Efeso 6
6
1Wana, muwayufwanile wakuwahogola winu mwa Bambo: pakuya iki kiyii kyakugoloka. 2Uwaginike dadiyu nu nyoko (ulu luwimbi lwakutumbula lwene kilago), 3nausi kuye kwako wicho, nu uye magono ga mahele bahalapala pa ndima. 4Nu mwenga wakadadi, musiwadadisa wana winu: koma muwalele pa kuyambulisa ni pa kukila kwake Bambo.
5Wawanda muwayufwane wabambo winu kwa ndingo wa nyama, kuwayufwana pa kuyogopa nu kudigida, pakulasa kumonga pa mwoyo winu, ngati kwa Kristo; 6nukuya pa uwanda wa miho, ngati kuwaganisa wandu; koma ngati wawanda wa Kristo, wakukita kilondo kyake Mulungu kipitile pa wumi; 7kuhenga lihengo nu mwoyo unofu, ngati kwa Bambo, nukuya kwa wandu: 8pakumanya kukita kiyi kyoha kinofu kila mundu akikita, kikilakila yakiyupe kawili kuhuma pa Bambo, pangi ayii mbanda pangi nkamba. 9Nu mwenga wabambo, muwakitile wiwilawila, ni mukotoke kuwayogofya: pakumanya kukita Bambo wa wombe nu wa mwenga ayii kunani, ni kukita pa yombe pangali kuhagula fyene fya wandu.
10Pa ifi fisigala, muye ni mbafu mwa Bambo, ni pa kukangamala pa makakala gake. 11Mwifwatike fya ngondo fya mfilimila fya Mulungu, nausi muhotole kuyima kupindika uchenjefu wa diabolo. 12Pakuya kupikana kwitu nakuya nu mwasi nu nyama, koma ni mautwa, ni machengo, ni wakulungu wa lwisi ulu lwa ndima, ni kupindikana na fya roho fya usokosi pandu pa kunani. 13Kwa iki mutuwule fya ngondo fyoha fya Mulungu, nausi muhotole kuyima kipindakile pa ligono lya usokosi, na pala mumaliti fyoha, kuyima. 14Mumu muyime, mwikunge mu kiwuno mwinu na fya chakaka, 15mwifwatakise kya kukungila kya ugolofu, mwikungile njayo ni kuwikila kwake evangel ya kindamba; 16kutola kwitolele kikopa kya kiyitakiso iki nakyo yamuhotole kusimisa uchohi woha wa mwoto wa nsokosi yula. 17Nu mwiyupalile kofiya ka kyuma ka uyokosi, nu upanga wa Roho, lili lilowe lya Mulungu: 18kwa sala yoha ni kuluwa kwoha kikitile sala pa Roho, pamonga mu kutama miho mumu, ni kuyumalakila kwoha na maluwo pa mihalo ya wawalafu woha, 19ni pa mihalo ya nenga, nausi lilowe lipelekeke kwa nenga pa kudindula pa ndomo, kumanyisa pa kusindimala kya kuhyetu kyake evangel, 20pa yila niyii ntenga mu migoyi; nausi pa ili niye wakujowa pa kusindimala umu nilinganila kujowa.
21Koma nausi mwenga namu mumanye ndumi syangu, umu niyili, Tukiko, ndongo wakuganika nu wakutumakila wakukeleka mwa Bambo, yawamanyise mwenga malowe goha: 22uyu nintuma kwinu kwa ndawa iyi, kukita mupate kumanya matamilo gitu, ni kukita ayinyanyamase mioyo yinu.
23Kindamba kwa walongo, ni kugana pamonga ni kiyitakiso, kuhuma pa Mulungu Dadi nu Bambo Yesu Kristo. 24Neema yiye pamonga na woha awa wangana Bambo witu Yesu Kristo pa ugololu.
Currently Selected:
Efeso 6: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
