1 YUHANI 5
5
Ushindrifu watru ha uaminifu
1Mutru yotsi aaminio amba Insa ɗe Kristi, uwo adzalishiha shi Mungu, na yotsi av̄endzao umudzazi, uv̄endza wajau ule adzalishiha shi waye. 2Namuna ini risujua amba risuv̄endza uwana wa Mungu, neka risumuv̄endza Mungu na utuĩ ãmuri zahe. 3Mana uv̄endza Mungu ɗe utuĩ ãmuri zahe. Na ãmuri zahe kazisi ndziro, 4mana kula adzalishiha shi Mungu waye ushindra lidunia. Na ushindrifu washindra lidunia, ɗe uaminifu watru. 5Mbani ɗe ashindra lidunia neka tsi ɗe uwo aaminio amba Insa ɗe uMwana wa Mungu?
Ushahidi husuana na Insa-Kristi
6Ɗe waye Insa-Kristi ɗe aja ha yamaji na idamu; tsi ha yamaji tu, ɓadi ha yamaji, tsena ha idamu; amwesa iRoho ɗe ilawao ushahidi, mana iRoho ɗe ikweli. 7Mana v̄wa traru zilawao ushahidi: 8iRoho, yamaji, na idamu. Na izo traru zisurongoa moja. 9Neka amba wasi ukuɓali ushahidi wa wanadamu, ɓasi ushahidi wa Mungu uwo uzidi, mana ushahidi wa Mungu ɗe amba asutolea ushahidi uMwana wahe. 10Mutru aaminio uMwana wa Mungu, waye ukana ushahidi uwo moni hahe. Uwo kasuamini Mungu, asumufanya munafiki, iv̄o kasuamini ushahidi Mungu autoa ju la uMwana wahe. 11Na ushahidi uwo ɗe amba Mungu ariv̄a uhayati wa daima, na uhayati uwo uka hari mwa uMwana wahe. 12Monyewe ukana uMwana, ana uhayati; uwo kasina uMwana wa Mungu, kasina uhayati.
Marongozi ya mwiso
13Tsimuangishiani zini pare mujuwe amba muna uhayati wa daima, wanyu muaminio ha lidzina la uMwana wa Mungu. 14Na yakini rilionayo na waye, ɗe amba yotsi riimiao ha mav̄endzeleo yahe, waye urivulishia. 15Na neka risujua amba asurivulishia yotsi riimiao, risujua amba rina iyo ramumiayo.
16Neka mutru asuona munyahe wa shi uaminifu afanyao dhambi kaliv̄ingi hari mwa ufa, nafanye mamilio, na v̄av̄o Mungu atsov̄a uhayati mwananya uwo. Iyo isurongoa ɗe wao wafanyao madhambi yalio amba kayav̄ingi hari mwa ufa. V̄wa dhambi liv̄ingao hari mwa ufa. Tsi ɗe lilo ɗe nirongoao amba mutru amiliye. 17Kula mbovu uka amba dhambi, ɓadi v̄wa dhambi kaliv̄ingi hari mwa ufa.
18Risujua amba mutru yotsi adzalishiha shi Mungu kaãswi, mana umudzalishiha shi Mungu ule umuhifadhwi, na uMovu|Movu kamupara. 19Risujua amba wasi wa shi Mungu, na ulemengu kamili wa hari mwa ushindzi wa uMovu. 20Risujua raha amba uMwana wa Mungu aja, tsena ariv̄a iãkili ya ujua Uwo alio wa kweli. Na wasi rina uv̄umoja na Uwo alio wa kweli, ha wasi ukana uv̄umoja na uMwana wahe Insa-Kristi. Waye ɗe uMungu wa kweli, amma uhayati mukamilifu wa daima.
21Wana wangu, namudzifahamishe na masanamwe!
Currently Selected:
1 YUHANI 5: swb
Highlight
Share
Compare
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
