2 YUHANI 1
1
1Wami, muɓole#1:1 muɓole: Yaãni, moja mengoni mwa madhwamana hari mwa Djama Ndziwaminifu. Namuangaliye 1Timutausu 3: 1-7. wa iDjama Ndziwaminifu, nisumuangishia Ɓweni#1:1 Ɓweni: Mama unu, ini luha irongoao iDjama Ndziwaminifu Yuhani aiangishiao ɓarua lini. mutsahuliwa, na wana wahe niwav̄endzao hari mwa ikweli. Wala tsi wami tu ɗe niwav̄endzao, ɓadi wajau piya wao wajuao ikweli 2wasuwav̄endza ha siɓaɓu ya ikweli ilio moni hatru, tsena itsokao v̄umoja na wasi ha daima: 3Neema, urehema, na amani zilawao ha Mungu amma Ɓaɓa na ha Insa-Kristi, uMwana wa Ɓaɓa, zitsoka v̄umoja na wasi hari mwa ikweli na iuv̄endza.
Ãmuri yalawa ha Ɓaɓa
4Tsifurahishiha ha kusudi, iv̄o napara ɓaãdhwi hari mwa wana waho walio amba wasuɗunga ikweli, ulawana na iãmuri raipara ha waye Ɓaɓa. 5Na av̄asav̄anu Ɓweni, nisuhumia, wala iyo tsi ãmuri pia nihuangishiao, ɓadi ɗe iyo raipara rangu mwandro, amba riv̄endzane wasi na wasi. 6Na uv̄endza ɗe ini, amba uendra ha uɗunga ziãmuri zahe. Iyo ɗe iãmuri mwaikia rangu mwandro, pare muẽshi hari mwayo.
7Kweli amba wengi wa madangamanyifu watsambadziha ulemenguni, watru kawasukuɓali amba Insa-Kristi aja ha mwili. Uwo ɗe uMudangamanyifu amma uMukanyusha-Kristi. 8Ɓasi namudzitahadharishe mwasulatse mavuna ya ihazi yatru, ɓadi mupare thawaɓu ndzikamilifu. 9Mutru yotsi andrao mbali tsena kasuɓaki hari mwa umusomo wa Kristi, kasina uv̄umoja na Mungu. Uwo aɓakio hari mwa musomo uwo, ana uv̄umoja na Ɓaɓa amma na uMwana. 10Neka mutru asumujiliani ɓila uv̄inga musomo uwo, mwasumukariɓise hanyu, tsena mwasumuɓushuriye uwema. 11Mana uwo amuɓushuriao uwema, v̄av̄o asurenga fuvu hari mwa zitrendrwa mbovu zahe.
Ha ulindrilia rionane raha
12Wala ukana amba tsina nyengi za umuangishiani, tsatsaha naifanya ha karatasi na nyongo. Ɓadi nisutumaini ujomuonani nilaguwe na wanyu maswa ha maswa, ile furaha yatru ikamilishihe.
13Wana wa mwananyaho mutrumushe#1:13 mwananyaho mutrumushe: iKauli mwananyaho mutrumushe ini isurongoa iDjama Ndziwaminifu ya v̄ahanu Yuhani aka wakati akoangiha liɓarua. mutsahuliwa wasuhusalimu.
Currently Selected:
2 YUHANI 1: swb
Highlight
Share
Compare
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
