HLAZY HLA 7
7
1Pheiky nâ kypa nâ tlai rimâ cha,
Hy nôpawpa sawchanô!
Na byhpizy thyu phazie cha lôsôhpazy lyu ei ta,
Zôthaipa kuzô hawh tlai ta amâ ngia.
2Na paliah cha kresawhti a chhâ beih leipa
Biebuh pahlôpa lyu ta,
Na py chhao lilipawzy ta chadôpa
Sâh pathlupa a lyu.
3Na sâhpi mianozy cha sakhih taw pô no lyu ei ta,
Sakhih taw maphieh tlai ama lyu.
4Na rao cha sianaoh o sâhpa lyu ta,
Na mokhaohzy cha Bârabi thokhy chhikao kiapâh ta a ypa,
Hesbaw liata tipozy ama lyu.
Na hnapasu chhao Dâmaskâ lâ a heihpa,
Lebanaw o sâhpa a lyu.
5Na luh cha Kâmel Tlâh lyu ta,
Na sâphiehpa cha nohsaihpa hawh a châ.
Na sâphiehpazy liata abei â ao haw.
6Hy lôhdunô, khâ a ly chi ta,
Na chhithaizie nata na rianaizie rimâ cha!
7Na pôraoh thiahrâ kô lyu ta,
Na sâhpizy thiahrâ thei sao a lyu.
8Thiahrâ kô kiah aw na ta,
A thei sao ei patu aw tah na ta.
Aw, na sâhpizy cha kre saozy lyu ei sala,
Na hu roh epuh roh lyu sala,
9Na pakah cha kresawhti pahâh chaipa hawhta châ mawh sy.
Myuh
Ei pakah kresawhti cha,
Ei lôhdupaw châta pahnia kawpa ta loh sala,
A hmaozy nata a hâhzy chô liata loh zaolao mawh sy.
10Ei lôhdupaw eih châ na ta,
A khona chhao keima châta a châ.
Myuh ta a kyhpachâna a hlâ
11Ei lôhdupaw, a vy mah y,
Râh lâ sie ei sih la,
Henâ buhzy#7.11 He liata “Henâ buhzy” he Hebrai reih liata cha “Khitawzy” tahna a châ hra. hry liata a kei rie khoh suh vy.
12Mydi ta kre sadô lâ sie ei sih la,
Kre zôhzy ama paw ama pabyuh mâh ma,
Kei moh ei sih la;
Kre paw lochopa ta,
Pawmikarânâ paw a pakai mâh ma,
Kei moh ei suh u.
Cha liata ei kyhpachâna ei cha hlâ aw.
13Hy ei lôhdupaw y,
Khoiahzy ta ropahâhpa papua ei ta,
Eima ochhizy kiah liata theilâ pahâhpa to y ta,
Theilâ thiehpa nata theilâ hlôpazy,
Nâma châta ei cha sopa thlâh ha lah y.
Currently Selected:
HLAZY HLA 7: MARVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
