Titusi 3
3
Keim-laaro tɔgem na ye tei to
1Guli n bere nɔɔna bam se ba taa nege ba yiga tiina de balo na ye dedɛɛra to, se ba taa sɛ ba ni. Ba nam taa yei se ba ke wo-laaro dwi maama.#Rom 13:1-7 2Ba nam yé zaŋe ba yaale nɔɔn-nɔɔno yuu, naa ba mage ni-kantɔgɔ. Ko nam maŋe se ba taa zuli nɔɔna, ye ba gwooni ba tete nɔɔna maama yiga ne.
3Kokuri debam maama déem ye bedwe mo. Debam yi déem wo poore. Dé maa jege yi-dɛɛre ye dé kwori dé tusi. Dé déem wo wo-yɔɔro jeŋa ne mo ye dé tɔge kolo maama dé boboŋa na lage to. Dé maa yeini dé ke lwarem de puseŋa, ye dé chuli daane. 4De ko de, debam Vereno Wɛ wom laam bere jaja we, o jege nabiina swono lanyerane, 5ye o vere debam wɛleera jeŋa ne o yage. O na jwoŋi debam o yage to, ko ye o na ye ŋwaŋa tu to ŋwaane mo, ye ko dae debam na ke keim-laaro telo to ŋwaane. O ma tɔge o Sin-laao kom ŋwaane mo o saare wo-digiru dé bochara wone, pa se dé pipiri dé taa jege boboŋ-doora, ye dé na ŋwe-doŋa o tei ne. 6Ko maa ye debam Vereno Yezu Krista ŋwaane mo Wɛ toŋe o Sin-laao kom o pa debam zɛɛra, 7se dé wane dé na chega o tei ne o zaane dem ŋwaane. Ko maa pae dé ye o bia balo na wó taa tei o wo-laaro tem to. Dé maa jege teena we, dé wó na ŋwea kalo na ba jege kweelim o tei ne to.
8Amo na tɛ taane delo to ye berem chekke mo. Konto ŋwaane, a lage se n kwaane n zege wonnu tem konto chega kam kwaga ne, se ko pa balo na sɛ Wɛ to seene ba yia ba taa tɔge keim-laaro. Dento berem dem lana, ye de jege nyɔɔre de pae nɔɔna maama. 9Ko daare ko ná ye ta-yɔɔro, naa dé kwoa kwoa yera natɔga taane, naa ni-kantɔgɔ Juu tiina chullu tem baŋa ne, se n che n tete de tento maama. Te nam ba jege nyɔɔre ye te ye kafɛ mo. 10Nɔɔno wolo ná boŋe se o ke nɔɔna daane se ba yé taa jege ni dedwe, se n kaane konto tu nenɛɛne kuni belei tei. O ta ná wo sɛ nmo taane dem, se n ja n tete ded‑o. 11Kokuri, nɔɔno ná ye konto dwoŋi, n yei we o daa ba lage se o tɔge chwoŋa. O na maŋe o tusi tei to mo bere we, o bá na bora Wɛ tei ne.
12Amo lage a toŋe Atimasa naa Tichika nmo tei ne. Ba wolo ná yi nmo tei, se n kwaane n ba lela n na amo Nikopola ne, kokuri amo boŋe se yadɛ dem ti amo dáane mo. 13Nmo nam kwaane se n woli Apolo, de Zenase wolo na ye lɔya tu to, se ba zaŋe ba bobo ba chwoŋa kam veiŋa, se n daare n pa-ba kolo maama ba na lage to.#Kikia 18:24-28 14Pa se dé nu-bia bam taa yei se ba seene ba yia ba taa ke keim-laaro telo na wó woli nɔɔna ba gɛɛre wone. Konto mo wó pa ba ŋwea taa jege nyɔɔre nɔɔna tei ne.
15Dé nu-bia balo na wo amo tei ne to maama jɔɔne nmo. Jɔɔne balo na sɛ Yezu ye ba jege debam swono to.
Wɛ zaane dem taa wo abam maama tei ne.
Currently Selected:
Titusi 3: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
