Filipi 2

Yezu Krista na tu o tete tei to

1Abam na me de Yezu Krista to mo pae á jege pu-dɛa. O swono kom maa pae á bochara zuri. Wɛ Sin-laao kom ta maa pae se á me daane de wopwolo. Á maa jege da-ŋwaŋa de swono. 2Ko na seene ko ye konto to, a lwoori abam se á ta‑á jege boboŋe dedwe daane, de swono bedwe, se á daare á ta‑á jege ni-sɛɛm á pa daane. Abam ná ke á tɔge konto dwoŋi, ko wó pa amo tiini a taa jege wopwolo. 3Á yé mage á nyɔɔna naa á lage kamunim á pa á tete. Nam gwooni-na á tete á pa daane, se á ta‑á nege á dwonna maama lanyerane. 4Nɔɔno maama jege se o boŋe o nii o na wó woli o dwoŋi tei to, ko dae we se o woli o tete yerane. 5Á boboŋa yam jege se ya taa ye nenɛɛne Yezu Krista na boŋe tei to mo.#Matiyu 11:29

6Ko ná ye wonto, o maŋe o jege Wɛ nyenyego mo.

O dedaane Baŋa Wɛ ye bedwe,

ye o wo ke o boboŋa ne se o fe o tete

se ba taa mae daane.

7O nam na ke tei to,

o tiŋi tento maama dáa ne mo,

ye o pa o tete ji ne kabaa tei.

O déem ma ba o nye de nabiina.

8O na tu o jege nabiina nyenyego konto to,

o déem tu o tete ye o sɛ Wɛ ni o ba o te.

Ko nam dae toone de toone,

ko ye ba page‑o dagara yuu ne mo pa se o te.

9Konto ŋwaane Wɛ laam ma zeiŋi Yezu yuu wɛ-wɛ de zula,

ye o daare o pa‑o yere delo na dwoi yera maama to.

10Mo kokuri maŋa wó ba se nɔɔna maama kuni dwoona

ba zuli Yezu o yere-zɔŋɔ kom ŋwaane.

Balo na wo telaao ne, naa tega baŋa ne, naa tega kuri ne to maama

jege se ba kuni nadwoona mo ba zuli‑o.

11Ba maama ni taane wó ta jaja we,

Yezu Krista ye ba Teiru.

Konto wó pa dé Kwo Wɛ na zula lanyerane.#Izaya 45:23; Rom 14:11

Dé wó pa pwooni taa wora logo baŋa ne

12Konto ŋwaane, a badwoŋ-swonnu bam, ko maŋe se á maane á nii maŋa kalo amo ya na wo á tei ne ye á sɛ amo ni to. Amo nam na tera leile to, á jege se á tiini á ta‑á sɛ amo ni se ko ja gaale. Ta‑á kɔre-na Wɛ lanyerane ye á yera sae, se á kwaane á pa o na jwoŋi abam o yage tei to ja kuri lanyerane. 13Kolo ŋwaane Wɛ mo yeini o ke dam á bochara ne, pa se á lage kikia yalo na wó su o yi ye á wane-ya á ke. 14Woŋo kolo maama á na kea, se á yé ta‑á poona, naa á mage ni-kantɔgɔ ko baŋa ne. 15Konto mo á wó ta‑á jege chega Wɛ tei ne, ye lwarem bá taa wo á bochara ne. Á wó ta‑á ye Wɛ bia balo na ba jege tusim ye á zoore nɔn-balwaaro balo boboŋa na ba tɔge chwoŋa to tetare ne. Á wó ta‑á jege pwooni á pa logo baŋa, ne chalechwe tei, 16de á na ŋɔɔne Wɛ ŋwea botara kam á bere nɔɔna tei to. Á ná ke konto dwoŋi, ko wó bere we, amo na chɛ a toŋe Wɛ totoŋa abam ŋwaane tei to dae kafɛ. Amo wó taa jege teera de abam, dɛ dem Yezu Krista na wó jwoori o ba to.

17Abam na kwei á wo-dedoa á sɛ Yezu to nye de á kwei woŋo mo á ma á kaane Wɛ ye ko pwoli o wo. Dɛ delo amo laam wó ga a ŋwea, pa se ka ji wo-nyɔɔro pɛɛre ka woli abam kaanem dem wone ka pa Wɛ. Amo ná lage a te se ko pa Wɛ zula konto, amo wó taa jege wopwolo, ye a lage se abam de na wopwolo ko ŋwaane. 18Ɛɛ, ko maŋe se abam de taa jege wopwolo lanyerane, se dé maama tɔge daane dé na ywoni dedɛ.

Timoti de Epafarodi taane

19Debam Teiru Yezu ná sɛ, amo boŋe se a toŋe Timoti se o ba abam tei leile. Konto wó wane ko pa se, o ná jwoori o ba o pa-ne abam labaare, se a daa yé taa jege lwia a pa abam. 20Nɔɔn-nɔɔno daa tera amo tei ne o na jege amo boboŋa yam dwoŋi, ye o yiga wo abam wone, ko ná dae Timoti yerane. 21Balo maama na daare to lage ba tete wonnu yerane mo, ye ba ba lage Yezu Krista wonnu tem. 22Ko nam ná ye Timoti, abam maŋe á yei o wo na tɔge chega tei to. O déem tɔge de amo o tɔɔle Wɛ kwor-ywoŋa kam, nenɛɛne bu na lage se o tɔge o kwo o toŋe tei to. 23Mo kokuri a boŋe se a toŋe‑o abam tei ne, ne amo ná lɔre we, ba wó pore-ne ba yage, naa ba bá pore-ne. 24Dé Teiru wom nam pɛ a jege teena we, ba wó pore-ne ba yage leile ye a laam ba abam tei.

25Amo boŋe we ko ya maŋe se a toŋe Epafarodi se o jwoori o ba abam tei. Wonto ye dé nu-bu mo. O ma tɔge de amo o toŋe Wɛ totoŋa, ye dé kwori dé chana ya baŋa ne. O maa ye abam tontoŋeno wolo á na le á wone se o ba o woli-ne a yaara yam ŋwaane to.#Filipi 4:18 26Abam fera laam maa jege‑o, ye o lage se o daa na abam. O wo ya chɔge de á na lɔre we, o ya ba jege yazura to. 27Ko ye chega mo we, o ya weela ye o da toone tei o kɛ. Wɛ nam mo duri o yiniga. Ko nam dae wonto yiniga yerane mo o duri. Wɛ duri amo de yiniga, de o na pɛ o wori ye amo wo daa wo tiini ko chɔge ko daŋe da-baŋa ne to. 28Konto ŋwaane, amo yɔɔre a lage se o yi abam tei lela, se á ta‑á jege wopwolo de á na jwoori á na‑o to, ye amo de lwia yam laam jei. 29O ná tua, se á jeeri‑o lanyerane de wopwolo dedɛ, o na ye dé Teiru wom nyem to ŋwaane. Ko maŋe se á ta‑á nege nɔɔna nenɛɛne wonto dwoŋi tei. 30Kokuri o ya dɛ toone tei o kɛ Yezu Krista totoŋa yam ŋwaane mo. O déem lage o ga o ŋwea de o na leiri abam yuu ne se o taa toŋa o woli-ne to.

Currently Selected:

Filipi 2: KBG

Highlight

Copy

Compare