HLAZY HLA 5
5
Myuhneituhpa
1Ei sadô, ei sietanô, ei myuh lâ cha a ngia na ta,
Ei deiryh nata ropahâhpa lapakhypa ta,
Ei kheihti nata ei kheihthlawh nie na ta,
Ei sâhpiti nata ei kresawhti cha ei doh.
Viasazy
Hy viasazy, niepa ta, doh u la,
Kyhpachâna paripa ta y muh vy!
Achhaihna pasazie
Myuh
2A zia taraw na ta,
Ei palôh deikua â hra thlâh haw.
Nathlie tua u!
Ei lôhdupaw ta ochhi vaw chakhyh ta,
“Hy ei sietanô, ei khochainô,
Ei vachhuh, kei châta sia pakinô,
Ochhi na vaw pahy teh.
Diati ta ei luh padâ ta,
Zâ ameih ta ei sâphiehpa a padâ khai ha hih,” tah ta.
3Ei chysia pahluh ha na ta,
Kheihta ma thlai ei tobi heih thei aw?
Ei phei a si ha na ta,
Khazia ei papua heih aw?
4Ei lôhdupaw cha opy liata a ku vaw chahraoh ta,
Ei chhôhso palôh eina hria ngaita.
5Ei lôhdupaw ochhi pahypa awpa ta thyu na ta,
Ochhi lâzy chô liata ei kuzy tawhta deiryh a thlaoh ta,
Ei kuparozy tawhta deiryh tizy â thlaoh ngâ kaw.
6Ei lôhdupaw cha ochhi pahypa na ta,
Châhrasala ei lôhdupaw cha a lie ta,
Sihnôh a kua syulyu haw.
A bie reipa ta ei palôh pakeichheih ta,
Tlua na ta, châhrasala hmô khao va na;
Aw na ta, châhrasala na chhy khao vei.
7Khihpi vaituhpazy ta khihpi ama chahlôna liata na hmô ei ta,
Na tupa ta, hmah na paphao ei ta;
Thokhy vaituhpazy ta ei khuna poh eina hlaipa ei.
8Hy Zerusale zuahzy saih u,
Bie ei cha pataihsa ei;
Ei lôhdupaw kha nama hmô khiahta cha,
Vâiana vâta na a pasa tahpa na vaw chhopa muh vy.
Viasazy
9Hy chanôzy hry liata chhithai chainô y,
Khâpa liata ma na lôhdupaw cha mohropazy hlâta a pha via tly?
Khâpa liata ma na lôhdupaw cha mohropazy hlâta pha via ta,
Cha hawhta bie miah na pataihsa tly?
Myuh ta a khopaw a reithai
Myuh
10Ei lôhdupaw cha a mo ngyuh ta,
A sapati chhao pha kaw ta;
Thy kha hry liata â lâ patlua.
11A luh cha ngôh sua chaipa châ ta,
A sâphiehpazy a pako ta,
Raawh vyhpa hawhta a vyh pathlie.
12A mokhaohzy cha vahtie kao liata vachhuhzy lyu ta,
Sâhpiti ta a ngai a si ta,
Tipo kiah liata â choh thlâh hapa vachhuhzy a lyu.
13A ôkhaihzy cha ropahâhpa rakhôzy lyu ta,
Sibie roh thlôhpa tlâh byuhpazy a lyu.
A hmaozy cha lilipawzy lyu ei ta,
Deiryh ti a thlaoh ngâpa hmaozy a châ.
14A kuzy cha ngôh chôchahreizy lyu ei ta,
Beri lôsôhpa pataohpa ngôh chôchareizy tlai ama lyu.
A pôhpa cha sianaoh patliepa lyu ta,
Saphai lôsôhpazy ta tobipa sianaoh tlai a lyu.
15A pheizy cha alabastâ otôhzy lyu ei ta,
Ngôh ta taopa patyuna chô liata paduapa,
Alabastâ otôhzy tlai ama lyu.
A pizie cha Lebanaw lyu ta,
Sidy tho pha chaipa a lyu.
16Ano cha a reikah a thlôh chaipa châ ta,
Kho a pao chaipa a châ.
Hy Zerusale zuahzy saih u,
Ei lôhdupaw cha ano cha châ ta,
Ei viasapa cha ano cha na a châ.
Currently Selected:
HLAZY HLA 5: MARVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
