Jemsi 2
2
Dé yé taa kuri nɔɔna daane
1A nu-bia bam, abam ye balo na seene á sɛ dé Teiru Yezu Krista wolo na di paare telaao ne to mo. Konto ŋwaane, ko wo maŋe se á ta‑á kuri nɔɔna daane de á na zuli-ba tei to. 2Abam ná tigisi daane se á ware Wɛ, dɛ delo nɔɔna balei ma ba á tei. Dedoa maa ye nadum. O ma zo gare-nyenno ye o ke sabu-seŋa jafolo o jeŋa ne. O dwoŋi wom maa ye yiniga tu, ye o zo gare-zenzwanno. 3Dɛ delo á wó jeeri nadum wom lanyerane, ye á pa o na jeiŋa jei, á daare á ta de yiniga tu wom we, o zege dáa ne, naa o jeini tega ne á nɛ ni ne. 4Á ná pɔɔre-ba daane konto dwoŋi, ko bere we á pae se nɔɔna ba mae daane mo. Ko nam ye boboŋ-lwanno mo pae á kuri nɔɔna daane konto.
5A nu-bi-swonnu bam, cheigi-na amo. Wɛ mo seene o kuri balo na ye yiniga tiina nɔɔna tei ne to, se ba taa ye naduna o tei ne, de ba na ke ba wo-dedoa de Yezu tei to. O wó pa ba woli o paare dem wone, ne o na maŋe o pwooli se o ke o pa balo na swoi‑o to. 6Ko nam na ye konto to, bɛ mo kea ye á jege yiniga tiina á twea? Bera mo jege abam ba bɛɛsa? Ko dae naduna bam mo na? Banto mo yeini ba ja abam de dam ba ja vo ba saŋe kɔɔte ne. 7Ba maa jege Yezu yere-ŋom dem ba twea, ye abam mo ye o bia.
8Wɛ ni delo na bere o paare dem to popone Wɛ tɔnɔ kom ne we, “Ta‑n swoi n dwoŋi se ko maŋe de n na swoi n tete tei to.”#Chullu 19:18 Abam ná sɛ á tɔge ni dem konto, ko lana. 9Ko daare á ná pɔɔre nɔɔno de nɔɔno daane de á na zuli-ba tei to, ko bere we á ke wɛleere mo. Wɛ ni dem bere we á ke á tusi mo. 10Nɔɔno ná tɔge Wɛ nia yam maama ye o ná chɔge ya woŋo dedoa yerane, ko bere we o chɔge ya maama mo. 11Wɛ mo pɛ o ni we, dé yé zaŋe dé ke kabwoŋa. Wonto nam ta mo we, dé yé go nɔɔno. Mo kokuri, n ná maŋe n wo ke kabwoŋa, ye n ná go nɔɔno, ko bere we, n ta chɔge Wɛ ni mo.#Nwoŋim 20:13-14; Nia Gulim 5:17-18
12Ta‑á pa-na á ni taane de á kikia maama taa tɔge Wɛ ni delo na wae de jwoŋi nɔɔna pa ba na ba tete to, se Wɛ wó tɔge o ni dem konto baŋa ne mo o ma di debam taane. 13Kolo ŋwaane, Wɛ ná di wolo na ba jege o dwonna ŋwaŋa to taane, o bá duri konto tu de ŋwaŋa. Wolo nam na jege o dwonna ŋwaŋa to wó lɔre we, Wɛ duri nɔɔna ŋwaŋa se ba yé na waarem mo.
Wo-dedoa keim de keim-laaro taane
14A nu-bia bam, nɔɔno ná tɛ o we, omo ke o wo-dedoa de Wɛ, ye o laam ba tɔge kikia yalo na maŋe to, ko jege kuri na? O Wɛ chwoŋa tɔgem dem konto wó wane de jwoŋi‑o de yage na? 15Dɛ delo n nu-bu dedoa wó ba nmo tei ye o ba jege gɔrɔ se o zo, de o ni-wodiu se o di. 16Nmo laam ná tage ded‑o n we, o véi, se Wɛ wó zeini‑o pa o na gɔrɔ de o ni-wodiu, ye n ná wo pɛ‑o wonnu telo o na lage to, ko jege kuri na? 17Wɛ chwoŋa tɔgem de ye konto mo. Nmo ná tɛ we, n ke n wo-dedoa de Wɛ, ye n laam daare n ba ke keim-laaro, ko bere we n Wɛ chwoŋa tɔgem dem ye kafɛ mo.
18Nɔɔno wae o tɛ we, omo ke o wo-dedoa de Wɛ. Amo nam ke keim-laaro mo. Nmo na ba ke keim-laaro to, nmo nam wó ke tɛ mo n bere-ne we n seene n ke n wo-dedoa de Wɛ? Ko nam ná ye amo, amo wó kwei a keim-laaro tem a ma bere‑m we a sɛ Wɛ de wo-dedoa.
19N sɛ we Wɛ ye dedoa yerane mo na? N ná sɛ konto, ko lana. Setaana tete de maŋe ya sɛ konto mo, ye ko pae ya yera sae. 20N ba jege boboŋa mo na? N yeiri we Wɛ chwoŋa tɔgem delo na ba tɔge de keim-laaro to ye kafɛ mo na? 21Boŋe n nii debam nabaaro Abaraham kikia déem na ye tei to. Ko ke tɛ mo ye Wɛ pa se o jege chega o tei ne? Ko ye o kikia yam ŋwaane mo, de o na kwei o bu Izaak se o go o ma ke kaanem. 22Ko bere we o Wɛ chwoŋa tɔgem dem dedaane o keim-laaro maama tɔge daane mo. O keim-laaro tem déem mo pɛ se o Wɛ chwoŋa tɔgem dem ji chega. 23Konto mo, kolo na popone Wɛ tɔnɔ kom ne to jigi chega ye ko we, “Abaraham ke o wo-dedoa de Wɛ, ye Wɛ pa o na chega ko ŋwaane.” Nɔɔna déem maa bwoi‑o we “Wɛ badwoŋi”.#Pulim 15:6; 22:9-10
24Konto wó pa á lɔre we, ko ye nɔɔno kikia mo pae o na chega Wɛ tei ne, se ko dae o na ke o wo-dedoa de Wɛ to yerane ŋwaane. 25Ko woli da, ko ná ye ka-tola kalo yere na ye Rahaba to, wonto kikia de bere konto mo. Isarele tiina tontoŋena bam déem na tu o tei to, o ke-ba lanyerane ye o bere-ba chwoŋa se ba tɔge da ba ma lu ba dona jeŋa ne. O kikia yam konto mo pɛ se o na chega Wɛ tei ne.#Josua 2:1-21
26Konto maama bere we, nɔɔno Wɛ chwoŋa tɔgem ná ba jege keim-laaro, ko ye kafɛ mo. Ko ye bedwe mo de nɔɔno yera ná ba jege jworo, wonto ye too mo.
Currently Selected:
Jemsi 2: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Jemsi 2
2
Dé yé taa kuri nɔɔna daane
1A nu-bia bam, abam ye balo na seene á sɛ dé Teiru Yezu Krista wolo na di paare telaao ne to mo. Konto ŋwaane, ko wo maŋe se á ta‑á kuri nɔɔna daane de á na zuli-ba tei to. 2Abam ná tigisi daane se á ware Wɛ, dɛ delo nɔɔna balei ma ba á tei. Dedoa maa ye nadum. O ma zo gare-nyenno ye o ke sabu-seŋa jafolo o jeŋa ne. O dwoŋi wom maa ye yiniga tu, ye o zo gare-zenzwanno. 3Dɛ delo á wó jeeri nadum wom lanyerane, ye á pa o na jeiŋa jei, á daare á ta de yiniga tu wom we, o zege dáa ne, naa o jeini tega ne á nɛ ni ne. 4Á ná pɔɔre-ba daane konto dwoŋi, ko bere we á pae se nɔɔna ba mae daane mo. Ko nam ye boboŋ-lwanno mo pae á kuri nɔɔna daane konto.
5A nu-bi-swonnu bam, cheigi-na amo. Wɛ mo seene o kuri balo na ye yiniga tiina nɔɔna tei ne to, se ba taa ye naduna o tei ne, de ba na ke ba wo-dedoa de Yezu tei to. O wó pa ba woli o paare dem wone, ne o na maŋe o pwooli se o ke o pa balo na swoi‑o to. 6Ko nam na ye konto to, bɛ mo kea ye á jege yiniga tiina á twea? Bera mo jege abam ba bɛɛsa? Ko dae naduna bam mo na? Banto mo yeini ba ja abam de dam ba ja vo ba saŋe kɔɔte ne. 7Ba maa jege Yezu yere-ŋom dem ba twea, ye abam mo ye o bia.
8Wɛ ni delo na bere o paare dem to popone Wɛ tɔnɔ kom ne we, “Ta‑n swoi n dwoŋi se ko maŋe de n na swoi n tete tei to.”#Chullu 19:18 Abam ná sɛ á tɔge ni dem konto, ko lana. 9Ko daare á ná pɔɔre nɔɔno de nɔɔno daane de á na zuli-ba tei to, ko bere we á ke wɛleere mo. Wɛ ni dem bere we á ke á tusi mo. 10Nɔɔno ná tɔge Wɛ nia yam maama ye o ná chɔge ya woŋo dedoa yerane, ko bere we o chɔge ya maama mo. 11Wɛ mo pɛ o ni we, dé yé zaŋe dé ke kabwoŋa. Wonto nam ta mo we, dé yé go nɔɔno. Mo kokuri, n ná maŋe n wo ke kabwoŋa, ye n ná go nɔɔno, ko bere we, n ta chɔge Wɛ ni mo.#Nwoŋim 20:13-14; Nia Gulim 5:17-18
12Ta‑á pa-na á ni taane de á kikia maama taa tɔge Wɛ ni delo na wae de jwoŋi nɔɔna pa ba na ba tete to, se Wɛ wó tɔge o ni dem konto baŋa ne mo o ma di debam taane. 13Kolo ŋwaane, Wɛ ná di wolo na ba jege o dwonna ŋwaŋa to taane, o bá duri konto tu de ŋwaŋa. Wolo nam na jege o dwonna ŋwaŋa to wó lɔre we, Wɛ duri nɔɔna ŋwaŋa se ba yé na waarem mo.
Wo-dedoa keim de keim-laaro taane
14A nu-bia bam, nɔɔno ná tɛ o we, omo ke o wo-dedoa de Wɛ, ye o laam ba tɔge kikia yalo na maŋe to, ko jege kuri na? O Wɛ chwoŋa tɔgem dem konto wó wane de jwoŋi‑o de yage na? 15Dɛ delo n nu-bu dedoa wó ba nmo tei ye o ba jege gɔrɔ se o zo, de o ni-wodiu se o di. 16Nmo laam ná tage ded‑o n we, o véi, se Wɛ wó zeini‑o pa o na gɔrɔ de o ni-wodiu, ye n ná wo pɛ‑o wonnu telo o na lage to, ko jege kuri na? 17Wɛ chwoŋa tɔgem de ye konto mo. Nmo ná tɛ we, n ke n wo-dedoa de Wɛ, ye n laam daare n ba ke keim-laaro, ko bere we n Wɛ chwoŋa tɔgem dem ye kafɛ mo.
18Nɔɔno wae o tɛ we, omo ke o wo-dedoa de Wɛ. Amo nam ke keim-laaro mo. Nmo na ba ke keim-laaro to, nmo nam wó ke tɛ mo n bere-ne we n seene n ke n wo-dedoa de Wɛ? Ko nam ná ye amo, amo wó kwei a keim-laaro tem a ma bere‑m we a sɛ Wɛ de wo-dedoa.
19N sɛ we Wɛ ye dedoa yerane mo na? N ná sɛ konto, ko lana. Setaana tete de maŋe ya sɛ konto mo, ye ko pae ya yera sae. 20N ba jege boboŋa mo na? N yeiri we Wɛ chwoŋa tɔgem delo na ba tɔge de keim-laaro to ye kafɛ mo na? 21Boŋe n nii debam nabaaro Abaraham kikia déem na ye tei to. Ko ke tɛ mo ye Wɛ pa se o jege chega o tei ne? Ko ye o kikia yam ŋwaane mo, de o na kwei o bu Izaak se o go o ma ke kaanem. 22Ko bere we o Wɛ chwoŋa tɔgem dem dedaane o keim-laaro maama tɔge daane mo. O keim-laaro tem déem mo pɛ se o Wɛ chwoŋa tɔgem dem ji chega. 23Konto mo, kolo na popone Wɛ tɔnɔ kom ne to jigi chega ye ko we, “Abaraham ke o wo-dedoa de Wɛ, ye Wɛ pa o na chega ko ŋwaane.” Nɔɔna déem maa bwoi‑o we “Wɛ badwoŋi”.#Pulim 15:6; 22:9-10
24Konto wó pa á lɔre we, ko ye nɔɔno kikia mo pae o na chega Wɛ tei ne, se ko dae o na ke o wo-dedoa de Wɛ to yerane ŋwaane. 25Ko woli da, ko ná ye ka-tola kalo yere na ye Rahaba to, wonto kikia de bere konto mo. Isarele tiina tontoŋena bam déem na tu o tei to, o ke-ba lanyerane ye o bere-ba chwoŋa se ba tɔge da ba ma lu ba dona jeŋa ne. O kikia yam konto mo pɛ se o na chega Wɛ tei ne.#Josua 2:1-21
26Konto maama bere we, nɔɔno Wɛ chwoŋa tɔgem ná ba jege keim-laaro, ko ye kafɛ mo. Ko ye bedwe mo de nɔɔno yera ná ba jege jworo, wonto ye too mo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)