Jemsi 3
3
Ni taane wae de chɔge debam
1A nu-bia bam, abam dedɛ yé ta‑á kwaana se á ta‑á ye Wɛ kwora kam berena. Kolo ŋwaane á yei we, Wɛ borem dɛ dem ne ko wó taa tiini ko chana ko pa debam berena bam ko dwoi nɔɔna badaara. 2Debam maama yeini dé ke dé tusa. Nɔɔno wolo nam na ba ke o tusa o ni taane wone to yɔɔre o ye nɔn-ŋom mo, ye o wae o tete o jaane lanyerane.
3Nɔɔno ná yeini o lage o di siseiŋa, o wó kwei gara mo o ke ka ni ne se o wane o pa ka vo mɛ de mɛ o na lage to. 4Nam boŋe-na á nii nabworo na ye kamunu tei, ye vo-dɛɔ taa jege-ko ko maga. Ko tu wom nam ta wae o ma nayuŋ-balaŋa o pa ko vei o na lage mɛ to. 5Ko nam ta ye bedwe mo de nɔɔno dindeilimi na ye balaŋ-laŋa tei, ye de wae de tɛ wo-kamunnu de pae de tu wom to.
Nam ta‑á boŋe-na á nii kagoa na mae tei ye min-cheŋo ná to ka wone, ko wó di ka maama mo. 6Nɔɔno dindeilimi de nam ye mini mo, ye logo baŋa wo-lwanno maama wo de tei ne. De maa ye yera yam daa dedoa mo, ye de wo-lwanno tem laam wae te lɔgese yera yam maama. Dindeilimi jege mini mo de maa zwɛ nɔɔno ŋwea maama pa ka chɔge, ye mini dem konto nwoŋi te-seŋa ne mo.
7Nabiinu wae o tulimi wonnu dwi maama. O tulimi ga-vara, de zuna, de tega-veila, de ywona. 8Ko nam ná ye dindeilimi, nɔɔn-nɔɔno tera o na wae o tulimi-de. De maa ye wo-lɔŋɔ kolo na ware ko che to mo, ye de kwori de jege chɔŋɔ kolo na goe nɔɔna to. 9Dé yeini dé ma dento mo dé maa tei Wɛ wom na ye dé Teiru dedaane dé Kwo to, ye dento mo dé ta maa sɔɔle lwarem dé yage dé dwonna yuu ne. Wɛ nam ke banto pa ba jege o nyenyego. 10Konto to, teem de chɔgem maama nwoŋi ni dem konto dedoa wone mo. A nu-bia bam, ko wo maŋe se ko taa ye konto. 11Ko ná ye buli-yi, na-ŋona de na-chɛɔ maama bá wane ba taa buri de wone. 12A nu-bia bam, kaporo bá wane ko lei swa. Kansɔlɔ de nam bá wane ko lei mɔɔro. Ko ye bedwe mo de n na bá wane n mɔ na-ŋona bworu jei ne tei to.
Wɛ na pae swa yalo to
13A lage a ta woŋo de abam wolo maama na boŋe we o jege swa de yi-poro lanyerane to. Konto tu jege se o taa tɔge chwo-laao mo, ye o gwooni o tete o ke keim-laaro, ne ko na maŋe de o swa yam tei to. 14Nmo nam ná jege wo-goo de puseŋa, ye n lage n yerane wonnu, se n yé zaŋe n mage n nyɔɔne n ta we, n jege swa. N fɔ vwa n ma n kweele chega kam mo konto. 15Swa yam konto dwoŋi dae swa yalo na nwoŋi Wɛ tei to. Yanto ye logo baŋa nyem mo. Ya maa ye nabiina swa yalo na nwoŋi setaana tei to. 16Mɛ maama nɔɔna na lage ba yerane wonnu ye ba jege puseŋa de ba dwonna to, dáane mo kantɔgɔ de keim-lwanno dwi maama wora.
17Ko nam ná ye swa yalo na seene ya nwoŋi Wɛ tei to, yanto mo tiini ya lana fase. Ya maa swoi se ywoni taa wora, ye ya tu ye nɔn-pwoŋo wolo na nege nɔɔna to. O maa jege o dwonna ŋwaŋa lanyerane, ye o ta ke keim-laaro de o woli da. O ba kuri nɔɔna daane de o na ke-ba tei to, ye nɔɔna yei o wo lanyerane. 18Balo na swoi ywoni to wae ba woli ba dwonna se ywoni taa wo ba tetare ne. Nyɔɔre delo ba na wó na ba kikia yam baŋa ne to ye se chega mo taa toŋa.#Izaya 32:17
Currently Selected:
Jemsi 3: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Jemsi 3
3
Ni taane wae de chɔge debam
1A nu-bia bam, abam dedɛ yé ta‑á kwaana se á ta‑á ye Wɛ kwora kam berena. Kolo ŋwaane á yei we, Wɛ borem dɛ dem ne ko wó taa tiini ko chana ko pa debam berena bam ko dwoi nɔɔna badaara. 2Debam maama yeini dé ke dé tusa. Nɔɔno wolo nam na ba ke o tusa o ni taane wone to yɔɔre o ye nɔn-ŋom mo, ye o wae o tete o jaane lanyerane.
3Nɔɔno ná yeini o lage o di siseiŋa, o wó kwei gara mo o ke ka ni ne se o wane o pa ka vo mɛ de mɛ o na lage to. 4Nam boŋe-na á nii nabworo na ye kamunu tei, ye vo-dɛɔ taa jege-ko ko maga. Ko tu wom nam ta wae o ma nayuŋ-balaŋa o pa ko vei o na lage mɛ to. 5Ko nam ta ye bedwe mo de nɔɔno dindeilimi na ye balaŋ-laŋa tei, ye de wae de tɛ wo-kamunnu de pae de tu wom to.
Nam ta‑á boŋe-na á nii kagoa na mae tei ye min-cheŋo ná to ka wone, ko wó di ka maama mo. 6Nɔɔno dindeilimi de nam ye mini mo, ye logo baŋa wo-lwanno maama wo de tei ne. De maa ye yera yam daa dedoa mo, ye de wo-lwanno tem laam wae te lɔgese yera yam maama. Dindeilimi jege mini mo de maa zwɛ nɔɔno ŋwea maama pa ka chɔge, ye mini dem konto nwoŋi te-seŋa ne mo.
7Nabiinu wae o tulimi wonnu dwi maama. O tulimi ga-vara, de zuna, de tega-veila, de ywona. 8Ko nam ná ye dindeilimi, nɔɔn-nɔɔno tera o na wae o tulimi-de. De maa ye wo-lɔŋɔ kolo na ware ko che to mo, ye de kwori de jege chɔŋɔ kolo na goe nɔɔna to. 9Dé yeini dé ma dento mo dé maa tei Wɛ wom na ye dé Teiru dedaane dé Kwo to, ye dento mo dé ta maa sɔɔle lwarem dé yage dé dwonna yuu ne. Wɛ nam ke banto pa ba jege o nyenyego. 10Konto to, teem de chɔgem maama nwoŋi ni dem konto dedoa wone mo. A nu-bia bam, ko wo maŋe se ko taa ye konto. 11Ko ná ye buli-yi, na-ŋona de na-chɛɔ maama bá wane ba taa buri de wone. 12A nu-bia bam, kaporo bá wane ko lei swa. Kansɔlɔ de nam bá wane ko lei mɔɔro. Ko ye bedwe mo de n na bá wane n mɔ na-ŋona bworu jei ne tei to.
Wɛ na pae swa yalo to
13A lage a ta woŋo de abam wolo maama na boŋe we o jege swa de yi-poro lanyerane to. Konto tu jege se o taa tɔge chwo-laao mo, ye o gwooni o tete o ke keim-laaro, ne ko na maŋe de o swa yam tei to. 14Nmo nam ná jege wo-goo de puseŋa, ye n lage n yerane wonnu, se n yé zaŋe n mage n nyɔɔne n ta we, n jege swa. N fɔ vwa n ma n kweele chega kam mo konto. 15Swa yam konto dwoŋi dae swa yalo na nwoŋi Wɛ tei to. Yanto ye logo baŋa nyem mo. Ya maa ye nabiina swa yalo na nwoŋi setaana tei to. 16Mɛ maama nɔɔna na lage ba yerane wonnu ye ba jege puseŋa de ba dwonna to, dáane mo kantɔgɔ de keim-lwanno dwi maama wora.
17Ko nam ná ye swa yalo na seene ya nwoŋi Wɛ tei to, yanto mo tiini ya lana fase. Ya maa swoi se ywoni taa wora, ye ya tu ye nɔn-pwoŋo wolo na nege nɔɔna to. O maa jege o dwonna ŋwaŋa lanyerane, ye o ta ke keim-laaro de o woli da. O ba kuri nɔɔna daane de o na ke-ba tei to, ye nɔɔna yei o wo lanyerane. 18Balo na swoi ywoni to wae ba woli ba dwonna se ywoni taa wo ba tetare ne. Nyɔɔre delo ba na wó na ba kikia yam baŋa ne to ye se chega mo taa toŋa.#Izaya 32:17
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)