RAWMA 11
11
Izarei laibâhpa
1 #
Phil 3.5
Cha khiahta la, hiahrina ei tao. Khazohpa ta ano phopi cha a thy aw ma? Thy bao va! Kei chhao he Izarei chyhsa, Abarahâ pathla, Benzami chi ei châ. 2Khazohpa ta a pahno hapa a phopi cha thy aw vei. Biehrai ta Elaizâh kyh a reipa kha pahno veih ei chi ma? Elaizâh ta Izarei kyh Khazohpa lâ tlôkhei ta, 3#1 Abei 19.10,14“Abeipa, na hrohsopazy thie ei ta, na maisâhzy pacho ei ta, kei deita y na ta, kei chhao thie einâ chhuah ei,” tah ta. 4#1 Abei 19.18Khazohpa ta kheihta â chhy? “Bâlâ hmiakô liata pakhu paneih beih leipa chyhsa sâh sari kei châta ei pahlôh thlâh haw,” tahpa ta â chhy. 5Cha hawhna chata, tahmâ chhao laibâhpazy ama y. Âmo cha ngiachhiena ta â tlyhpazy ama châ. 6Ngiachhiena vâta a châ khiahta cha, hmotaopa vâta châ khao vei. Cha hawhta a châ vei khiahta cha, ngiachhiena cha ngiachhiena châ khao aw vei. 7Cha khiahta la, kheihta a châ aw? Izarei ta a tluapa cha hmô leipa ta, atlyhpazy ta hmô ei ta, ahropazy cha kuhchhâpa ta ama y,
8 #
Ryhpa 29.4; Isai 29.10 “Khazohpa ta âmo cha,
Tanoh taihta hruna thlahpa pie ta,
A hmô thei leipa mo piepa ta,
A thei thei leipa nah a pie ei,”
tahpa ropa hawhna khata.
9 #
Hla 69.22,23 Dâvi chhao ta,
“Ama tlâhkhai cha,
Ama châta khoheih nata aphyh châ sala,
Achapiana nata viarithôna châ mawh sy.
10Ama hmô thei lei nawpa ta,
Ama mozy zoh sala,
Ama zôh chhâzaw ta a ko mawh sy,”
tahpa ta a vaw reih ha hra.
Zenitaizy pachhana
11Cha khiahta la, amâ chapiana cha ama pao pathlah nawpa a châ ma? Châ bao va! Izarei hia patliasa awpa ta, amâ chapiana vâta Zenitaizy lâ pachhana a vaw tlôpa a châ. 12Ama paona hmahta khizaw hneirôna châ sala, ama leina Zenitaizy hneirôna a châ khiahta cha, ama pakina chhochhi cha hneirôna a châ pachai aw dia!
13Tahmâ nâmo, Zenitaizy hnohta ei reih. Zenitaizy lyuhchâpa ei châpa he, rônah ei tah ngaita. 14Chatanachata ei chiheih Zu chyhsazy hia patliasapa ta, khazie chhâ ma pachha thei aw veih ei na ma ei tah. 15Âmo dythana hmahta khizaw aryhna a châ khiahta cha, âmo apyhna chhochhi cha, thina tawhta hrona leipa ta cha, khâpa a châ aw? 16Thei hmiatuapa châta viahchhâ eichheihpa hlâpa a pathaih khiahta cha, viahchhâ tlâ pôhpalôhpa a pathaih. A thari a pathaih khiahta cha, a chiahzy a pathaih.
17Châhrasala a chiah thokhazy cha thliepa châ ta, nâ, râh liata ôli tho tlai chi cha, ôli tho phapazy liata pazaopa ta, ôli tho phapa thari nâ hly khiahta cha, 18a chiahzy chô liata a palai khah y. Nâ vaw palai thlu ha khiah ei ta cha, he he a thei mah y. Thari cha nâ ta chyh leipa chi ta, thari ta nâma tlao a cha chyh. 19“Pazaopa ta ei y thei nawpa ta vei ma, a chiahzy cha thliepa a châ vei,” na tah thei. 20Â do. Âmo cha ngiapâleina vâta thliepa châ ei ta, nâ deikua cha ngiapâna vâta a duahpa na châ. Chavâta a palai leipa la, tlao chi mah y. 21Pikheipa chiahzy hmahta Khazohpa ta a pahlôh vei khiahta cha, nâ, pazaopa chiah chhochhi cha, cha pahlôh tiarâh aw vei.
22Chavâta Khazohpa phazie nata chichhihzie he pachâ mah y. A paopazy châta chichhihpa châ ta, nâma châta deikua cha, a phana liata na y thlâh ha khiahta cha, Khazoh phapa a châ. Chataleipatala nâ chhao chhawh pathlahpa na châ aw. 23Âmo chhao cha ngiapâleipa ta ama y ngâ thlâh vei khiahta cha, pazaopa ta ama y aw. Khazohpa cha âmo pazao heih theina hmotaotheina a hneipa a châ. 24Nâ, râh liata ôli kô tawhta chhawhpa hmahta, pikhei siezie tyhpa chakhiapa ta, sadô liata lopa ôli tho liata pazaopa na châ thei khiahta cha, pikheipa ta ôli chiah a châpazy chhochhi cha, âmo ôli tho liata pazao via pachaipa ama châ aw.
Izarei pachhana bienyupa
25Unawh saih u, he bienyupa he nama pahno lei awpa khoh va na. Chataleipatala namâ palai pathlei aw na. Zenitaizy pakina a vaw tlô hlâta, Izarei chô liata kuhchhana a rakhapa ta a vaw tlô chypa a châ. 26#Isai 59.20,21Izarei zydua pachhapa ama châ aw,
“Zaio tawhta pachhatuhpa vaw pua aw ta,
Zakaw tawhta moleina a pahlei aw.
27 #
Isai 27.9
Ama moleinazy ei pahlei khai tita,
Cha cha ama hnohta ei biehrai awpa a châ,”
tahpa ropa hawhta.
28Thâtihpha kyh liata la, nâmo vâta khakhaipa châ ei ta, atlyhna kyh liata deikua cha, pathlatuhpazy vâta kyhpachâpazy ama châ. 29Khazohpa hmosaipiepazy nata a awna cha panano heih theipa châ vei. 30Eikhano ta cha Khazohpa rei a ngiah leipa châ ei chi ta, tahmâ deikua cha, âmo reingiah leina zawhzi ta ngiachhiena nama to haw. 31Cha hawhna chata, âmo chhao tahmâ reingiah leipa ta y chy hra ei sala, nâmo chô liata ngiachhiena palâsapa vâna heta, âmo chhao ngiachhiena ama to thei hra aw. 32A ngiachhie khai thei nawpa ei ta, Khazohpa ta chyhsa zydua reingiah leina liata a khô khai ha ei.
Byhnâ awna
33 #
Isai 55.8
Hy â thu kaw dia,
Khazohpa hneirôna,
Sona nata pahnona zy cha!
A ryureinazy pahno thei awpa châ leipa ta,
A lâpizy chathô thei awpa châ vei.
34 #
Isai 40.13
Abeipa palôh ahy a pahno?
Ahy ma ano ryhraotuhpa ta a y?
35 #
Zbâ 41.11
Thô awpa hnabeiseihpa ta,
Ahy ma Khazohpa lâ hmo a pie?
36 #
1 Kaw 8.6
Ano tawhta,
Ano vâta,
Ano châta,
Hmo to a ypa a châ.
A hnohta chhâzaw ta rônahna y mawh sy!
Amen.
Currently Selected:
RAWMA 11: MARVBSI
Highlight
Share
Compare
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
