Popular Bible Verses from BIESOZY 15

Share

Achhyna naipa ta pathiiana padia ta, Reih chahrâhpa deikua ta hiehâhna a pathyu tyh.

ABEIPA china cha sona pachuna châ ta, Palyupalihna to awpa ta a reisi tua awpa a byuh.

Paleih naipa cha hrona tho châ ta, Paleih haiphiahpa deikua cha palôh a pakeichheih tyh.

Ryhraona phapa a y leina liata cha achhuahnazy a hlaotloh thei leipa ta, Pasopakâtuhpa ama hluhna liata deikua cha achhuahnazy a hlaotloh tyh.

Palôh thaphapa ta hmia alyna tao ta, Palôh vâsâhna deikua cha thlahpa hro tha a pachhâ tyh.

ABEIPA mo cha su to liata y ta, Hmo chhiepa nata hmo phapa zy a sai thlâh ha tyh.

ABEIPA china chôta a chyhta hneipa cha, Sôh hluhpi hnei ta a tymâpa hlâta a pha via.

Chyhsa pathichhiepa cha ahryuna pathyu ta, Nônaipa deikua cha aeichhiana a padia tyh.

Mosiapa palôh cha â chhy hlâta pachâ tua tyh ta, Moleipa pakah deikua cha hmo pha leipazy a reih pôziah tyh.