I Thessalonike 3
3
1Kwa iki, pakuya nakuhotola kwisinga kawili, tikayiganili kulekeka munyuma pa Atene tawakape; 2ni tikantumiti Timoteo, ndongo witu ni wakutumakila wake Mulungu pa evangel ya Kristo, kuwakangamasa, ni kuwanyamasa mwenga pa kiyitakiso kinu; 3kukita mundu asiya mwoyo panani pa mahumbuso aga; pakuya mwawene mumanya kukita tiwikiki kiyingalile pa iki. 4Pakukita chakaka pala tikayili kwinu, tikawatawili palongolo kukita tiwikiki kiyingalile kuwona mahumbuso; umu kukakitiki, ni mumanya. 5Kwa ndawa iyi nenga nani, pakuya nakuhotola kwisinga kawili, natumiti nausi nimanye kiyitakiso kinu, pembee kwali wakugesa yula awagesiti, ni mahengo gitu gaye ga waka. 6Leka apa Timoteo akachiti hino apa kwa tenga kuhuma pa mwenga, ni akatipindili utenga unofu wa kiyitakiso kinu ni kiganano, ni kukita mutikumbukila munofu magono goha, kinogalile kutiwona tenga, umu tenga nati kuwawona mwenga; 7kwa ndawa iyi, walongo, tikanyamasiki panani pa mwenga pa mafinyikiso ni mahumbuso gitu goha kuluta pa kiyitakiso kinu: 8pakukita hino tilama, wona muyima ngani mwa Bambo. 9Pakuya kusengusa kuliku tihotola kundipalila Mulungu kawili ndawa ya mwenga, pa kiheko kiyi kyoha kila tihekelela nakyo ndawa ya mwenga palongolo pa Mulungu witu; 10kilo ni musi kuluwa kiluwile nausi tiwone fyene finu, ni kufitendekesa ngani fya ndemuko pa kiyitakiso kinu?
11Nu Mulungu mwene nu Dadi witu, nu Bambo witu Yesu, atigolosele ngani ndila mpaka pa mwenga: 12leka Bambo awakulise ni awayolokese pa kiganano yungi nu njini, ni kwa wandu woha, ngati umu tenga nati kwinu mwenga; 13mpaka yatamasike mioyo yinu yangali mihalo pa uwalafu palongolo pa Mulungu witu nu Dadi, pa kuwoneka kwake Bambo witu Yesu pamonga na wawalafu wake woha.
Currently Selected:
I Thessalonike 3: MGS1937
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1937.
