Filipi 3
3
1Pakumalakisa, walongo wangu, muhekelelaye mwa Bambo. Kuwalembela fifilafila kwa nenga nukuya kunitopalela, leka kwa mwenga kyakutamasika. 2Mulole mabwa, muwalole wakuhenga mahengo mawifu, muwalole wakwidumula: 3pakuya tenga tiyii wakusilimuka, wakugwilakimbo ni Roho wa Mulungu, ni wakwilumba pa Kristo Yesu, nukuhuwalila lepa pa nyama: 4koma nenga namwene nilinganila kuhuwalila haka pa nyama: wona mundu yungi ahola kukita ayii wakuhuwalila pa nyama, nenga nani kulutila: 5wakusilimuka pa ligono lya nane, wa nsafi wa Israel, wa ntangilo wa Benyamin, mHebrayo wa waHebrayo; kwa ndingo wa torah mFarisayo; kwa ndingo wa wifu, wakulihyunga kanisa; 6kwa ndingo wa ugolofu wa pa torah, wakukoleleka wangali kupisika mbifu. 7Koma fyoha fikayili kwangu mbendo, ifi niwalingi kuya fyakutagika ndawa ya Kristo. 8Ena chakaka, ni findu fyoha nifiwalanga fyakutagika ndawa ya ukulungu wakulutila wa kummanya Kristo Yesu Bambo wangu: kwa ndawa ya uyu nikalipisiki fyoha, 9ni nifiwalanga ngati mafi nausi nimpate Kristo, ni nikoleleke mwa yombe, nukuya kutama ni ugolofu wangu namwene, kipitile pa torah, koma wula kipitile pa kiyitakiso pa Kristo, ugolofu wula kipitile pa Mulungu pa kiyitakiso: 10kukita nimmanye yombe, ni mbafu ya kusyuka kwake, ni kuhasangana pa mahumbuso gake, pakuhwanakisa pa ntundu wa kufwa kwake; 11wona kwali yanifikile pa kusyuka kwa wakufwa. 12Si kukita nimaliti kupata, pangi nimaliti kukitika wakumalikilana: koma nihyunga, ngati kwali nikamule kila kwa ndawa yake nikakamuliki nu Kristo Yesu. 13Walongo, nikwiwalanga lepa namwene wakukamula: koma kimonga nikikita, kufiyiwa fya pa nyuma, 14ni kwitambalusa kwa fya palongolo, nihyunga kukisa kyakulasila fupo ya kakemeleko ka kunani ka Mulungu pa Kristo Yesu. 15Mumu tenga, wayi woha wakumalakilana, tiye na maholo gagalagala: na wona pa kindu kiyi kyoha muyii na maholo gangi, iki nakyo Mulungu yawafunukulile: 16leka pa iki tifikili kuku, pa iki tigendegende.
17Walongo, muye wakukisana pamonga na nenga, na muwalole wala wagendagenda umu muyii nu tenga kwa ndingo. 18Pakuya wingi wagendagenda, wala nijoweye kingi kwa mwenga, ni hino kililile masoli niwajowela, kukita wa mitumba wa msalaba wake Kristo wayii: 19pakumalakila pawe pa wombe pakutagika, wala lileme lyawe mulungu wawe, kukwisika kwawe pa lihamu lyawe, wakuholahola findu fya pa ndima. 20Pakuya likaya litu liyii kunani; kuhuma kuku tindindalila Njokosi, Bambo Yesu Kristo: 21uyu yang’anamuse matamilo ga mbili wa kuseleseka kwitu, kuyandunganika kwa ntundu wa mbili wa kukwisika kwake, kwa ndingo wa kukita pa kula ahotola haka kufiwika yoha pasi kwa yombe mwene.
Currently Selected:
Filipi 3: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
Filipi 3
3
1Pakumalakisa, walongo wangu, muhekelelaye mwa Bambo. Kuwalembela fifilafila kwa nenga nukuya kunitopalela, leka kwa mwenga kyakutamasika. 2Mulole mabwa, muwalole wakuhenga mahengo mawifu, muwalole wakwidumula: 3pakuya tenga tiyii wakusilimuka, wakugwilakimbo ni Roho wa Mulungu, ni wakwilumba pa Kristo Yesu, nukuhuwalila lepa pa nyama: 4koma nenga namwene nilinganila kuhuwalila haka pa nyama: wona mundu yungi ahola kukita ayii wakuhuwalila pa nyama, nenga nani kulutila: 5wakusilimuka pa ligono lya nane, wa nsafi wa Israel, wa ntangilo wa Benyamin, mHebrayo wa waHebrayo; kwa ndingo wa torah mFarisayo; kwa ndingo wa wifu, wakulihyunga kanisa; 6kwa ndingo wa ugolofu wa pa torah, wakukoleleka wangali kupisika mbifu. 7Koma fyoha fikayili kwangu mbendo, ifi niwalingi kuya fyakutagika ndawa ya Kristo. 8Ena chakaka, ni findu fyoha nifiwalanga fyakutagika ndawa ya ukulungu wakulutila wa kummanya Kristo Yesu Bambo wangu: kwa ndawa ya uyu nikalipisiki fyoha, 9ni nifiwalanga ngati mafi nausi nimpate Kristo, ni nikoleleke mwa yombe, nukuya kutama ni ugolofu wangu namwene, kipitile pa torah, koma wula kipitile pa kiyitakiso pa Kristo, ugolofu wula kipitile pa Mulungu pa kiyitakiso: 10kukita nimmanye yombe, ni mbafu ya kusyuka kwake, ni kuhasangana pa mahumbuso gake, pakuhwanakisa pa ntundu wa kufwa kwake; 11wona kwali yanifikile pa kusyuka kwa wakufwa. 12Si kukita nimaliti kupata, pangi nimaliti kukitika wakumalikilana: koma nihyunga, ngati kwali nikamule kila kwa ndawa yake nikakamuliki nu Kristo Yesu. 13Walongo, nikwiwalanga lepa namwene wakukamula: koma kimonga nikikita, kufiyiwa fya pa nyuma, 14ni kwitambalusa kwa fya palongolo, nihyunga kukisa kyakulasila fupo ya kakemeleko ka kunani ka Mulungu pa Kristo Yesu. 15Mumu tenga, wayi woha wakumalakilana, tiye na maholo gagalagala: na wona pa kindu kiyi kyoha muyii na maholo gangi, iki nakyo Mulungu yawafunukulile: 16leka pa iki tifikili kuku, pa iki tigendegende.
17Walongo, muye wakukisana pamonga na nenga, na muwalole wala wagendagenda umu muyii nu tenga kwa ndingo. 18Pakuya wingi wagendagenda, wala nijoweye kingi kwa mwenga, ni hino kililile masoli niwajowela, kukita wa mitumba wa msalaba wake Kristo wayii: 19pakumalakila pawe pa wombe pakutagika, wala lileme lyawe mulungu wawe, kukwisika kwawe pa lihamu lyawe, wakuholahola findu fya pa ndima. 20Pakuya likaya litu liyii kunani; kuhuma kuku tindindalila Njokosi, Bambo Yesu Kristo: 21uyu yang’anamuse matamilo ga mbili wa kuseleseka kwitu, kuyandunganika kwa ntundu wa mbili wa kukwisika kwake, kwa ndingo wa kukita pa kula ahotola haka kufiwika yoha pasi kwa yombe mwene.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.