofu kuleka kulya nyama, haka kunywa mvinyo, haka kiyi kyoha pa kila ndongowo akuwasika. 22Kiyitakiso uyii nakyo, utame nakyo kwako palongolo pa Mulungu. Wakusengwa ayii yula nukwipaula pa kila akilinganisa. 23Leka yula akangachila apisika mbifu wona alili, ndawa nukuya kipitile pa kiyitakiso; ni kiyi kyoha kipitile lepa pa kiyitakiso kiyii sambi.
Currently Selected:
Roma 14: MGS1937
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1937.
