BIECHHOTUHPA 11
11
Ti chô liata viahchhâ thypa
1Ti chô liata na viahchhâ thy la,
Noh hluhpi tawhta na hmô heih aw.
2Alei chô liata chhiena a vaw tlô thei awpa na pahno leipa vâta,
Chyhsa pasari hnohta tovyuh pie la,
Pacharie hnohta chhao pie mah y.
3Meihdo cha vâsua ta a bie khiahta cha,
Alei chô liata a za patlai tyh.
Tho cha chho lâ tlyma, maw lâ tlyma a pao khiahta cha,
A paona su liata â zawh tyh.
4Thlih sai a mohpa ta chi cheih leipa aw ta,
Meihdo sai a saipa ta sâh hria aw vei.
5Ziza lâpi pahno leipa chi ta, nô chhi chhôh liata hawsaih rupa a vaw y laihnazie na pahno leipa hawhta, ato zydua a taotuhpa Khazohpa hmo taozie zy chhao pahno va chi.
6My ta chi tu la, zâlâ chhao na ku pako thlâh ha khah y. Kheihawhpa ma a pyuh aw, he he ma, hao hao ma, a miano ta ama pha aw ma, tahpa zy pahno va chi.
7Khaihna cha pha ta, noh hmôpa cha mokhaoh châta mo a pahâh ngaita. 8Chavâta chyhsa ta kô hluhpi a hro khiahta cha, cha zydua liata a ly mawh sy. Anodeikua cha zohna nohzy chhao a hluh kaw aw tahpa a thei mawh sy. Hmo a vaw tlôpa zydua he hraoleipa sai na a vaw châ.
Thyutliazy pasyuna
9Hy satlia, na thyutliana liata a ly mah y. Na palôh ta na thyutlia daihti liata cha palysa mawh sy. Na palôh khopa zi la, mo pha na tahpa zi mah y. Anodeikua cha cha zydua vâna chata Khazohpa ta a cha pachia aw tahpa pahno mah y. 10Pachârôhna na palôh tawhta pahlei la, hmo chhiepa na pôhpa tawhta hnei ha mah y. Thyutlia daihti nata locho no chhao he hraoleipa deita a châ.
Currently Selected:
BIECHHOTUHPA 11: MARVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
