Late 114
114
Egypt Panin Israel-te Hotkhiatna
1Israel-te,
Egypt gam panin pusuakin,
Jakob innkuanpihte
paudang a zang mite kiang pan
a paikhiat uh ciangin#Pai 12:51.
2Judah-te, Topa’ mi siangtho suak a,
Israel-te, ama uk mi a suak hi.
3Tuipi in amaute mu-in taikhia a,
Jordan gun a nungkik hi.#Pai 14:21; Josh 3:16.
4Mual liante tuutal bangin diang uh a,
mual neute tuuno bangin a diang uh hi.
5Tuipi aw, na taikhiatna ding,
Jordan gun aw, na nungkikna ding,
6mual liante aw, tuu bangin
mual neute aw, tuuno bangin
na dianna ding uh
bang in hong nasak ahi hiam?
7-8Leitung aw, suangpi, bualtui suaksak a,
meisuang, ciktui a suaksak,
Jakob’ Pasian’ omna,
Topa’ omna-ah ling in.#Pai 17:1-7; Gam 20:2-13.
Currently Selected:
Late 114: TDB
Highlight
Copy
Compare
Share
Want to have your highlights saved across all your devices? Sign up or sign in
Tedim (Chin) Bible © Bible Society of Myanmar, 2011.
