II Petro 2
2
1Koma wakayimiti wakulweta wa mageya pa nsafi, ngati umu pagati pa mwenga kawili yawaye wakuyigalisa wa mageya, wala yawayingise pa kugwala malowe wakwihagulila waka, gakutagika, kunkana Bambo uyu akawahemili, ni kwitolela kutagika kwangasyela. 2Na wingi yawakitile ngani fiwifu fyawe; kwa ndawa ya wala ndila ya fya chakaka yayijoweke kuwipa. 3Ni pa ung’eng’ena yawawatase ni malowe ga kukonga waka: kwa wala lipaulo kitumbulile mwandi lisyela lepa, ni kutagika kwawe kugochela lepa. 4Pakuya wona Mulungu akawapwelakili malaika lipyana lepa pala wakakiti sambi, koma akawalekili pa kuwipa ni kuwafumbukisa pa mawumba ga lwisi bii, nausi wagoheke mpaka pa kupaula; 5ni akapwelakili ndima wa mwandi lipyana lepa, koma akamgohiti Nuah pamonga na wahano na wadatu wangi, wakuwandisa fya ugolofu, pakatolili ndima wangali kungwilakimbo Mulungu machi ga kukuka; 6ni pakagakiti makaya ga Sodom ni Gomorrah lifu, akagapawili gang’anamulike, pa kugawika ndingo kwa wala wangali kungwilakimbo Mulungu; 7ni akanjokwili Lut ngolofu, wakutondaseka mwoyo nyamhope na matamilo mawifu ga wakuwipa wala 8(pakuya ngolofu yula pa kukunga pagati pawe, pa kuwona ni pa kuyufwana, akayili mu kung’ahisa wumi wake wakugoloka ligono ni ligono kwa makitiko gawe gangali torah): 9Bambo amanya kuwafuwula wakungwilakimbo Mulungu pa mageseko, ni kuwagoha wawifu pa mayambuliso mpaka pa ligono lya kupaula; 10koma muni‐muni wakugenda‐genda kwa ndingo wa nyama pa kufinyonyela fya nyela, ni kuwahepa wabambo. Wasindimafu, wa kinywinda, nukudigida lepa kujowa fya kukwisika blasfemia: 11koma malaika, haka wakuya wakuluwakulu kulutila wala pa makakala nu mbafu, watola lepa kupaula kwa blasfemia kuwapindika wombe pa chengo kya Bambo. 12Koma awa, ngati fikoko fyangali malango, fihogoleka waka kwa kukamulika ni kuyanangika, pa kujowa blasfemia pa fila nukufiwalalila lepa, yawayanangike chakaka pa kuyanangika kwawe, 13wakukitika fiwifu ndawa ya fiwifu fyawe; wakuwalanga kugala musi kindu kya kwiniambisa; wayii mabala ni filema, wakugala pa fyakulya fyawe fya kuganana pa kwilisya nu mwenga; 14wakuya ni miho gakumema nu ukeme, wangali kupumulila pa sambi; kukonga mioyo yangatamasika; wakuya mu mwoyo wakusyowelela ni manyonyelo; 15wana wa kulapalakisa; kuleka ndila yinofu wakasowasiki, pa kuyikisa ndila ya Balaam, mwana wa Beor, yula akayiganiti njombe yakuwipa: 16koma akapisiki mbifu kwa kupatuka kwake mwene: punda yangajowa yijowiti ni lilowe lya mundu ni likabesiti lupengo lwa wakulweta yula. 17Awa wayii fisima fyangali machi, makungugu gafutika ni limbupulu; kwa wala kupilala kwa lwisi bii kugohiki. 18Pakuya kupisa malowe makulungu gatupa ni ga mfuki wa waka, wakonga pa manyonyelo ga nyama, pa fya kunyuluka, wala wayii papipi kukengeleka pa wala wagenda‐genda mu fya kusowa; 19kuwatolela ndumi sya ukamba, nuwombe wene wayii wawanda wa kuyanangika; pakuya kwa yula mundu ahotoliki nako, nu yuyu akitika mbanda. 20Pakuya wona wamaliti kuyokoleka pa fya kuwipila fya ndima pa kummanya Bambo ni Njokosi Yesu Kristo, wagana kawili fila ni wahotoliki, matamilo gawe gakumalakisa gapatiti kuya mawifu kulutila gakutumbula. 21Pakuya kinofu kwa wombe kukita ngawapatiti lepa kuyimanya ndila ya ugolofu, nukuya apa wakayimanyiti kung’anamuka kipitile pa luwimbi luwalafu lula lupeliwi kwawe. 22Kiwakolili wala kwa lusumu lwa chakaka, Libwa likilawukila matapisi gake, ni liguluwe lidala likaguywili pa kwigalawusa pa madakali.
Currently Selected:
II Petro 2: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
