BIESOZY 15
15
1Achhyna naipa ta pathiiana padia ta,
Reih chahrâhpa deikua ta hiehâhna a pathyu tyh.
2Asopa paleih ta pahnona papua ta,
Ahrupa pakah deikua cha bie hrupa a reih tyh.
3 Abeipa mo cha su to liata y ta,
Hmo chhiepa nata hmo phapa zy a sai thlâh ha tyh.
4Paleih naipa cha hrona tho châ ta,
Paleih haiphiahpa deikua cha palôh a pakeichheih tyh.
5Ahrupa cha a paw pachuna mohnao ta,
Asopa deikua cha a paw rana a uasa tyh.
6Mosiapa o liata cha sôh hluhpi y ta,
Moleipa sôh hmôpa deikua cha tymâna a tlôkhei tyh.
7Asopazy hmao cha pahnona hiepatla ta,
Ahrupazy palôh deikua cha cha hawhta châ vei.
8Moleipa atheihna hlâpa cha Abeipa châta pasichhihpa châ ta,
Chyhsa dopa thlahchhâna deikua cha Abeipa ta â ly.
9Moleipa lâpi cha Abeipa châta pasichhihpa châ ta,
Siana lâpi a chhituhpa deikua cha Abeipa ta kyh a pachâ.
10Lâpi a heihsaituhpa châta chhoreina ru ngaitapa y ta,
Rana a haotuhpa chhao a thi aw.
11Athihkhih nata Chhokhih hmahta Abeipa hmiakô liata â lâ khai khiahta cha,
Chyhsa sawzy palôh chhochhi cha khatlu ta ma a hmiakô liata â lâ aw tly!
12Chyhsa mohnao a hmâhpa cha rana pasô leipa ta,
Chyhsa sopa pangai aw vei.
13Palôh thaphapa ta hmia alyna tao ta,
Palôh vâsâhna deikua cha thlahpa hro tha a pachhâ tyh.
14Novâhpa palôh cha pahnona tlua ta,
Ahrupa pakah deikua cha hruna a nie tyh.
15Dyhchhiepa châta cha noh zydua a pha leipa sai châ ta,
Palôhtlâh a paohpa châta deikua cha kyhchhi â zao thlâh haw.
16 Abeipa china chôta a chyhta hneipa cha,
Sôh hluhpi hnei ta a tymâpa hlâta a pha via.
17Ahaona chôta viahchao tôhpa thawhpa sa niepa hlâta cha,
Kyhpachâna chôta âhna pati niepa a pha via.
18Chyhsa pathichhiepa cha ahryuna pathyu ta,
Nônaipa deikua cha aeichhiana a padia tyh.
19Thathipa lâpi cha ahloh thih hawhta châ ta,
Adopa lâthlôh deikua cha lâlai a raih pha kawpa a châ.
20Sawchapaw sopa cha a paw palysa ta,
Ahrupa deikua cha a nô a mohnao.
21Hruna cha sona a phahlapa châta â lyna châ ta,
Chyhsa novâhpa deikua cha lâpi patlâpa liata a sie tyh.
22Ryhraona phapa a y leina liata cha achhuahnazy a hlaotloh thei leipa ta,
Pasopakâtuhpa ama hluhna liata deikua cha achhuahnazy a hlaotloh tyh.
23Thlai ta achhyna pie tyhpa ta chyhsa palysa ta,
A daihtita ta bie rei tyhpa cha a pha kaw dia!
24Asopa châta cha hrona lâpi he â sâh lâta kiah lymâ ta,
Chatanachata â hnai lâta Athihkhih lâpi a tleisai thei ha aw.
25Apalaipa o cha Abeipa ta parao ta,
Nôhmei râhri deikua cha a pa-i tyh.
26Moleipazy pachâna cha Abeipa châta pasichhihpa châ ta,
Mopathaihpazy bie deikua cha khochhihpa a châ.
27Athôhna doleipa hmô khohpa ta karâypa chyhsa cha,
A chhôhkha châta tymâna tlôkhei ta;
Panaopapana a haopa deikua cha,
A hro a pareih aw.
28Mosiapa palôh cha â chhy hlâta pachâ tua tyh ta,
Moleipa pakah deikua cha hmo pha leipazy a reih pôziah tyh.
29 Abeipa cha moleipa tawhta a hla ta,
Mosiapa thlahchhâna deikua a thei tyh.
30Mokhaoh khaihna ta palôh palysa ta,
Thâtih pha ta ru a pathawh tyh.
31Hrona chhoreina a nathliepa nakhaoh cha,
Asopazy hry liata a pahrâ aw.
32Pachuna a uasa leipa cha a hro khâpasaw ta a reih leipa châ ta,
Chhoreina a nathliepa deikua cha novâhna a to aw.
33 Abeipa china cha sona pachuna châ ta,
Palyupalihna to awpa ta a reisi tua awpa a byuh.
Currently Selected:
BIESOZY 15: MARVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
