रोमि छाप्लाङाना चिनारि
छाप्लाङाना चिनारि
ना चिट्ठि पावालङा रोमङि उलिसागा माङ्पाङ्ङिगा लाउङ्सा छेप्टुना॥ पावाल रोमङि काइले चा खाट्निगेट्निना डाना, टरो हिट्नि खाप्माउङ् हिट्नागालोक् टुप्माना हिट्नुङ् इम्टेप्मा बेला सोम्मा हिट्नागालोक् सेवा चोक्माना निङ्ग्वा चोगुएसुना॥ हिट्नुङ् हिट्नागाँ घुवार उफाडुवाक् हिट्नुङ् हिट्निलाम्मा इस्पेन देसङि नुना खाबोर पारचार चोक्माना निङ्ग्वा चोगुएसुना॥ ना चिट्ठिङि बिस्वासङाना चोलाङि चाहाब् लिगा थोक्चि बारेङि पावालङा माट्टुएसुए॥
पावालङा रोमङिगा माङ्पाङ्ङिगा याप्मिचि लाउङ्सा बाबा चा लोडुचिचि, हिट्नुङ् हिट्नागा लाउङ्सा माङ्हाङ्ङि बिन्टि चोगुबिडुचिगा रिङ् चा छेप्टुएसुए॥ हिट्नुङ् पावालङा ना चिट्ठि बारेङि माट्टुटु: नुना खाबोरङा माङ्हाङ्ङा ओटोकानाङि आनि खोड्डेउङ् माहामाना आचोगेना नुङ् आनिमेट्युक्, हिट्नुङ् ना रिङ् बिस्वासलाम्मा उटुम् लियुङ् बिस्वासलाम्मा डोक् पुरो लियुक् (१:१७)॥ माङ्हाङ् ओनाजारङि याप्मिचि याहुदि उलि चा, पानिछोङ्बा उलि चा धारमोति लिमा कोन्युक् नुङ् पावालङा माट्टुटु, पोङ्भोने सोब्बे याप्मिचिङा पाप ओचोगुएसुए, हिड्डेउङ् पापलाम्मा छेमा टोक्मा येसु बिस्वास चोक्मा डोक् कोन्युक्॥
लेम्बोक् नुङ् याङ् आध्याएङि बिस्वास काचोक्बाचिगा उन्चि चोलाङि माङ्हाङ्ङाना धारमाबिधि हिट्नुङ् सेङ्सेङ्ना हाङ्साङाना साक्तिङा खोड्डेना टोॽवा चोगुटुना हिट्ना बारेङि छेप्टेसे॥ हिट्नुङ्ना माङ्हाङ्ङा याप्मिचि लाउङ्सा चोगुना योजानाङि याहुदिचि हिट्नुङ् पानिछोङ्बाचि खोड्डेउङ् ओआप्युग्गा हिट्ना बारेङि छेप्टेसे॥ पावालङा ना चिट्ठि याहुदिचिङा येसु पोङ् इन्कार ओचोगुएना हिट्नाङाना कारानम्बाक् सोब्बे याप्मिचिङा येसु खिरिस्टङि बिस्वास ओचोगुङ् माङ्हाङ्ङाना मायादाया सोरि खाप्माना उन्ङाना योजाना ए नुङ् चा छेप्टुटु, हिट्नुङ् याहुदिचिङा सोरोक् येसु इन्कार ओचोगुन्ना नुङ् पावालङा बिस्वास चोगुटु॥ आन्तेङि पावालङा खिरिस्टियान चोलाङि ठिबाङ्ङा आरको माया चोक्सा वामा कोन्युक् नुङ् छेप्टुटु॥ माङ्हाङ्ङाना सेवा चोक्माना रिङ्, बिस्वासिङा आप्पे आनि देसङि उयुङ्गा याप्मिचि हिट्नुङ् आरु याप्मिचिलोक् चोक्मा कोन्ना जिम्मा बारेङि चा छेप्टुएसुए॥
बिसाए-सुचि
चिनारि १:१-१७
याप्मि लाउङ्सा चाहाब् लिना मुक्टि १:१८–३:२०
मुक्टि लाउङ्सा माङ्हाङ्ङाना योजाना ३:२१–४:२५
खिरिस्टङि ओछोङ्ग्वाट् चोला ५:१–८:३९
माङ्हाङ्ङाना योजानाङि याहुदिचि ९:१–११:३६
खिरिस्टियान चालान् १२:१–१५:१३
आन्ते हिट्नुङ् स्या १५:१४–१६:२७
Currently Selected:
रोमि छाप्लाङाना चिनारि: APH
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society