Filipi 2
2
1Mumu wona kuyii kunyamasa kuyi kwoha mwa Kristo, wona kuyii kunyamasa kuyi kwoha kwa kiganano, wona kuyii kuhasangana kuyi kwoha pa Roho, wona gayii malukolo gayi goha na malipyana, 2mfwilanise kuhekelela kwangu, kukita muye nu mwoyo umonga, wakutama ni kiganano kimonga, wakuyufwangana, wakuya nu maholo gamonga; 3nukukita haka kandu kwa ndingo wa kutumbulana haka kwa ndingo wa kwikwisa, koma kwa mwoyo wakwiselesa, ayi yoha aholalele njini kukita nkulungu ayii kulutila mwene; 4nukuya ayi yoha wa mwenga kuholalela findu fya mwene, koma ayi yoha wa mwenga afiholalele findu fya wangi kawili. 5Muye na maholo aga mgati mwinu, gaga gayili mgati mwake Kristo Yesu: 6uyu wakuya wa pa ntundu wene wa Mulungu, akakiwalingi lepe kindu kyakukamulika kuya kimonga‐monga nu Mulungu, 7koma akikutwili ni kwitolela ntundu wa uwanda, wakukitika ni kihwanakiso kya wandu; 8ni pakawoniki pa matamilo gake ngati mundu, akiselisi, wakuyufwanila mpaka kufwa, ena, kufwa pa msalaba. 9Kwa iki Mulungu kawili akankwisiti yombe kulutila, ni akampili lihina ili lilutila lihina liyii lyoha; 10kukita pa lihina lya Yesu lifugamilo liyi lyoha lifugame, lya findu fya kunani ni findu fya pa ndima ni findu fya pasi pa ndima, 11ni kukita lumili luyi lwoha luwandise mbili kukita Yesu Kristo ayii Bambo, kwa kukwisika kwake Mulungu Dadi.
12Wiwila wakuganika wangu, umu mwayufwanili magono goha, nukuya ngati pa miho pangu wakape, koma hino kulutila kwingi pakuya nenga pangi, mukitile ngani uyokosi winu mwawene pa kuyogopa ni kudigida; 13pakuya Mulungu ayii wakukitila mgati mwinu kulonda ni kuhenga kawili, kwa kwiganisa kwake. 14Mkite findu fyoha pangali kuniongoneka ni kupindikana; 15nausi muye wangali kupisika wawifu ni wangali kukonga, wana wa Mulungu wa nyelelele pagati pa kihogosi kya kinywinda ni kya mapingili‐mapingili, pa awa muwoneka ngati mienge pa milima, kikamulile lilowe lya kulama; 16niye ni kindu kwilumba nakyo pa ligono lya Kristo, kukita nikakimbili waka lepa, haka pa kuhenga nikahengiti lepa waka lihengo. 17Ena, na wona nipungulike pa nyambiko ni kutumakila kwake kiyitakiso kinu, nihekelela ni kusangaluka pamonga na mwenga mwawoha: 18nu mumulamula mwenga namu muhekelele ni kusangaluka pamonga nu nenga.
19Leka nihuwalila mwa Bambo Yesu kuntuma Timoteo nyata kwinu, nausi nenga nani ninyamasike, pala nimanya ndumi sinu. 20Pakuya niyilepe nu mundu yungi wa mwoyo umonga ngati yombe uyu yaholehole chakaka pa matamilo ginu. 21Ndawa woha walonda fyawe wene, nukuya fyake Yesu Kristo. 22Leka mumanya kulingika kwake, kukita ngati umu mwana nu dadi mundu, wiwilawila akatumakili pamonga nu nenga pa kugendesa evangel palongolo. 23Mumu uyu yuyu nihuwalila kuntuma hino apa, nikalole ifi fyakunitowa: 24leka nihuwalila pa Bambo kukita yaniyiche nenga namwene nyata. 25Leka nikaholakisi kukita mbanga nintume kwinu Epaphrodito, ndongo wangu nu wakukita lihengo pamonga nu nenga nu msikari njangu, ni ntenga winu ni wakutumakila pa ifi finisowa; 26ndawa akawalalukili mwawoha, ni akatengwiki mwoyo, pa iki kukita mwayufwini kukita alwalaga: 27pakukita kulwala alwalaga papipi nu kufwa: koma Mulungu akampwelakili lipyana; leka nukuya pa yombe wakape, koma pa nenga nani, nausi nisipata kuniongoneka panani pa kuniongoneka. 28Mumu kuyumbatika kulutila nintumiti, kukita, apa mumbona pakawili, muhekelele, nu nenga nani niye wangali kuniongoneka nyahope. 29Mumu munkemelese mwa Bambo pa kuhekelela kwoha; nu mutame na wa ntundu uwu ni liginiko: 30pakukita kwa ndawa ya lihengo lya Kristo, akakuwandamili kufwa, kutaga wumi wake, nausi afwilanise fyakulemuka finu pa kutumakila kwa nenga.
Currently Selected:
Filipi 2: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
Filipi 2
2
1Mumu wona kuyii kunyamasa kuyi kwoha mwa Kristo, wona kuyii kunyamasa kuyi kwoha kwa kiganano, wona kuyii kuhasangana kuyi kwoha pa Roho, wona gayii malukolo gayi goha na malipyana, 2mfwilanise kuhekelela kwangu, kukita muye nu mwoyo umonga, wakutama ni kiganano kimonga, wakuyufwangana, wakuya nu maholo gamonga; 3nukukita haka kandu kwa ndingo wa kutumbulana haka kwa ndingo wa kwikwisa, koma kwa mwoyo wakwiselesa, ayi yoha aholalele njini kukita nkulungu ayii kulutila mwene; 4nukuya ayi yoha wa mwenga kuholalela findu fya mwene, koma ayi yoha wa mwenga afiholalele findu fya wangi kawili. 5Muye na maholo aga mgati mwinu, gaga gayili mgati mwake Kristo Yesu: 6uyu wakuya wa pa ntundu wene wa Mulungu, akakiwalingi lepe kindu kyakukamulika kuya kimonga‐monga nu Mulungu, 7koma akikutwili ni kwitolela ntundu wa uwanda, wakukitika ni kihwanakiso kya wandu; 8ni pakawoniki pa matamilo gake ngati mundu, akiselisi, wakuyufwanila mpaka kufwa, ena, kufwa pa msalaba. 9Kwa iki Mulungu kawili akankwisiti yombe kulutila, ni akampili lihina ili lilutila lihina liyii lyoha; 10kukita pa lihina lya Yesu lifugamilo liyi lyoha lifugame, lya findu fya kunani ni findu fya pa ndima ni findu fya pasi pa ndima, 11ni kukita lumili luyi lwoha luwandise mbili kukita Yesu Kristo ayii Bambo, kwa kukwisika kwake Mulungu Dadi.
12Wiwila wakuganika wangu, umu mwayufwanili magono goha, nukuya ngati pa miho pangu wakape, koma hino kulutila kwingi pakuya nenga pangi, mukitile ngani uyokosi winu mwawene pa kuyogopa ni kudigida; 13pakuya Mulungu ayii wakukitila mgati mwinu kulonda ni kuhenga kawili, kwa kwiganisa kwake. 14Mkite findu fyoha pangali kuniongoneka ni kupindikana; 15nausi muye wangali kupisika wawifu ni wangali kukonga, wana wa Mulungu wa nyelelele pagati pa kihogosi kya kinywinda ni kya mapingili‐mapingili, pa awa muwoneka ngati mienge pa milima, kikamulile lilowe lya kulama; 16niye ni kindu kwilumba nakyo pa ligono lya Kristo, kukita nikakimbili waka lepa, haka pa kuhenga nikahengiti lepa waka lihengo. 17Ena, na wona nipungulike pa nyambiko ni kutumakila kwake kiyitakiso kinu, nihekelela ni kusangaluka pamonga na mwenga mwawoha: 18nu mumulamula mwenga namu muhekelele ni kusangaluka pamonga nu nenga.
19Leka nihuwalila mwa Bambo Yesu kuntuma Timoteo nyata kwinu, nausi nenga nani ninyamasike, pala nimanya ndumi sinu. 20Pakuya niyilepe nu mundu yungi wa mwoyo umonga ngati yombe uyu yaholehole chakaka pa matamilo ginu. 21Ndawa woha walonda fyawe wene, nukuya fyake Yesu Kristo. 22Leka mumanya kulingika kwake, kukita ngati umu mwana nu dadi mundu, wiwilawila akatumakili pamonga nu nenga pa kugendesa evangel palongolo. 23Mumu uyu yuyu nihuwalila kuntuma hino apa, nikalole ifi fyakunitowa: 24leka nihuwalila pa Bambo kukita yaniyiche nenga namwene nyata. 25Leka nikaholakisi kukita mbanga nintume kwinu Epaphrodito, ndongo wangu nu wakukita lihengo pamonga nu nenga nu msikari njangu, ni ntenga winu ni wakutumakila pa ifi finisowa; 26ndawa akawalalukili mwawoha, ni akatengwiki mwoyo, pa iki kukita mwayufwini kukita alwalaga: 27pakukita kulwala alwalaga papipi nu kufwa: koma Mulungu akampwelakili lipyana; leka nukuya pa yombe wakape, koma pa nenga nani, nausi nisipata kuniongoneka panani pa kuniongoneka. 28Mumu kuyumbatika kulutila nintumiti, kukita, apa mumbona pakawili, muhekelele, nu nenga nani niye wangali kuniongoneka nyahope. 29Mumu munkemelese mwa Bambo pa kuhekelela kwoha; nu mutame na wa ntundu uwu ni liginiko: 30pakukita kwa ndawa ya lihengo lya Kristo, akakuwandamili kufwa, kutaga wumi wake, nausi afwilanise fyakulemuka finu pa kutumakila kwa nenga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.