BIECHHOTUHPA 4
4
Noh ry liata hmo pha leipazy
1Pachâ via heih na ta, noh ry liata tlybaina zydua hmô na ta. Moh teh u, tlybaipa ta a ypazy cha mothlih chhaota y ei ta, thlah a palôh awpa hnei veih ei. Âmo a tlybaituhpazy cha hmotaotheina hnei ei ta, âmo deikua cha thlah a palôh awpa y veih ei. 2Chatawhcha athipazy kyh patuapalua na ta, a thi hapazy kha a hroh chypazy hlâta vâpha viapa ama châzie ei palôh liata â vaw lâ. 3Athipa nata ahrohpa hlâ chhao ta, a pih leipa, noh ry liata moleina hmotaopa rai a hmô leipa châ awpa a pha via syulyu.
4Hriapasana nata raihria liata zôthaina zydua chhao he, vaihzy uahvana vâta a vaw ypa a châ tahpa hmô na ta. Cha chhao cha hraoleipa châ ta, thlih a chadaipa deita a châ.
5Ahrupa cha a ku pako ta,
Ano sa â nie tyh.
6Chhôhmoh kawpa ta pazah kha hneipa cha,
Hriapasa kawpa ta pazah miano hnei ta,
Thlih a chadaipa hlâta a pha vai.
7Sai heih na ta, noh ry liata hraoleipa ei hmô via heih. 8Chyhsa matlupa pakha y ta, sawchapaw tlyma, unawh tlyma hnei leipa ta, ano dei ta a o liata pahrâ ta. Châhrasala a hriapasana chhâ thai khao leipa ta, hneirôna liata a mo lôhrâtlô beih leipa ta, “Ahy châta ma he tlupo ta hriapasa na ta, hro pahâh leina taihta ei hria tly?” tahpa ta anosasyh ta a hiahri beih hra vei. Cha chhao cha hraoleipa deita châ ta, thapawh a chhih leipa raihria a châ.
9Pano cha pakha hlâta a pha via, ama hriapasana lymâ a hluh via awpa vâta. 10Pakha a pao khiahta cha, pakhapa ta a viasapa cha a pathyu aw. Ano dei ta a ypa deikua cha a hu a po na, a pao tita a pathyu awpa ama y leipa vâta. 11Chyhsa pano amâ zia khoh khiahta cha, ama lalôh aw. Pakha dei ta â zia khiahta cha, kheihta ma a lalôh thei aw? 12Pakha deipa cha chyhsa ta a pahnie thei ngyu ma, pano deikua pahnie thei aw vei. Chaori ri thôh ta charipa cha, thlai ta chie aw vei.
13Bei hrupa machâpa, pachâna lana châh chhao a pahno khao leipa hlâta cha, thyutlia sopa dyhchhiepa a pha via. 14Bei hrupa cha, bei châ awpa ta a pihpa châ hra sala, dyhchhiepa vaw châ thei ta, thyutlia sopa dyhchhiepa chhao, patâhna o tawhta beidyuchhai liata â kaw tyuh thei. 15Chyhsa a hrohpa zydua noh ry liata ama chareipa hmô na ta, abei su liata a duahpa thyutliapa chhao kha ama hry liata hmô hra na ta. 16Bei thyutliapa ta a chhihthapa zawpi zydua cha chhâ tiah veih ei. Chatahrasala ano hnôhlâ ta a vaw y awpazy ta a chô liata a ly hlei aw veih ei. Cha chhao cha hraoleipa châ ta, thlih a chadaipa deita a châ.
Currently Selected:
BIECHHOTUHPA 4: MARVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
