HLAZY 146
146
Lei beizy liata a pahnieh lei awpa
1 Abeipa cha reithai teh u!
Hy ei thlahpa, Abeipa cha reithai mah y!
2Ei hro chhôh zydua ta Abeipa cha reithai aw na ta,
Husona ei hnei chhôh ta,
Ei Khazohpa reithaina hla ei sa aw.
3Abeizy a ngâchhâ leipa la,
Chyhsa sawzy chhao a ngâchhâ khah y,
Ano liata pachhana y vei.
4A hu ta a puasai tita,
Chhaohlei lâ kua heih ta;
Cha noh lia tlai chata â chhuahnazy a lei pâ haw.
5Zakaw Khazohpa cha baotuhpa ta hnei ta,
Abeipa a Khazohpa liata hnabeiseihna a hneipa cha,
A hu â hieh na!
6 #
Hmt 4.24; 14.15 Abeipa cha avâ nata alei taotuhpa châ ta,
Tilaipi nata a chhôh liata a ypa zydua a taotuhpa chhao châ ta,
Tlyzaw ta biehmeiseihpa a vao thlâhpa a châ.
7Tlybaipazy châta adona a duakheituhpa châ ta,
Nodipazy nie awpa a pietuhpa a châ.
Abeipa cha atâhpazy papua ta,
8Mochaopazy mo a pavâsa.
Abeipa cha a bôhpazy pathyu ta,
Abeipa cha mosiapazy kyh a pachâ.
9 Abeipa cha mapaihpazy vaih ta,
Nôhmei nata paw hnei leipazy a deichhy tyh;
Hmoparaopazy hro deikua cha,
Âbôkalie lâta a paysa tyh.
10 Abeipa cha tlyzaw ta ryureih aw ta,
Hy Zaio, na Khazohpa cha chhâ zydua ta ryu a reih aw.
Abeipa cha reithai teh u!
Currently Selected:
HLAZY 146: MARVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
