MUV̄ENULIO 11

Nida yahusu yamazahidi maili ya Mungu

1Tsiv̄olwa mupweke mufano wa tsimbo ya uv̄ima na uambilwa: «Hima, uv̄ime iNyumba Ndzitwaharifu ya Mungu na italatala ya masadaka, uhasiɓu na uwatru waãɓuduo moni mwayo. 2Ɓadi ishandza ya v̄ondze ya iNyumba Ndzitwaharifu|Nyumba Ndzitwaharifu, ilishe, usuiv̄ime, mana iyo ihetsiwa ya zinishani zangina. Watsotseresa ha mindru liɗago dzitwaharifu muda wa mezi aruɓaini na mili. 3Nitsov̄a yamazahidi maili yangu yajudze marongozi ya shi mutrume yashukidziwa muda wa suku alifu wa miyateni wa sitini; na wao watsopindra maguni#11:3 maguni: Upindra guni, iyo ika ãlama ya musiɓa..» 4Mazahidi maili yao ɗe yimizaituni mili na zihetsi-kombe mbili zilio mbeli za Mola wa ishiv̄andre ya tsi. 5Neka mutru asutsaha awarendreye mbovu, moro ulawa hanyoni hawo, amwesa uvudza maãduwi yawo. Ewa, neka mutru asutsaha awarendreye mbovu, ɓasi ilazimu aulawe namuna iyo. 6Wana ushindzi wa uɓala uwingu amba v̄usushuke vua hari mwa zisuku watsojudzao marongozi ya shi mutrume washukidziwayo. Amwesa wana ushindzi wa ugaudza yamaji yafanyihe damu, na uv̄ondra ishiv̄andre ya tsi ha kula namuna ya ɓa, kula wakati watsahao.

7Wakati watsomalidzao ushahidi wawo, ishinyama mbovu ilawao Uzimu itsowana na wao, itsowashindra, amwesa itsowaula. 8Na zipindra zawo zitsoɓaki hari mwa indzia ɓole ya liɗago ɓole lihiriwao ha luha ya shekedzo Suduma na Miswiri, v̄ahanu kamwe Raɓi wawo aka aremwa mizumari hari mwa muri wa pawa. 9Watru wa kula umati, kula kaɓila, kula luha, na kula nishani watsoona zipindra zawo muda wa suku traru wa nusu, wala kawatsokuɓali zipindra zawo zatrilwa kaɓurini. 10uWakazi wa ishiv̄andre ya tsi watsofurahi uhusu uangamifu wawo, watsosterehi na uv̄ana zawadi wao na wao, mana mitrume mili yiyo yakotresa uwakazi wa ishiv̄andre ya tsi.

11Ɓadi ɓaanda ya suku traru wa nusu zile, roho ya uhayati yalawa ha Mungu iwangilia, wahimi ha yimindru yawo. Ɓasi faza ɓole isiki wale wakowaona. 12Sa ile watru waili wale wakia ji lalawa pev̄oni lawaambia: «Namuheye hunu!» Ɓas, wahea pev̄oni moni na livingu, na maãduwi yawo yawaono.

13Sa iyo v̄uhidjiri mudridrimio muɓole wa ishiv̄andre ya tsi, na lifungu la kumi la liɗago liangamia. Watru alifu saɓa wafariki hari mwa umudridrimio wa ishiv̄andre ya tsi. Wao waɓaki wangia trisidzo, ɓasi wamutukuza Mungu wa pev̄oni.

14liDjondo la v̄ili liv̄iri. Tsilini lidjondo la raru lisuja tsi hale.

iMalayika ya saɓa isuvudzia liɓaragumu layo

15Ɓas, imalayika ya saɓa ivudzia liɓaragumu layo. Na v̄ale v̄ukilihana maji maɓole pev̄oni, yakorongoa:

«Utawalizi wa lidunia ufanyiha wa Mwalatru

na wa Kristi#11:15 Kristi: Yaãni, ɗe uMutsahuliwa wa Mungu, ne ɗe Insa-Kristi. wahe,

na waye atsotawala mida ha mida.»

16uWadzaɗe shirini na wanne wale waketsi mbeli za Mungu hari mwa ziri za ufalume zawo, wasudjudia ha unyamisa sura zawo v̄otsi na umuãɓudu Mungu 17ha urongoa:

«Risuhuhimidia Mwalatru Mungu Monyewe Ushindzi,

wawe ulio tsena waka,

mana urumia ushindzi muɓole waho,

tsena uhetsi utawalizi waho.

18ziNishani zingia hasera,

ɓadi hadhaɓu yaho ija.

Wakati wa uhukumu uwafu uja,

na uv̄a thawaɓu warumishi waho, yimitrume,

uwatwaharifu, v̄umoja na wao wariao#11:18 wariao: Yaãni, wastehio. lidzina laho,

uwatiti na uwaɓole, na uangamidza wao

waangamidzao ishiv̄andre ya tsi.»

19Na iNyumba Ndzitwaharifu ya Mungu ilio pev̄oni iɓulwa, na iɓweta ya umukataɓa|ɓweta ya mukataɓa wahe iv̄enuha moni na iNyumba Ndzitwaharifu yahe. Ɓasi v̄uka peni, maji, maguguma, mudridrimio wa ishiv̄andre ya tsi, na vua ɓole yafa ɓwe.

Currently Selected:

MUV̄ENULIO 11: swb

Highlight

Compare

Copy