Efeso 1
1
1Paolo, apostolo wa Yesu Kristo pa kilondo kyake Mulungu, kwa wawalafu wa pa Efeso, na wakukeleka mwa Kristo Yesu: 2Neema kwinu ni kindamba kuhuma pa Mulungu Dadi witu nu Bambo Yesu Kristo.
3Wakupelewa kihomo Mulungu nu Dadi wa Bambo witu Yesu Kristo, uyu atipili kihomo kiyi kyoha mwa roho pandu pa kunani mwa Kristo: 4ngati umu akatihagwili mwa yombe palongolo pa kuwikika ndima, tiye wawalafu ni wa nyelelele palongolo pake pa kugana: 5akatipatulini palongolo kwa utamo wa wana mwa Yesu Kristo kwa yombe mwene, 6kwa ndingo wa kulinganisa kilondo kyake, kwa malumbo ga kukwisika kwa neema yake, yila akatipungulili mwa Wakuganika yula: 7pa uyu titama ni kukombola pa mwasi wake, kulekeleseka kwa mahoko gitu, kwa ndingo wa ukafi wa neema yake, 8yila akayiyolokisi pa tenga pa luhala lwoha ni malango, 9apa akatimanyisi kya kuhyetu kya kilondo kyake, kwa ndingo wa kwiganisa kunofu akakuwikiti mwa yombe, 10kwa matendekeseko ga kifwilanilo kya ngumbi, kukokanisa pamonga fyoha mwa Kristo, ifi fya kunani, ni ifi fya pa ndima: 11pa yombe, mwa uyu tipatili lipwela kawili, apa tikapatuliki palongolo kwa ndingo wa kilondo kya uyu ahenga fyoha kwa ndingo wa malango ga kilondo kyake; 12nausi tiye kwa malumbo ga kukwisika kwake, tenga tihuwalili palongolo mwa Kristo: mwa uyu mwenga namu, 13apa mukaliyufwini lilowe lya chakaka, evangel ya uyokosi winu, — mwa uyu, apa mukakeliti, 14mukakomaliki nu Roho Mbalafu wa kilago, uyu ayii kiloseko kya lipwela litu, mpaka pa kukombola lipwela litu lya kugohela tawete, kwa malumbo ga kukwisika kwake.
15Kwa ndawa iyi nenga nani, apa nikayufwini kiyitakiso kinu mwa Bambo Yesu, kiyingalile pa wawalafu woha, nukupumulila kusengusa ndawa ya mwenga, 16kuluwula mahina ginu pa sala syangu; 17kukita Mulungu wa Bambo witu Yesu Kristo, Dadi wa kukwisika, awapele roho ya luhala na mafunukuliko pa kummanyisa yombe; 18miho ga mwoyo winu gamulikike, nausi mumanye kiki kiyii kihuwalilo kya kakemeleko kake, kiki kiyii kutopela kwa kukwisika kwa lipwela lyake pa wawalafu, 19na kiki kiyii ukulungu wakulutila wa mbafu yake kwa tenga wakukela, kwa ndingo wa kuhenga kwa kukangamala kwa makakala gake, kula akahengiti mwa Kristo, 20apa akansyusiti pa wakufwa, ni akantamisi pasi pa kiwoko kyake kya ndilo pandu pa kunani, panani pa mautwa goha, 21ni chengo, ni mbafu, ni usultani, ni lihina liyi lyoha lya kuluwulika, nukuya lyakape pa miaka iyi, koma pa yila yiyii mukuyicha panyuma: 22ni akafiwikiti fyoha pasi pa njayo syake, ni akampili kuya mutu wa fyoha pa kanisa, 23lili liyii mbili wake, kifwilanilo kya uyu wakutwilisa fyoha pa fyoha.
Currently Selected:
Efeso 1: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
