Chullu 3
3
Yazura pɛɛre kaanem
1Abam wolo ná boŋe se o ke yazura pɛɛre o kaane o pa Baŋa Wɛ, ye kotu ná kuri na-bala, naa na-choa o vara bam wone, ko wó taa ye kalo na ba jege gɛɛ ka yera ne to mo. 2Kotu laam maa wó kwei o jeŋa o daŋe varem wom yuu ne ye o daare o gwoni varem wom ba wara-vwei dem ni dem ne. Aron dwi dem kaanem tiina bam maa wó kwei varem wom jana bam ba dole dole kaanem dakaa kam sɛ sena sem yera ne. 3Nɔɔno wom wó le o yazura pɛɛre dem wone kolo na wó taa ye pɛɛre ko pae Baŋa Wɛ to. Ko maa wó taa ye lara kalo na meeli varem wom wo-zela yam yera ne to maama, 4dedaane o tapwale-bia balei bam de lara kalo na meeli da to mo. O ta wó le chwɛ dem kuri seeni mo o woli da. 5Kaanem tiina bam laam maa wó kwei wonnu tem konto maama ba ja vo ba tiŋi kaanem dakaa kam baŋa ne ba zwɛ-te ba woli de zwɛɛm pɛɛre delo na maŋe de wora mini ne to. Pɛɛre dem konto lwom maa ywomma ko pae Baŋa Wɛ.
6Nɔɔno nam ta wó wane o ma pia, naa boŋo se o ma o ke yazura pɛɛre o pa Baŋa Wɛ. Ko wae ko ye wo-bala naa wo-kana kalo na ba jege gɛɛ ka yera ne to. 7Ko ná ye pia mo nɔɔno wom jaane o ba, se o ja-ka o jeeri Baŋa Wɛ yiga ne. 8O laam maa wó kwei o jeŋa o daŋe ka yuu ne ye o daare o gwoni varem wom ba wara-vwei dem yiga ne. Aron bia bam laam maa wó kwei varem wom jana bam ba dole dole kaanem dakaa kam sɛ sena sem yera ne. 9Nɔɔno wom wó le o yazura pɛɛre dem wone kolo na wó taa ye pɛɛre ko pae Baŋa Wɛ to. Ko maa wó taa ye varem wom lara kam maama, de lara kalo na meeli o wo-zela yam yera ne to de. Ba jege se ba gwoni o nabili dem tetare kua kam seeni, se ba le nabili-bwogo kom de ko lara kam. 10Ba ta wó le varem wom tapwale-bia balei bam de lara kalo na meeli da to, de chwɛ dem kuri seeni ba woli da. 11Kaanem tu wom laam wó kwei-te o ja o vo o zwɛ kaanem dakaa kam baŋa ne, se ko taa ye nɔna mo na ye pɛɛra ya pae Baŋa Wɛ.
12Ko nam ná ye boŋo mo nɔɔno jaane o ba se o ma o ke pɛɛre dem konto o pa Baŋa Wɛ, 13kotu wó kwei o jeŋa mo o daŋe ko yuu ne, ye o daare o gwoni ko ba wara-vwei dem yiga ne. Aron bia bam maa wó kwei boŋo kom jana bam ba dole dole kaanem dakaa kam sɛ sena sem maama yera ne. 14Nɔɔno wom wó le o pɛɛre dem wone kolo na wó taa ye pɛɛre ko pae Baŋa Wɛ to. Ko nam ye lara kalo na meeli boŋo kom wo-zela yam yera ne to mo, 15dedaane ko tapwale-bia balei bam de lara kalo na meeli da to. O ta wó le chwɛ dem kuri seeni mo o woli da. 16Kaanem tu wom laam maa wó kwei-te o ja o vo o zwɛ kaanem dakaa kam baŋa ne, se ko taa ye wodiu na ye pɛɛre ko pae Baŋa Wɛ to. Pɛɛre dem konto lwom maa ywomma ko pae Baŋa Wɛ.
Varem wom lara kam maama ye Baŋa Wɛ nyem mo. 17Abam ná vei á wo jei selo maama ne, á ba jege se á fɔge á di lara naa jana.#Nia Gulim 12:16; Kikia 15:20 Abam de á kwaga kam maama jege se á ta‑á tɔge Wɛ ni dem konto se ko taa vei wuu.”
Currently Selected:
Chullu 3: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
