RAWMA 12
12
Atheihna hrohpa
1Chavâta unawh saih u, Khazohpa ngiachhiena vâta, atheihna hrohpa nata pathaihpa nata a pyh tlâh châ awpa ta, nama pôhpa cha Khazohpa lâ hlâ awpa ta ei châ haw ei. Cha cha thlahpa ta Khazohpa namâ chhynazie awpa a châ. 2He khizaw ryhpa hawhna heta y leipa u la, nama palôh pathiehpa ta tlao anano lymâ teh u. Chatanachata Khazohpa khopa cha khâpa ma a châ tahpa pahno thei aw ei chi ta, hmo phapa a pyh tlâhpa nata phapakipa cha nama pahno thei aw.
Ngiachhiena hmosaipiepa
3Nama hry liata chyhsa ahy hmahta a châna dopa hlâta a sâh viapa ta a pachâ leipa sala, Khazohpa ta chyhsa to hnohta ngiapâna a piepa rakhapa lymâ hawhta, a châna dopa a pahno thai awpa ta, Khazohpa ta ngiachhiena eina piepa zawhzi ta ei cha chho ei. 4#1 Kaw 12.12Pôhpa miakha liata pachiahpa hluhpi hnei pi ta, pachiahpa zydua hmotaopa deikua a lyu vei. 5Cha hawhna chata keimo chhao, a hluhpi châ hra sih la, Krista liata pôhpa miakha châ pi ta, eima zydua ta a zao khaipa eima châ. 6#1 Kaw 12.4-11Ngiachhiena piepa eima châpa lymâ hawhta, hmopiepa nanopa eima hnei chyu. Hrohsona bie rei awpa a châ khiahta cha, eimâ ngiapâna rakha lymâ hawhta reih sih la, 7chakao awpa a châ khiahta cha chakao sih la, pachutuhpa ta pachu sala, 8pasyutuhpa ta pasyuna bie reih sala, hmopietuhpa ta riapha ngaitapa ta pie sala, ryureituhpa ta tiamapa ta ryureih sala, ngiachhiena rai hriatuhpa ta a ly ngaitapa ta hria mawh sy.
Krizyhpa dopa ngiana
9Kyhpachâna cha haiphiana a hlao leipa châ mawh sy. Moleina a hao u la, hmo phapa khâchâ patu muh vy. 10Unawh kyhpachâna ta kyh a pachâ raihrie u la, a palyupalih raihrie muh vy. 11Phahnai angiahna kyh liata daopathla leipa u la, palôh thathyu ngaitapa ta Abeipa chakao muh vy. 12Hnabeiseihna liata a ly u la, rietheitaona liata tiama u la, thlahchhâ lylia muh vy. 13Mopathaihpa#12.13 He liata “Mopathaihpa” he Krizyhpazy reina a châ. a phahlapazy deichhy u la, khichhai pasô muh vy.
14 #
Mat 5.44; Lka 6.28 Châ taolatuhpazy byhnâ awpa u la, chhiesapa leipa ta, byhnâ awpa teh u. 15Alypazy a lykhei u la, achapazy chakhei teh u. 16#Bies 3.7A dyh raihrie u la, a pasâhsa leipa ta, chyhsa nawhpazy a kao u la, apasosa khuh vy. 17Ahy moleina rai moleina ta viarithô leipa u la, chyhsa zydua mohmô ta hmo dopa tao awpa ta pachâna tlao hmâh tyh muh vy. 18Tao theipa a châ khiahta la, nâmo lâ tawh chhâ ta chyhsa zydua nata a ryhpa ta y teh u. 19#Ryhpa 32.35Kho ngaitapa saih u, nama phuh a la leipa u la, Khazohpa pathiiana tlei hri teh u. “Phuh cha keima la awpa châ ta, kei ta viari ei thô aw, Abeipa ta a tah,” tahpa ta ropa a châ. 20#Bies 25.21,22Chavâta, “Na chariahpa a nodi khiahta cha, nie awpa pie la, a dâhphi khiahta cha, do awpa pie mah y. Cha hawhta na tao khiahta cha, a luh chô liata meiia beih na khaihpa a châ aw.”#12.20 Kha daihti liata, a eih pachaipa ta Izi râh liata, chyhsa moleipazy cha ama nopazasa ta ama ro nawpa ta, ama luh chô liata meiia beih khaih ei ta, lâpi ama pachhihsa tyh (Bies 25.21,22). 21Moleina a patiahsa leipa la, phana ta moleina cha tlao tiah mah y.
Currently Selected:
RAWMA 12: MARVBSI
Highlight
Share
Compare
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
